ព័ត៌មានជាតិ

ឧត្តមសេនីយ៍ ហ៊ុន ម៉ានិត ចុះពិនិត្យទីតាំងធ្វើចត្តាឡីស័កបន្ថែមទៀត សម្រាប់ពលករត្រឡប់មកពីប្រទេសថៃ

បានផុស

៥ years មុន

នៅ

ថ្ងៃអង្គារ ១៣ កក្កដា ២០២១

ដោយ

នៅថ្ងៃទី១៣ ខែកក្កដា ឆ្នាំ២០២១នេះ នាយឧត្តមសេនីយ៍ ខេង សុមេធ អគ្គស្នងការរងនគរបាលជាតិ និងជាប្រធានអនុគណៈកម្មការសាងសង់ និងជួសជុល ព្រមទាំងលោកឧត្តមសេនីយ៍ឯក ហ៊ុន ម៉ានិត អគ្គនាយកស្រាវជ្រាវចារកិច្ច ក្រសួងការពារជាតិ និងជាប្រធានអនុគណៈគ្រប់គ្រងច្រកទ្វារចេញ-ចូលប្រទេស និងការធ្វើចត្តាឡីស័ក ដោយមានការចូលរួមពីលោក ប៉ែន កុសល្យ អភិបាលខេត្តឧត្តមានជ័យ បានអញ្ជើញចុះពិនិត្យទីតាំងជាក់ស្ដែង ដើម្បីរៀបចំកន្លែងធ្វើចត្តាឡីស័កបន្ថែមទៀត អោយបានលឿនទាន់សភាពការណ៍ សម្រាប់ដាក់បងប្អូនពលករដែលវិលត្រឡប់មកពីប្រទេសថៃវិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា នៅក្នុងកិច្ចប្រជុំគណៈរដ្ឋមន្ត្រី តាមប្រព័ន្ធ Zoom កាលពីថ្ងៃសុក្រ ទី៩ ខែកក្កដា សម្តេចបានបញ្ជាក់ថា ពលករមកពីប្រទេសថៃលើកនេះវិជ្ជមានកូវីដ១៩ច្រើនណាស់ មិនដូចពេលមុនទេ។ សម្តេចបញ្ជាក់ថា លើកមុនមកពីប្រទេសថៃ១០០០នាក់ រកឃើញកូវីដមានត្រឹមតែ២០ ឬ៣០នាក់ប៉ុណ្ណោះ ប៉ុន្តែឥឡូវនេះ មក៣០០នាក់ រកឃើញកូវីដឡើងជាង១០០នាក់ទៅហើយ។ មក៥០០នាក់ រកឃើញឡើងជិត២០០នាក់ ហើយប្រមូលផ្តុំទៅលើខេត្តបន្ទាយមានជ័យ និងឧត្តរមានជ័យ។ ជាមួយគ្នានោះសម្តេចបានប្រាប់ឲ្យមន្ត្រីពាក់ព័ន្ធទាំងអស់ខិតខំទប់ស្កាត់ឲ្យបាន។

ទាក់ទងបញ្ហានេះ សម្តេចក៏បានបញ្ជាក់ដែរថា ការរកឃើញជំងឺកូវីដ១៩បម្លែងខ្លួនថ្មី ឬ Delta គឺនៅក្នុងការនាំចូលទាំងអស់ មិនទាន់រាលដាលចូលក្នុងសហគមន៍ទេ ហើយជាក់ស្តែង ជំងឺកូវីដ១៩ បម្លែងខ្លួនថ្មី ឬ Delta នេះកន្លងមកត្រូវបានរកឃើញ លើអ្នកដែលធ្វើដំណើរមកពីប្រទេសថៃ ដូច្នេះសម្តេចបានណែនាំឲ្យអ្នកពាក់ព័ន្ធទាំងអស់ ត្រូវយកចិត្តទុកដាក់ឲ្យបានខ្លាំងក្លាលើបញ្ហានេះ៕

ដោយ ៖ កោះកែវ

Related Topics:ឯកឧត្តម ហ៊ុន ម៉ានិត

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា