សន្តិសុខសង្គម

ត្រីឆ្តោរចិញ្ចឹមក្នុងស្រះប្រមាណ២០តោនងាប់ជាបន្តបន្ទាប់ ខណៈរលកកំដៅបន្តកើនឡើងខ្លាំង

បានផុស

៣ years មុន

នៅ

ថ្ងៃសៅរ៍ ៨ មេសា ២០២៣

ដោយ

កំពង់ឆ្នាំង ៖ រលកកំដៅដែលបានកើតមានជារៀងរាល់ថ្ងៃនេះ បានធ្វើឲ្យត្រីឆ្តោរដែលចិញ្ចឹមនៅក្នុងស្រះប្រមាណ ២០តោនបានងាប់រយៈពេល២-៣ ថ្ងៃនេះ ក្នុងភូមិកោះលត ឃុំកោះថ្កូវស្រុកជល់គិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃឹម ឡុង ជាអ្នកចិញ្ចឹមត្រីក៏ជាមន្ត្រីជលផល នៅរសៀលថ្ងៃទី៨ ខែមេសានេះបានឲ្យដឹងថា ស្រះចិញ្ចឹមត្រីរបស់លោកមាន ១២ស្រះតូចធំ ដែលមានទំហំ ១ហិកតា៤០អារ លោកបានចិញ្ចឹមត្រីឆ្តោរ ត្រីប្រា ត្រីពោរ ត្រីឆ្ពិន និងត្រីព្រួលដែលលោកបានចិញ្ចឹមត្រីនៅតាមស្រះនេះរយៈពេលជាច្រើនឆ្នាំមកហើយ។

លោក ឃឹមឡុង បានបន្តថា ដោយសារអាកាសធាតុក្តៅខ្លាំងត្រីនៅក្នុងស្រះដែលត្រីមួយក្បាលៗមានទម្ងន់ពី៧ទៅ ៨ ខាំ បានងាប់អស់ប្រមាណ២០តោន ចាប់ពីថ្ងៃទី៥ ដល់ថ្ងៃទី ៨ ខែមេសានេះ នឹងបើរលកកំដៅនៅតែក្តៅខ្លាំងនោះត្រីអាចនឹងងាប់ជាបន្តទៀត៕

ដោយ ៖ ឈៀងថារិទ្ធ