ព័ត៌មានអន្ដរជាតិ

ឆ្លៀតឱកាសសង្គ្រាមអ៊ុយក្រែន ក្រុម ISIS ប្រាប់សមាជិកឲ្យវាយប្រហារលោកខាងលិច

បានផុស

៤ years មុន

នៅ

ថ្ងៃពុធ ២០ មេសា ២០២២

ដោយ

ក្រុមភេរវកម្ម រដ្ឋឥស្លាម (IS, អតីត ISIS/ISIL) បានអំពាវនាវដល់សមាជិក និងអ្នកគាំទ្ររបស់ខ្លួនឲ្យធ្វើចលនាជីហាតប្រឆាំងនឹងអឺរ៉ុប និងអ៉ីស្រាអែល ខណៈប្រទេសលោកខាងលិចកំពុងជាប់ដៃនឹងស្ថានភាពសង្គ្រាមនៅប្រទេសអ៊ុយក្រែន។ នេះបើយោងតាមសារអនឡាញដែលចេញផ្សាយដោយកាសែត Times កាលពីថ្ងៃចន្ទ។

អ្នកនាំពាក្យថ្មីរបស់ IS លោក Omar al-Muhajir បាននិយាយក្នុងសារដែលចេញផ្សាយថា ក្រុមជីហាតគួរតែធ្វើការវាយប្រហារ នៅពេលអ្នកទាំងនោះចាត់ទុកជាអ្នកធ្វើសង្គ្រាមសាសនាវាយប្រហារគ្នាទៅវិញទៅមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យរបស់ក្រុមភេរវកម្មបានប្រាប់អ្នកគាំទ្រឲ្យបំពាក់អាវុធដោយខ្លួនឯង និងបានអំពាវនាវឲ្យធ្វើយុទ្ធនាការណ៍សងសឹកមួយសម្រាប់ការស្លាប់មេដឹកនាំរបស់ខ្លួនលោក Abu Ibrahim al Hashimi al Qurayshi ដែលត្រូវបានសម្លាប់ក្នុងការវាយឆ្មក់របស់អាមេរិកក្នុងឆ្នាំនេះ។

មេដឹកនាំ ISIS ដែលដាក់ខ្លួនឯងជាអ្នកជំនួស និងជាបុគ្គលតាមប្រមាញ់បំផុតរបស់អាមេរិកគឺ Abu Bakr al-Baghdadi បានដឹកនាំជំនួសលោក Abu Hasan al-Hashimi al-Qurashi បាននិយាយថា ត្រូវបានជ្រើសរើសដោយអ្នកស្នងតំណែងមុនរបស់លោកដើម្បីក្លាយជាមេដឹកនាំក្រុមបន្ទាប់។

ខណៈពេលប្រទេសអឺរ៉ុបខាងលិចកំពុងជាប់ដៃក្នុងសង្គ្រាមនៅអ៊ុយក្រែន និងសម្រាប់ការផ្គត់ផ្គង់ថាមពល ប្រទេសអ៉ីស្រាអែលភាគច្រើននៅឆ្ងាយពីជម្លោះ។

ទោះបីជាយ៉ាងណា វាបានកំពុងវាយប្រហារលើជនជាតិប៉ាឡេស្ទីន ដែលជារឿយៗនៅតំបន់ West Bank បន្ទាប់ពីមានការវាយប្រហារភេរវកម្ម២លើកដោយអ្នកស្មោះស្ម័គ្រ ISIS។ ការកើនឡើងហិង្សាឈានដល់ការប្រឈមមុខដាក់គ្នារវាងប៉ូលិសអ៊ីស្រាអែល និងប៉ាឡេស្ទីន នៅព្រះវិហារ al-Aqsa កាលពីថ្ងៃសុក្រដែលបណ្តាលឲ្យមនុស្សជាង១៥០នាក់របួស៕

ប្រែសម្រួល៖ វីរបុត្រ
ប្រភព៖ RT

Related Topics:រដ្ឋឥស្លាម