ព័ត៌មានជាតិ
ពលរដ្ឋជាង២០០គ្រួសារនៅខេត្តឧត្តរមានជ័យ កំពុងជោគជ័យលើរបរចិញ្ចឹមត្រីអណ្ដែង និងកង្កែប
លោក សូត្រ ស៊ីសុខឃាង ប្រធានមន្ទីរកសិកម្មខេត្តឧត្តរមានជ័យ បានឲ្យដឹងនៅថ្ងៃទី១៥ ខែធ្នូ ឆ្នាំ២០២១នេះថា ប្រជាពលរដ្ឋខេត្តឧត្តរមានជ័យជាង២០០គ្រួសារ កំពុងប្រកបរបរចិញ្ចឹមត្រីអណ្ដែង និងកង្កែប ខណៈពីមុនមានតែជាង១០គ្រួសារប៉ុណ្ណោះ។ បើតាមលោកប្រធានមន្ទីរកសិកម្ម មូលហេតុដែលពលរដ្ឋងាកមកចាប់របរចិញ្ចឹមត្រីអណ្ដែង និងកង្កែបនេះ ដោយសារឆាប់ទទួលបានផល និងលក់បានតម្លៃខ្ពស់។ ពលរដ្ឋជាង២០០គ្រួសារនៅខេត្តឧត្តរមានជ័យ កំពុងប្រកបរបរចិញ្ចឹមត្រីអណ្ដែង និងកង្កែប ក្នុងនោះមាន៣៥គ្រួសារចិញ្ចឹមកង្កែប។
លោក សូត្រ ស៊ីសុខឃាង បានបន្តថា មន្ទីរកសិកម្មតែងជំរុញ និងបានចុះចែកកូនត្រី កង្កែប ដល់កសិករតាមទិសដៅ ព្រមទាំងបង្រៀនពីបច្ចេកទេសចិញ្ចឹមដើម្បីឆាប់ទទួលបានផល ជាពិសេសនៅក្នុងខេត្ត ក៏មានកូនសម្រាប់លក់ ខណៈពីមុនត្រូវទិញនៅខេត្តសៀមរាប និងប្រទេសថៃ។ «ពីមុនចិញ្ចឹមមិនសូវជោគជ័យ ដោយសារមិនមានបច្ចេកទេសគ្រប់គ្រាន់។ ឥលូវយើងមានបទពិសោធន៍ បច្ចេកទេស កូន និងចំណីគ្រប់គ្រាន់ ដែលធ្វើឱ្យត្រីធំលឿន»។ នេះជាការបញ្ជាក់ របស់លោក សូត្រ ស៊ីសុខឃាង។
ប្រធានមន្ទីរកសិកម្មរូបនេះបន្តថា ការចិញ្ចឹមត្រីអណ្ដែង និងកង្កែប ជារបរដែលទទួលបានផលលឿន ក្នុងនោះត្រីអណ្ដែងទទួលផលរយៈពេលជាង២ខែ និងកង្កែប ទទួលផលរយៈពេល៥០ថ្ងៃ។ លោកបន្តថា ត្រីអណ្ដែងអាចលក់បានក្នុងតម្លៃ ៦ពាន់រៀលក្នុងមួយគីឡូក្រាម រីឯកង្កែបលក់បានតម្លៃ ១ម៉ឺនរៀលក្នុងមួយគីឡូក្រាម។
ស្របពេលដែលពលរដ្ឋខេត្តឧត្តរមានជ័យជាច្រើនកំពុងជោគជ័យលើរបរនេះ ក៏មានកសិករប្រមាណ៤០គ្រួសារ បានផ្អាកការចិញ្ចឹមត្រី និងកង្កែបរបស់ខ្លួន ដោយសារត្រូវប្រមូលផលស្រូវ និងដំឡូងមី ប៉ុន្តែពួកគេ នឹងចាប់ផ្ដើមចិញ្ចឹមវិញ បន្ទាប់ពីប្រមូលផលរួច។
លោក សូត្រ ស៊ីសុខឃាង បានអះអាងថា «ទទួលស្គាល់ថា ការចិញ្ចឹមនេះទទួលបានផលលឿន ប៉ុន្តែគាត់រវល់ប្រមូលផលស្រូវនិងដំឡូងមី គាត់អត់មានពេលមើលត្រីអណ្ដែងទេ អីចឹងពេលប្រមូលចប់ គាត់នឹងចិញ្ចឹមត្រីអណ្ដែងវិញ ក្នុងអំឡុងខែកុម្ភៈ»។
បើតាមប្រធានមន្ទីរកសិកម្មរូបនេះ នាពេលខាងមុខលោកនឹងខិតខំជំរុញផ្នែកវារីវប្បកម្ម នៅក្នុងខេត្ត ដោយបន្ត និងពង្រីកការចិញ្ចឹមត្រីដូចជា ត្រីស្ពឹន ត្រីកន្ធរ និងត្រីទីឡាប់យ៉ាជាដើម។
គួរជម្រាបថា ទិន្នផលវារីវប្បកម្មឆ្នាំ២០២១នេះ បានកើនឡើង ៣០ភាគរយ បើប្រៀបធៀបរយៈពេលដូចគ្នាក្នុងឆ្នាំ២០២០ ទោះបីកម្ពុជាប្រឈមមុខនឹងវិបត្តិកូវីដ-១៩ក្តី។ កន្លងមកប្រមុខរដ្ឋាភិបាលកម្ពុជា បានផ្ដល់ទឹកប្រាក់ចំនួន២ពាន់លានដុល្លារ សម្រាប់គាំទ្រផ្នែកវារីវប្បកម្មលើខេត្តចំនួន១០។ តាមរយៈការងារនេះ រដ្ឋបាលជលផលបានជំរុញការងារចិញ្ចឹមត្រី និងកង្កែប បានចំនួន ១ ,០០០គ្រួសារ រួចមកហើយ និងត្រៀមអនុវត្តជាបន្តបន្ទាប់៕
អត្ថបទ៖ ចាន់ ធី
សូមប្រយ័ត្ន! កម្ពុជា នឹងមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី១មេសា
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
ព័ត៌មានលម្អិតជុំវិញការបង្រ្កាបក្រុមឆក់ប្លន់នៅខេត្តកណ្ដាល ខណៈជនសង្ស័យម្នាក់ជាមុខសញ្ញាចាស់ កំពុងរត់គេចខ្លួន
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
-
ព័ត៌មានអន្ដរជាតិ២ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម២០ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ