ល្ងាចនេះ តើ​ ព្រះ​ខ័ន​រាជ​ស្វាយរៀង​ អាច​វាយ​បក គិរីវង់សុខសែន​ជ័យ ដើម្បី​ឡើងវគ្គ ៤ ក្រុម​ពានសម្តេចតេ​ជោ បាន​ទេ?

នៅថ្ងៃ ពុធ ទី ១៨ ខែ មីនា ឆ្នាំ ២០២៦ នេះ មាន ២ គូទៀត ត្រូវជួបគ្នាជើងទី ២ វគ្គ ៨ ក្រុមចុងក្រោយពានរង្វាន់សម្តេចអគ្គមហាសេនាបតីតេជោ ហ៊ុន សែន លើក​ទី​១៩ ថ្នាក់ជាតិ រដូវកាល ២០២៥-២០២៦ ដើម្បីសម្រេចរកក្រុមខ្លាំង ឡើងទៅកាន់វគ្គពាក់កណ្តាលផ្តាច់ព្រ័ត្រ។

គូទី ១ ក្រុម ព្រះខ័នរាជស្វាយរៀង នឹងត្រូវបើកទ្វារពហុកីឡដ្ឋានជាតិមរតកតេជោ ទទួលស្វាគមន៍ក្រុមភ្ញៀវ គិរីវង្សសុខសែនជ័យ វេលាម៉ោង ៦ ល្ងាច។ ចំណែកមួយគូទៀត ក្រុម ភ្នំពេញក្រោន ត្រូវបើកទ្វាកីឡដ្ឋានរបស់ខ្លួនទទួលស្វាគមន៍ក្រុម អាយអេសអាយដង្កោរសែនជ័យ វេលាម៉ោង ៦ ល្ងាចដូចគ្នា។

លទ្ធផលកាលពីជើងទី ១ កន្លងទៅ ហាក់មានការភ្ញាក់ផ្អើលជាខ្លាំង ដោយក្រុម ព្រះខ័នរាជស្វាយរៀង បានចាញ់ក្រុម គិរីវង្សសុខសែនជ័យ នៅទឹកដីខេត្តតាកែវក្នុងលទ្ធផល ១-២។ ចំណែក ភ្នំពេញក្រោន វិញ បានស្មើជាមួយក្រុម អាយអេសអាយ ដង្កោរសែនជ័យ ក្នុងលទ្ធផល ២-២។

គួរបញ្ជាក់ ថា វគ្គពាក់កណ្តាលផ្តាច់ព្រ័ត្រ បានរកឃើញ ២ ក្រុមហើយ ដើម្បីឡើងទៅវគ្គបន្ត ក្នុងនោះមានក្រុម បឹងកេត និង វិសាខា។ បឹងកេត បានយកឈ្នះក្រុម កងយោធពលខេមរភូមិន្ទ នៅវគ្គ ៨ ក្រុមសរុបលទ្ធផលទាំង ២ ជើង ៤-០។ ដោយឡែក វិសាខា យកឈ្នះ ណាហ្គាវើលដ៍ ៦-២៕

កាលវិភាគប្រកួតវគ្គ ៨ ក្រុមចុងក្រោយពានសម្តេចតេជោ ថ្ងៃទី ១១ ខែ មីនា ឆ្នាំ ២០២៦ នេះ៖

• ព្រះខ័នរាជស្វាយរៀង vs គិរីវង្សសុខសែនជ័យ ម៉ោង ៦ ល្ងាច
• ភ្នំពេញក្រោន vs អាយអេសអាយ ដង្កោរសែនជ័យ ម៉ោង ៦ ល្ងាច

អត្ថបទ៖ សេម កុសល