ព័ត៌មានអន្ដរជាតិ

ថៃថា ប្រើឈ្មោះ «វីរុសបំប្លែងខ្លួនថៃ ឬ Thai variant» មិនត្រឹមត្រូវទេ

បានផុស

៥ years មុន

នៅ

ថ្ងៃសៅរ៍ ២៩ ឧសភា ២០២១

ដោយ

អាជ្ញាធរថៃបានសាកសួរពីរបាយការណ៍មួយរបស់មន្ត្រីសុខាភិបាលអង់គ្លេសដែលបានលើកឡើងថា វីរុសកូវីដ-១៩បំប្លែងខ្លួនថ្មីមួយដែលកំពុងរាលដាលនៅចក្រភពអង់គ្លេសមានប្រភពដើមចេញពីប្រទេសថៃ។

សុខាភិបាលសាធារណៈអង់គ្លេស (PHE), នាយកដ្ឋានសុខាភិបាល និងទីភ្នាក់ងារថែទាំសង្គមនៅចក្រភពអង់គ្លេសបានធ្វើបច្ចុប្បន្នភាពរបាយការណ៍កូរូណាមួយកាលពីថ្ងៃព្រហស្បតិ៍ដោយនិយាយថា មានករណីវីរុសបំប្លែងខ្លួនថ្មីលេខកូដ C.36.3 ចំនួន១០៩ករណីរកឃើញនៅអង់គ្លេស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍របស់ PHE បាននិយាយថា ៖«វីរុសបំប្លែងខ្លួន C.36.3 ត្រូវបានរកឃើញដំបូងនៅប្រទេសថៃ នៅក្នុងករណីដែលអ្នកធ្វើដំណើរមកពីប្រទេសអេហ្ស៊ីប»។

យ៉ាងណា PHE មិនបានបង្ហាញឈ្មោះវីរុសបំប្លែងខ្លួនថ្មីនេះទេ ប៉ុន្តែសារព័ត៌មានចក្រភពអង់គ្លេសបានដាក់ឈ្មោះថា «វីរុសបំប្លែងខ្លួនថៃ ឬ Thai variant។ អាជ្ញាធរថៃបានជំទាស់ភ្លាមៗដោយលើកឡើងថា ប្រើឈ្មោះខុស។

ទីប្រឹក្សាមជ្ឈមណ្ឌលគ្រប់គ្រងស្ថានភាពកូវីដ-១៩ (CCSA) លោកវេជ្ជបណ្ឌិត Udom Kachindhorn បាននិយាយថា វីរុសបំប្លែងខ្លួនថ្មីនេះរកមិនឃើញមានករណីឆ្លងណាមួយនៅក្នុងស្រុក ប្រទេសថៃឡើយ។

លោកថា អាជ្ញាធរអង់គ្លេសគួរប្រាប់មន្ត្រីថៃ ដូច្នេះពួកគេអាចធ្វើការស៊ើបអង្កេត មុនពេលផ្សព្វផ្សាយព័ត៌មានបែបនេះ។ ចក្រភពអង់គ្លេសមិនបានផ្ញើសំណាកនៃវីរុសបំប្លែងខ្លួនថ្មីនេះមកអាជ្ញាធរថៃ ហើយវាគួរត្រូវបានផ្ទៀងផ្ទាល់ដោយមន្ទីរពិសោធច្រើនជាងមួយកន្លែង។

សេចក្តីលំអិតមិនទាន់ច្បាស់ឡើយ ខណៈ PHE នៅតែកំពុងធ្វើការស៊ើបអង្កេតជុំវិញករណីនេះ និងកំពុងធ្វើពិសោធនូវវីរុសបំប្លែងខ្លួនថ្មីនេះក្នុងចំណោមករណីជាច្រើន។

របាយការណ៍បានបង្ហាញថា ៖«រហូតដល់ពេលនេះ មិនមានភស្តុតាងណាដែលបញ្ជាក់ថា វីរុសបំប្លែងខ្លួនថ្មីនេះបណ្តាលឲ្យមានអាការឈឺធ្ងន់ ឬវ៉ាក់សាំងគ្មានប្រសិទ្ធភាពលើវា»៕

ប្រែសម្រួល៖ វីរបុត្រ
ប្រភព៖ bangkokpost

Related Topics:ប្រទេសថៃ វីរុសបំប្លែងខ្លួន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា