ការផ្តល់ឧបករណ៍ហ្វឹកហាត់កីឡាគឺជាការលើកកម្ពស់សុខភាពពង្រឹងនិតិសម្បទារាងកាយនៃកងកម្លាំងឲ្យមានភាពរឹងមាំ

តំណាងលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញបានថ្លែងថា ការផ្តល់សម្ភារៈឧបករណ៍ហ្វឹកហាត់កីឡា ដែលប្រគល់ជូនដល់សាលានាយទាហានសកម្ម ត្មាតពង នាពេលនេះ គឺជាការរួមចំណែក របស់អាវុធហត្ថរាជធានីភ្នំពេញ ក្នុងគោលបំណងលើកកម្ពស់សុខភាព ពង្រឹងនិតិសម្បទារាងកាយ នៃកងកម្លាំង ឲ្យមានភាពរឹងមាំ សក្តិសមជាកម្លាំងប្រយុទ្ធដ៏ក្លាហានក្លៀវក្លា។នេះជាការលើកឡើងរបស់លោកវរសេនីយ៍ឯក សៀ ទីន នាយរងសេនាធិការ កងរាជអាវុធហត្ថរាជធានីភ្នំពេញ តំណាងឲ្យលោកឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថលើផ្ទៃប្រទេស និងជាមេបញ្ជាការ កងរាជអាវុធហត្ថរាជធានីភ្នំពេញ ដែលបានអញ្ជើញចូលរួម ប្រគល់សម្ភារៈឧបករណ៍ហ្វឹកហាត់កីឡា ជូនដល់សាលានាយទាហានសកម្ម ត្មាតពងនារសៀលថ្ងៃម្សិលមុិញនេះ។

លោកវរសេនីយ៍ឯក សៀ ទីន កូនប្រុសបង្កើតលោកឧត្តមសេនីយ៍ឯក រ័ត្ន ស្រ៊ាងបានថ្លែងថា សម្ភារៈឧបករណ៍ហ្វឹកហាត់កីឡា ដែលប្រគល់ជូនដល់សាលានាយទាហានសកម្ម ត្មាតពង នាពេលនេះ គឺជាការរួមចំណែក របស់អាវុធហត្ថរាជធានីភ្នំពេញ ក្នុងគោលបំណងលើកកម្ពស់សុខភាព ពង្រឹងនិតិសម្បទារាងកាយ នៃកងកម្លាំង ឲ្យមានភាពរឹងមាំ សក្តិសមជាកម្លាំងប្រយុទ្ធដ៏ក្លាហានក្លៀវក្លាដើម្បីបំរើប្រជាជនដោយស្មោះត្រង់មិនគិតនើយហត់ឡើយ៕

អត្ថបទ៖ វិមាន