ជីវិតកម្សាន្ដ
ក្រុមល្ខោនបាសាក់ ខេមរៈ រស្មី ឬស្សីជ្រោយ រស់រានឡើងវិញ ក្រោយរដ្ឋាភិបាលបើកដំណើរ
អស់រយៈពេលជិត ២ ឆ្នាំមកហើយ ដែលជីវភាពរបស់ក្រុមល្ខោនបាសាក់ ខេមរៈឫស្សីជ្រោយ ស្រុកមុខកំពូល ដែលមានមនុស្ស ជាង ៥០ នាក់ បាត់បង់ប្រាក់ចំណូល តែជាសំណាងល្អ រដ្ឋាភិបាលបើកដំណើរឡើងវិញ ក្រោយជំងឺកូវីដធូរស្រាល។
ការបកស្រាយ តាមទូរស័ព្ទរបស់ អ្នកស្រី ប៊ូ គឹមស្រ៊ាន តួយក្សណី បានប្រាប់ឲ្យថា ខ្ញុំ អបអរសាទរ ចំពោះការ បើកឡើងវិញតាមប្រសាសន៍របស់រាជរដ្ឋាភិបាល ខ្ញុំរំភើបរកអ្វីប្រៀបផ្ទឹមពុំបានទេ ពីរឆ្នាំមកហើយក្រុមសិល្បៈរបស់ខ្ញុំ សឹងតែដាច់បាយ ព្រោះអ្នកលេងក្នុងក្រុមទាំងអស់អំឡុងកូវីដ សម្ងំនៅតែផ្ទះពុំហ៊ានដើរឆ្ងាយទេ ព្រោះខ្លាចឆ្លងជំងឺកូវីដនេះណាស់។ អំឡុងពេលនោះ ចំណូលនៃការរកថវិកា ក៏គ្មានចំណូលទៀត ឥឡូវនេះខ្ញុំបានចេញសម្តែងបានខ្លះៗវិញហើយ ហើយពេលនេះខ្ញុំក៏សូមថ្លែងអំណរគុណយ៉ាងជ្រាលជ្រៅ ចំពោះរដ្ឋាភិបាលដែលបានប្រកាសឲ្យការបើកដំណើរការប្រទេស ពេលនេះ ប្រជាជនបានប្រកបរបរការរកស៊ីចិញ្ចឹមជីវិត និងបើកអាជីវកម្មរបស់ខ្លួនឡើងវិញ។
ដោយឡែកក្រុមល្ខោនទាំងអស់ បានសំដែងការអបអរសាទរ រកអ្វីប្រៀបផ្ទឹមពុំបានទេដែលពួកគេបានសម្ដែងល្ខោនឡើងវិញ មានតួសម្តែងប្រុស ស្រី បានបញ្ចេញមតិថា ពេលនេះខ្ញុំមានទីផ្សារវិញហើយ សព្វថ្ងៃបានដើរលេងតាមបណ្តាខេត្តខ្លះៗ នៅខេត្តកំពង់ចាម និងតាមស្រុកភូមិ មួយចំនួនមាន ខេត្តត្បូងឃ្មុំជាដើម។
ទោះយ៉ាងណាក្រុមល្ខោនបាសាក់ខេមរៈឬស្សីជ្រោយទាំងអស់គ្នា នៅតែមានការគាំទ្រជានិច្ចជាកាលពីប្រជាពលរដ្ឋ ដោយសារតែការប៉ិនប្រសប់ក្នងការសម្តែងរបស់តួអង្គ នីមួយៗទាំងតួ កាច ឆ្លាស់ កម្សត់ អាក្រក់ ឬល្អ ដែលពួកគេបានបញ្ចេញថ្វីដៃ និងសមត្ថភាពរៀងខ្លួនៗ ហើយក្រុមល្ខោននេះ បានសម្តែងក្តីសប្បាយរីករាយអបអរសាទរក្នុងការបើកផ្លូវដល់ប្រជាពលរដ្ធបានប្រកបអាជីវកម្មក្នុងការរកស៊ីឡើងវិញ។
ក្រោយពីការប្រកាសរបស់រដ្ឋាភិបាលនូវកូវីដ-១៩ បានសាបរលាបខ្លះៗទៅហើយ តែក្រុមល្ខោននេះ មាននាយស៊ុយជាប្រធានបានឲ្យដឹងថា ទោះជាយើងដើរលេងតាមបណ្ដាខេត្តណាក៏ដោយ ក៏យើងនៅមិនភ្លេចការថែទាំខ្លួន និងការពារឲ្យបានខ្ជាប់ខ្ជួនជានិច្ច ជាពិសេសការលាងសម្អាតខ្លួនប្រាណ ក៏ដូចជាការពារបាញ់អាល់កុល សម្អាតដៃ ឬលាងសាប៊ូ ពាក់ម៉ាសជាដើម។
អត្ថបទ៖ រុងរឿង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ