ព័ត៌មានជាតិ

ឧត្តមសេនីយ៍ឯក រ័ត្ន ស្រ៊ាង ចាត់ឲ្យក្រុមការងារបាញ់ថ្នាំសម្លាប់មេរោគ ក្នុងបរិវេណសាលាបឋមសិក្សា២កន្លែង ក្រោយចាក់វ៉ាក់សាំងជូនពលរដ្ឋរួចរាល់

បានផុស

៥ years មុន

នៅ

ថ្ងៃសៅរ៍ ៥ មិថុនា ២០២១

ដោយ

ក្រោយពីបញ្ចប់ការចាក់វ៉ាក់សាំង ជូនប្រជាពលរដ្ឋកាលពីម្សិលមិញរួចមកលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស បានចាត់ឲ្យក្រុមការងារជំនាញអាវុធហត្ថរាជធានីភ្នំពេញធ្វើការបាញ់ថ្នាំសម្លាប់មេរោគ ក្នុងបរិវេណ សាលាបឋមសិក្សាសម្តេចតេជោ ហ៊ុន សែន ព្រៃវែង និង សាលាបឋមសិក្សាកំពង់ក្តុល ក្នុងសង្កាត់ព្រៃវែង ដែលជាទីតាំងទី១១ និងទី១២ ក្នុងមូលដ្ឋានខណ្ឌដង្កោ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីអាវុធហត្ថរាជធានីបានឲ្យដឹងថា គ្រប់ទីចាក់វ៉ាក់សាំងទាំងអស់ក្នុងទឹកដីខណ្ឌដង្កោ ត្រូវបានក្រុមការងារអាវុធហត្ថចេញប្រតិបត្តិការបាញ់ថ្នាំសម្លាប់មេរោគ ដើម្បីចូលរួមប្រយុទ្ធប្រឆាំងនឹងកូវីដ១៩។ ជាក់ស្ដែងសាលាបឋមសិក្សាទាំងពីរកន្លែងខាងលើកម្លាំងអាវុធហត្ថបានចុះទៅប្រតិបត្តការសំអាតដោយការបាញ់សម្លាប់មេរោគក្នុងបរិវេណដែលទើបបានបិទបញ្ចប់ដំណើរការនៃយុទ្ធនាការចាក់វ៉ាក់សាំងការពារជំងឺកូវីដ-១៩ ជូនប្រជាពលរដ្ឋក្នុងមូលដ្ឋានសង្កាត់ព្រៃវែង នូវដូសទី១ និងដូសទី២ ទើបតែរួចរាល់នេះ។

សកម្មភាពនេះធ្វើឡើងដើម្បីធានាសុវត្ថិភាពជូនដល់ប្រជាពលរដ្ឋ លោកគ្រូ អ្នកគ្រូ និងសិស្សានុសិស្ស ដែលមានការពាក់ព័ន្ធជាមួយទីតាំងទាំងអស់នោះ ក្នុងគោលបំណង ចូលរួម បង្ការ និងទប់ស្កាត់ការឆ្លងរាលដាលវីរុសកូវីដ-១៩ តាមការណែនាំរបស់ ក្រសួងសុខាភិបាល ក៏ដូចជា អនុសាសន៍ដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃ ព្រះរាជាណាចក្រកម្ពុជា “៣ការពារ ៣កុំ” តែម្ដង៕

អត្ថបទ៖ វិមាន

Related Topics:លោក រ័ត្ន ស្រ៊ាង

ព័ត៌មានអន្ដរជាតិ១៩ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា