ព័ត៌មានអន្ដរជាតិ
ការស្ទង់មតិថ្មី៖ ពលរដ្ឋអាមេរិកកាន់តែច្រើនមិនយល់ស្របដំណោះស្រាយរបស់ លោក ត្រាំ
ការស្ទង់មតិថ្មីមួយបានបង្ហាញឲ្យឃើញថា ប្រជាជនអាមេរិកកាន់តែច្រើនឡើង បានសម្តែងការមិនពេញចិត្តចំពោះដំណោះស្រាយបញ្ហាសង្គម ដែល ប្រធានាធិបតីសហរដ្ឋអាមេរិក លោក ដូណាល់ ត្រាំ កំពុងដោះស្រាយ ដែលស្តែងឲ្យឃើញតាមរយៈការធ្វើសង្គ្រាមជាមួយអ៊ីរ៉ង់នៅមជ្ឈិមបូព៌ា។
ការស្ទង់មតិរបស់សារព័ត៌មាន ABC News/Washington Post/Ipsos ចេញផ្សាយកាលពីថ្ងៃសុក្រ បានរកឃើញថា ៦២ភាគរយនៃជនជាតិអាមេរិកមិនពេញចិត្តនឹងប្រធានាធិបតី លោក ត្រាំ ទេ។ លទ្ធផលស្ទង់មតិឆ្លុះបញ្ចាំងពីការកើនឡើង ២ភាគរយពីខែកុម្ភៈ ហើយក្តីបារម្ភរបស់អ្នកឆ្លើយតប រួមមាន ថ្លៃដើមនៃការរស់នៅ លទ្ធភាពទិញ និងអតិផរណា។
អ្នកឆ្លើយ ៧២ ភាគរយនៃអ្នកចូលរួមក្នុងការស្ទង់មតិមិនយល់ស្របនឹងរបៀបដែល លោក ត្រាំ កំពុងដោះស្រាយអតិផរណា មានការកើនឡើង ៧ពិន្ទុធៀបកាលពីរខែមុន។ ទន្ទឹមនឹងនេះ អ្នកឆ្លើយតបការស្ទង់មតិចំនួន ២៧ភាគរយបានយល់ព្រមលើការដោះស្រាយអតិផរណារបស់ លោក ត្រាំ ។
ស្រដៀងគ្នានេះដែរ ៧៦ភាគរយមិនយល់ស្របនឹងរបៀបដែល លោក ត្រាំ កំពុងដោះស្រាយការចំណាយថ្លៃដើមនៃការរស់នៅក្នុងសហរដ្ឋអាមេរិក ខណៈពេល ២៣ភាគរយយល់ព្រម។
លោក ត្រាំ ធ្លាប់បានលើកឡើងពីមុនថា លោក ឈ្នះ លើបញ្ហានៃលទ្ធភាពទិញ ខណៈអះអាងថា អតិផរណា អំឡុងពេលសង្គ្រាមនឹងមិនមានរយៈពេលយូរទេ។
យ៉ាងណា ការឆ្លើយតបនៃការស្ទង់មតិបង្ហាញថា អ្នកចូលរួមបានរងផលប៉ះពាល់ដោយតម្លៃប្រេងឥន្ធនៈខ្ពស់ និងការកើនឡើងនៃថ្លៃថាមពល អំឡុងសង្គ្រាមជាមួយអ៊ីរ៉ង់។
អតិផរណាស្នូលក៏បានឡើងដល់កម្រិតខ្ពស់បំផុតក្នុងរយៈពេលពីរឆ្នាំនៅក្នុងខែមីនាផងដែរ។
អ្នកឆ្លើយតបជាងពាក់កណ្តាល ៦៦ភាគរយ និយាយថា ពួកគេមិនយល់ស្របនឹងរបៀបដែលលោក ត្រាំ កំពុងដោះស្រាយសង្គ្រាមអ៊ីរ៉ង់ ខណៈ ៣៣ភាគរយយល់ព្រម។
ការចរចារវាងទីក្រុងវ៉ាស៊ីនតោន និងទីក្រុងតេហេរ៉ង់នៅតែស្ថិតក្នុងភាពមិនច្បាស់លាស់។
ចំណែក អ្នកឆ្លើយ ៦៥ភាគរយលើការស្ទង់មតិនិយាយថា លោក ត្រាំកំពុងដោះស្រាយទំនាក់ទំនងរបស់សហរដ្ឋអាមេរិកជាមួយសម្ព័ន្ធមិត្តមិនបានល្អ ចំពេលមានជម្លោះជាមួយអ៊ីរ៉ង់។
ប្រែសម្រួល៖ ណឺ មិនា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត