សុខភាព

ម៉េចបានកូនតូច ពេលដេកមានឮសំឡេងដកដង្ហើមខ្សឺតខ្សក? មានជំងឺអីអត់?

បានផុស

៦ years មុន

នៅ

ថ្ងៃចន្ទ ២៦ តុលា ២០២០

ដោយ

ក្មេងអាយុក្រោម ២ ឆ្នាំជាច្រើនមានសំឡេងដកដង្ហើមខ្សឺតខ្សកពេលគេង ដែលអាការៈខ្លះកើតឡើងបន្ទាប់ជាពីជំងឺរលាកទងសួត ហើយខ្លះទៀតឮកូនដកដង្ហើមឮបែបនេះតាំងពីកើត។ ចំពោះបញ្ហានេះដែរ លោកវេជ្ជបណ្ឌិត ចាន់ ស៊ីណេត ប្រធានផ្នែកសម្ភព និងរោគស្ត្រី នៃមន្ទីរបង្អែកមិត្តភាពកម្ពុជា-ចិន សែនសុខ បានបកស្រាយថា បើកូនទើបកើតអាចមកពីឈ្លក់ទឹកភ្លោះ ឬទឹកភ្លោះធ្លាក់ចេញមិនអស់។

ដូចនេះហើយបានជាពេទ្យប្រាប់យើងឲ្យដាក់កូនទើបកើត គេងផ្អៀងទៅម្ខាង ដើម្បីឲ្យទឹកភ្លោះហូរចេញមកអស់តាមមាត់ ឬច្រមុះ។ រយៈពេល ១ ខែយ៉ាងយូរ វានឹងអស់ហើយ តែបើកូនមានអាយុ ១ ឆ្នាំហើយ ពេលគេងនៅតែឮសំឡេងទៀត ហើយបើពិនិត្យទៅមិនមានរោគសញ្ញារលាកទងសួតអ្វីទេ នោះជារឿងធម្មតាប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តែការឮសំឡេងខ្សឺតខ្សកនោះ អាចមកពីបំពង់ទងសួតកូនត្បៀតតិចតួច តែនៅពេលធំឡើងលែងបញ្ចេញសំឡេងទៀតហើយ។ មួយវិញទៀត ក្មេងខ្លះមានអាការៈតឹងច្រមុះ ឬគេងនៅកន្លែងដែលមានសីតុណ្ហភាពត្រជាក់ពេក ទើបធ្វើឲ្យកូនមានសភាពបែបនេះ។

ចំណែកបញ្ហាកូនគេងស្រមុក ក៏អាចធ្វើឲ្យម៉ាក់ប៉ាគិតថា មកពីបញ្ហាសួតដែរ ព្រោះយល់ថាកូននៅតូចមិនអាចចេះស្រមុកដូចមនុស្សធំឡើយ។ ដូចនេះប្រសិនបើរកមិនឃើញភាពខុសប្រក្រតីនៃផ្លូវដង្ហើមទេ មិនចាំបាច់ព្រួយបារម្ភឡើយ ព្រោះពេលកូន៣-៥ ឆ្នាំទៅ នឹងលែងឮសូរដង្ហើមពេលដេកទៀតឡើយ៕

អត្ថបទផ្ដល់សិទ្ធិដោយ៖ Hellokrupet

សូមចុចអាន៖ ក្មេងតូចក្រោម២ឆ្នាំ ពេលរាករូស មិនអាចឲ្យទឹកផ្លែឈើស្រស់ទេ

សូមចុចអាន៖ ស្ត្រីមានផ្ទៃពោះ គួរប្រុងប្រយ័ត្នក្នុងការធ្វើដំណើរ!

Related Topics:សុខភាព

ព័ត៌មានអន្ដរជាតិ២២ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា