កូវីដ-១៩

ខេត្តកំពង់ស្ពឺបន្តរកឃើញអ្នកឆ្លងកូវីដថ្មី៣៨នាក់បន្ថែមទៀត ភាគច្រើនជាកម្មកររោងចក្រ

បានផុស

៥ years មុន

នៅ

ថ្ងៃអង្គារ ១៨ ឧសភា ២០២១

ដោយ

រដ្ឋបាលខេត្តកំពង់ស្ពឺបានប្រកាសរកឃើញអ្នកឆ្លងជំងឺកូវីដ១៩ថ្មីចំនួន៣៨នាក់បន្ថែមទៀត នៅថ្ងៃទី១៧ ខែឧសភានេះ ដែលធ្វើឲ្យចំនួនអ្នកជំងឺកើនឡើងដល់ទៅ២៨៣នាក់។

បើតាមសេចក្តីជូនដំណឹងរបស់រដ្ឋបាលខេត្តកំពង់ស្ពឺបានឲ្យដឹងនៅថ្ងៃទី១៧ ខែឧសភានេះថា ក្នុងចំណោមអ្នករកឃើញថ្មីចំនួន៣៨នាក់នេះ ក្នុងនោះមាន៣២នាក់បម្រើការងារនៅរោងចក្រ វ៉ាសាន់រោងដំណាប់ស្វាយ១នាក់ រោងចក្រហ៊ីរ៉ូតា១នាក់ មន្ត្រីស្រុកប្រតិបត្តិគងពិសី ជាអ្នកដឹកអ្នកជំងឺទៅភ្នំពេញ១នាក់ និងកសិករចំនួន៣នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃទី១៧ ខែឧសភានេះដែរ មានអ្នកជំងឺចំនួន៨នាក់ បានជាសះស្បើយផងដែរ ដែលធ្វើឲ្យចំនួនអ្នកជាកើនឡើងដល់ចំនួន៣៦នាក់ និងអ្នកកំពុងសម្រាកព្យាបាលនៅមន្ទីរពេទ្យចំនួន២៤៧នាក់ និងស្លាប់ចំនួន៧នាក់ផងដែរ។

រដ្ឋបាលខេត្តបានអំពាវនាវដល់បងប្អូនប្រជាពលរដ្ឋដែលបានប៉ះពាល់ផ្ទាល់ ឬប្រយោលជាមួយ បុគ្គលខាងលើ សូមដាក់ខ្លួនឲ្យនៅដាច់ដោយឡែក និងទាក់ទងទៅអាជ្ញាធរមូលដ្ឋានជាបន្ទាន់ ដើម្បីយកសំណាក់ នៅមន្ទីរពេទ្យបង្អែក។

ដោយសារស្ថានភាពជំងឺកូវីដចេះតែបន្តកើនឡើងនោះ រដ្ឋបាលខេត្តកំពង់ស្ពឺបានសម្រេចយកអនុវិទ្យាល័យ ឡុងស៊ាង មួយកន្លែងទៀត ដែលមានទីតាំងស្ថិតនៅស្រុកភ្នំស្រួច ដែលអាចដាក់គ្រែបាន៣០០គ្រែ ធ្វើជាមណ្ឌលសម្រាប់ព្យាបាលអ្នកជំងឺកូវីដ១៩ ខណៈមណ្ឌលព្យាបាលចំនួន៦កន្លែងបានដាក់អ្នកជំងឺជិតពេញអស់ហើយ។

បើតាមគម្រោងមណ្ឌលព្យាបាលអនុវិទ្យាល័យ ឡុងស៊ាង នេះ គ្រោងនឹងរៀបចំឲ្យរួចរាល់នៅក្នុងរយៈពេល២ថ្ងៃខាងមុខនេះ៕

អត្ថបទ ៖ សំអឿន

Related Topics:កូវីដ-១៩ រដ្ឋបាលខេត្តកំពង់ស្ពឺ

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា