ព័ត៌មានអន្ដរជាតិ

ក្រុមរដ្ឋឥស្លាមបញ្ជាក់ពីការស្លាប់មេដឹកនាំរបស់ខ្លួន និងតែងតាំងមេដឹកនាំថ្មី

បានផុស

៤ years មុន

នៅ

ថ្ងៃសុក្រ ១១ មីនា ២០២២

ដោយ

កាលពីថ្ងៃព្រហស្បតិ៍ ទី១០ ខែមីនា ក្រុមរដ្ឋឥស្លាម បានបញ្ជាក់ពីការស្លាប់មេដឹកនាំរបស់ខ្លួនឈ្មោះ Abu Ibrahim Al-hashemi Al-Quraishi និងអ្នកនាំពាក្យ Abu Hamza Al-Quraishi ព្រមទាំងបានប្រកាសលោក Abu Al-Hassan Al-hashemi Al-Quraishi ជាមេដឹកនាំថ្មី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលសហរដ្ឋអាមេរិកបាននិយាយថា មេដឹកនាំរដ្ឋឥស្លាម Quraishi ដែលជាអ្នកប្រាជ្ញខាងសាសនា និងជាទាហាននៅក្នុងជួរកងទ័ពរបស់អតីតមេដឹកនាំអ៉ីរ៉ាក់ Saddam Hussein ដែលបានដឹកនាំក្រុម រដ្ឋឥស្លាម ចេញពីស្រមោលខ្មៅរយៈពេលពីរឆ្នាំបានស្លាប់នៅក្នុងការវាយឆ្មក់របស់កងកម្លាំងពិសេសអាមេរិកមួយនៅភាគខាងជើងប្រទេសស៊ីរីកាលពីខែកុម្ភៈ នៅពេលគាត់បំផ្ទុះគ្រាប់បែកសម្លាប់ខ្លួនឯង និងសមាជិកគ្រួសាររបស់ខ្លួនទៀតផង។

ការស្លាប់របស់ Quraishi អាយុ៤៥ឆ្នាំគឺជាការវាយប្រហារធ្ងន់ធ្ងរមួយទៀតចំពោះក្រុមរដ្ឋឥស្លាម រយៈពេលពីរឆ្នាំនេះ បន្ទាប់ពីក្រុមមូស្លីមនីកាយស៊ុននីដ៏ឃោរឃៅបានបាត់បង់មេដឹកនាំយូរអង្វែងរបស់ខ្លួន Abu Bakr al-Baghdadi ក្នុងការវាយប្រហារស្រដៀងគ្នាកាលពីឆ្នាំ២០១៩។

ក្រុមរដ្ឋឥស្លាមនេះមិនបានបដិសេធ ឬបញ្ជាក់ពីការលើកឡើងរបស់អាមេរិកទេ ហើយអ្នកនាំពាក្យថ្មីឈ្មោះ Abu Umar al Muhajir បាននិយាយក្នុងសុន្ទរកថាជាសំឡេងមួយកាលពីថ្ងៃព្រហស្បតិ៍ថា ការប្រយុទ្ធចុងក្រោយរបស់លោក Quraishi គឺនៅពន្ធនាគារ Ghuwayran ក្នុងទីក្រុង Hasaka ភាគខាងជើងប្រទេសស៊ីរី។

មន្ត្រីបាននិយាយថា យ៉ាងហោចណាស់អ្នកទោស និងសកម្មប្រយុទ្ធ២០០នាក់ ព្រមទាំងកម្លាំងសន្តិសុខ៣០នាក់បានស្លាប់ក្នុងការវាយប្រហាររបស់រដ្ឋឥស្លាមលើពន្ធនាគារកាលពីខែមករាក្នុងគោលបំណងរំដោះសមាជិករបស់ពួកគេ៕

ប្រែសម្រួល៖ វីរបុត្រ
ប្រភព៖ Reuters

Related Topics:រដ្ឋឥស្លាម

ព័ត៌មានអន្ដរជាតិ១៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

ព័ត៌មានអន្ដរជាតិ៦ ថ្ងៃ ago

អ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ

កីឡា៤ ថ្ងៃ ago

មូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា