ប្រយ័ត្ន! Omicron ចាប់ផ្តើមសម្លាប់មនុស្សហើយ! (មានវីដេអូ)

នាយករដ្ឋមន្ត្រីអង់គ្លេសលោក Boris Johnson បាននិយាយថា មានអ្នកជំងឺម្នាក់ ត្រូវបានបញ្ជាក់ថា ស្លាប់ដោយសារវីរុសកូវីដបំប្លែងខ្លួន Omicron។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងដំណើរទៅកាន់មណ្ឌលចាក់វ៉ាក់សាំងជិតតំបន់ Paddington ភាគខាងលិចទីក្រុងឡុងដ៍កាលពីថ្ងៃចន្ទ លោកនាយករដ្ឋមន្ត្រីនិយាយថា “គួរឲ្យសោកស្ដាយ Omicron កំពុងបង្កឲ្យមានការសម្រាកព្យាបាលនៅមន្ទីរពេទ្យ ហើយគួរឲ្យសោកស្តាយ មានអ្នកជំងឺម្នាក់ ត្រូវបានបញ្ជាក់ថា ស្លាប់ដោយសារវីរុសបំប្លែងខ្លួននេះ”។

នៅព្រឹក​ថ្ងៃ​ចន្ទដដែលនោះ រដ្ឋមន្ត្រីក្រសួងសុខាភិបាល​លោក Sajid Javid បាន​និយាយ​ថា មាន​អ្នកឆ្លង Omicron ​ប្រហែល១០នាក់ ​ដែលកំពុងទទួលការព្យាបាលក្នុង​មន្ទីរពេទ្យនៅ​ប្រទេស ​អង់គ្លេស។

លោកបានប្រាប់ Sky News ថា “វាតែងតែមានគម្លាតរវាងការឆ្លង និងការចូលព្យាបាលក្នុងមន្ទីរពេទ្យ ហើយបន្ទាប់មកអ្វីដែលគួរឲ្យស្តាយគឺការស្លាប់”។

លោក Javid បាននិយាយថា អត្រានៃការរីករាលដាលវីរុសបំប្លែងខ្លួន Omicron គឺជាអ្វីដែលយើងមិនធ្លាប់ឃើញពីមុនមក៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Yahoo

ចុចអាន៖ WHO និយាយថា វ៉ាក់សាំងនៅតែមានប្រសិទ្ធភាពប្រឆាំង Omicron