ព័ត៌មានជាតិ

អគ្គិភ័យឆាបឆេះផ្ទះប្រជាពលរដ្ឋ ក្នុងបរិវេណស្តុកអេតចាយ នៅសង្កាត់បឹងទំពុនទី១

បានផុស

៤ years មុន

នៅ

ថ្ងៃអង្គារ ១៧ វិច្ឆិកា ២០២០

ដោយ

ផ្ទះប្រជាពលរដ្ឋ ដែលសាងសង់ឡើង ដោយឈើលាយស័ង្កសីចំនួន៥ខ្នងផ្ទះ នៅក្នុងបរិវេណស្តុកអេតចាយ ក្នុងភូមិចំរើនផល០៦ សង្កាត់បឹងទំពុនទី១ ខណ្ឌមានជ័យ ត្រូវបានអគ្គិភ័យឆាបឆេះយ៉ាងសន្ធោសន្ធៅ ផ្អើលប្រជាពលរដ្ឋ ដែលរស់នៅក្បែរនោះ និងរថយន្តពន្លត់អគ្គិភ័យជាច្រើនគ្រឿង ចេញជួយអន្តរាគមន៍ភ្លាមៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ករណីអគ្គិភ័យនេះ បានកើតឡើងនៅវេលាម៉ោង១២និង១៥នាទី រសៀលថ្ងៃទី១៧ ខែវិច្ឆិកា ឆ្នាំ ២០២០ ហើយបានរលត់ទៅវិញ នៅវេលាម៉ោង១២និង ៥០នាទី ដោយបានការអន្តរាគមន៍ទាន់ ពេលវេលារបស់ប្រជាពលរដ្ឋ និងរថយន្តពន្លត់អគ្គិភ័យជាច្រើនគ្រឿង។

ប្រភពព័ត៌មានពីស្ដ្រីម្នាក់ ដែលរស់នៅទីនោះ បានឲ្យដឹងថា ករណីអគ្គិភ័យនេះកើតឡើង ដោយសារមានបុរសម្នាក់ ជាអ្នកស្នាក់ នៅក្នុងបរិវេណស្តុកអេតចាយនោះដែរ មិនដឹងថាមានរឿងអ្វីឲ្យប្រាកដនោះទេ បានមកដុតផ្ទះខ្លួនឯង ធ្វើឲ្យអណ្ដាតភ្លើងឆេះរាលដាលដល់ផ្ទះអ្នកផ្សេងទៀត សរុបចំនួន៥ខ្នង ហើយក្រោយពីដុតរួច បុរសរូបនោះ ក៏រត់គេចខ្លួនបាត់ស្រមោលតែម្ដង។ សូមបញ្ជាក់ថា ក្នុងករណីអគ្គិភ័យនេះដែរ គឺមិនបណ្ដាលឲ្យមានអ្នករងរបួស ឬគ្រោះថ្នាក់ដល់អាយុជីវិតនោះទេ គ្រាន់តែខូចខាតសម្ភារៈមួយចំនួនប៉ុណ្ណោះ៕