ព័ត៌មានអន្ដរជាតិ

ទីក្រុងហូជីមិញ កំពុងស៊ើបរកមុខអ្នកលក់ថ្នាំកូវីដ Molnupiravir ខុសច្បាប់លើអនឡាញ

បានផុស

៥ years មុន

នៅ

ថ្ងៃសៅរ៍ ១៣ វិច្ឆិកា ២០២១

ដោយ

នាយកដ្ឋានសុខាភិបាលទីក្រុងហូជីមិញ និងអាជ្ញាធរពាក់ព័ន្ធបាននិយាយថា បុគ្គល និងអង្គភាពមួយចំនួននៅក្នុងទីក្រុងត្រូវបានចោទប្រកាន់ថា លួចលក់ថ្នាំប្រឆាំងវីរុស Molnupiravir ដោយខុសច្បាប់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងឯកសារដែលបានផ្ញើទៅក្រសួងសុខាភិបាលនាពេលថ្មីៗនេះ ប្រធានមន្ទីរសុខាភិបាលទីក្រុងហូជីមិញ លោក Tang Chi Thuong បាននិយាយថា ខ្លួនកំពុងសហការជាមួយប៉ូលិស ដើម្បីស៊ើបអង្កេតការលក់ថ្នាំព្យាបាលកូវីដ Molnupiravir នៅលើប្រព័ន្ធផ្សព្វផ្សាយសង្គម ។

ទន្ទឹមនោះ នៅពេលសមត្ថកិច្ចចុះឆែកឆេរឃ្លាំងនៃមណ្ឌលវេជ្ជសាស្ត្រស្រុក Binh Tan គេបានរកឃើញសំបកប្រអប់ថ្នាំ Molnupiravir ចំនួន ៦០ ប្រអប់ ។ ឱសថការីនៅមជ្ឈមណ្ឌលនេះបាននិយាយថា ប្រអប់ចំនួន ២០ ត្រូវបាននាំយកទៅកាន់តំបន់ធ្វើចត្តាឡីស័ក ។ ក្រោយមកឱសថការីត្រូវបាននាំយកទៅកាន់ប៉ុស្តិ៍ប៉ូលិសដើម្បីជួយរកកន្លែងលាក់ថ្នាំចំនួន ៤០ ប្រអប់ទៀត ។

ចំណែកនៅស្រុក Tan Phu មជ្ឈមណ្ឌលវេជ្ជសាស្ត្ររបស់ខ្លួនបានចែកចាយថ្នាំ Molnupiravir ចំនួន ៦៩៦ ប្រអប់រួចហើយ ។ មជ្ឈមណ្ឌលនេះបាននិយាយថា ថ្នាំនេះត្រូវបានផ្ទេរទៅតាមទីតាំងផ្សេងគ្នា ដោយសារតម្រូវការខុសគ្នា ។

គួរបញ្ជាក់ថា Molnupiravir គឺជាថ្នាំប្រឆាំងមេរោគ ហើយកំពុងត្រូវបានប្រើប្រាស់ដើម្បីព្យាបាលករណីឆ្លងមេរោគកម្រិតស្រាលនៅប្រទេសវៀតណាម ។ វាត្រូវបានផ្តល់ជូនដោយឥតគិតថ្លៃដោយក្រសួងសុខាភិបាល ប៉ុន្តែមិនមានលក់ជាសាធារណៈនោះទេ ៕

ប្រែសម្រួលដោយ ៖ ជីវ័ន្ត

ប្រភព ៖ VNExpress

ចុចអាន ៖ នេះរបៀបប្រើថ្នាំព្យាបាកូវីដ Molnupiravir និងថ្នាំរបស់ក្រុមហ៊ុន Pfizer

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា