ខុសពី WHO គ្រូពេទ្យជំនាញ ថៃ ប្រាប់តែ ៣ ក្បាច់ប៉ុណ្ណោះ Omicron មិនមកកៀក

លោកវេជ្ជបណ្ឌិត Yong Poovorawan ដែលជាអ្នកជំនាញខាងមេរោគមកពីសាកលវិទ្យាល័យ Chulalongkorn បានផ្តល់ដំបូន្មាននៅក្នុងការបង្ហោះតាម Facebook អំពីរបៀបដែលមនុស្សអាចរៀបចំ សម្រាប់ការពារខ្លួនពីវីរុសបំប្លែងខ្លួន Omicron ។

កន្លងមកអង្គការសុខភាពពិភពលោក (WHO) បានចេញការណែនាំចំនួន ៦ ចំណុចដើម្បីការពារខ្លួន និងទប់ស្កាត់ការរីករាលដាលនៃវីរុសបំប្លែងខ្លួន Omicron ប៉ុន្តែលោក Yong Poovorawan ប្រាប់តែកត្តា ៣ ប៉ុណ្ណោះ ៖

១. ការចាក់វ៉ាក់សាំង ៖ ទោះបីជាវ៉ាក់សាំងដែលមាននៅ ពេលបច្ចុប្បន្នអាចមិនមានប្រសិទ្ធភាពប្រឆាំងនឹងវីរុសបំប្លែងខ្លួន Omicron ក៏ដោយ ប៉ុន្តែវ៉ាក់សាំងនឹងនៅ តែការពាររោគសញ្ញាធ្ងន់ធ្ងរ ការចូលសម្រាកព្យាបាលនៅ មន្ទីរពេទ្យ ឬការស្លាប់ ។ ទិន្នន័យពីអាហ្វ្រិកខាងត្បូងបង្ហាញថា ៩០ ភាគរយនៃអ្នកជំងឺ Omicron នៅ ក្នុងមន្ទីរពេទ្យមិនបានចាក់វ៉ាក់សាំងនោះទេ ។

២. ការធ្វើរោគវិនិច្ឆ័យ ៖ ការឆ្លងគួរតែត្រូវបានគេធ្វើរោគវិនិច្ឆ័យយ៉ាងឆាប់រហ័ស ហើយអ្នកជំងឺត្រូវដាក់ឲ្យនៅ ដាច់ដោយឡែកភ្លាមៗ ដើម្បីគ្រប់គ្រងការចម្លង ។

៣. ការការពារ ៖ ប្រជាជនគួរតែបន្តប្រកាន់ខ្ជាប់យ៉ាងតឹងរ៉ឹងនូវវិធានការបង្ការជំងឺកូវីដ ១៩ រួមទាំងការលាងដៃឲ្យបានញឹកញាប់ រក្សាទម្លាប់អនាម័យ ការពាក់ម៉ាស់ និងការរក្សាគម្លាតសង្គមជាដើម ៕

ប្រែសម្រួលដោយ ៖ ជីវ័ន្ត

ប្រភព ៖ The Nation

ចុចអាន ៖ WHO ប្រាប់ ៦ ក្បាច់ ទោះ Omicron សាហាវប៉ុនណា ក៏មិនហ៊ានក្បែរ