ព័ត៌មានជាតិ

អ្នកបើកបររថយន្តឆ្លាមសង្ស័យស្រវឹងជោកជាំទៅបុកស្លាកសញ្ញាសម្គាល់តាមផ្លូវរងការខូចខាត

បានផុស

៥ years មុន

នៅ

ថ្ងៃចន្ទ ១៤ ធ្នូ ២០២០

ដោយ

រតនគិរី ៖ រថយន្តឆ្លាមមួយគ្រឿងចងកំហឹងជាមួយស្លាកសញ្ញាសម្គាល់តាមដងផ្លូវបុកយ៉ាងពេញទំហឹងបណ្តាលឲ្យរងការខូចខាតទ្រព្យសម្បត្តិរដ្ឋ។

ហេតុការណ៍គ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១និង៣០នាទីយប់រំលងអធ្រាត្រឈានចូលថ្ងៃទី១៤ ខែធ្នូ ឆ្នាំ២០២០នេះ ត្រង់ចំណុចផ្លូវបំបែកចូលទឹកជ្រោះកាចាញ ស្ថិតនៅក្នុងភូមិ៤ សង្កាត់កាចាញ ក្រុងបានលុង ខេត្តរតនគិរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ពីការិយាល័យនគរបាលចរាចរណ៍ខេត្តបានឲ្យដឹងថា រថយន្តកាមរីឆ្លាម បើកបុកស្លាកសញ្ញាចរាចរណ៍ និងបន្តទៅបុកស្លាកសញ្ញាទេសចរណ៍បណ្តាលឲ្យរងការខូចខាតទ្រព្យសម្បត្តិរដ្ឋ។

រថយន្តមួយគ្រឿងម៉ាកកាមរីឆ្លាម ពណ៌ស ពាក់ស្លាកលេខភ្នំពេញ2X-9393 បានរងការខូចខាតផ្នែកខាងមុខយ៉ាងដំណំ បើកបរដោយឈ្មោះ ជួង ពិសិដ្ឋ ភេទប្រុស អាយុ២៨ឆ្នាំ ជនជាតិខ្មែរ មានទីលំនៅភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី មុខរបរមន្ត្រីរាជការ របួសស្រាល។ អ្នករួមដំណើរឈ្មោះ នួន ណារិទ្ធ ភេទប្រុស អាយុ៣២ឆ្នាំ ជនជាតិខ្មែរ មានទីលំនៅភូមិទេសអន្លង សង្កាត់បឹងកន្សែង ក្រុងបានលុង ខេត្តរតនគិរី មុខរបរជាងធ្មេញ បានរងរបួសធ្ងន់ ត្រូវបានដឹកបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកខេត្ត។

របាយការណ៍បានបញ្ជាក់ថា ក្រោយពីបង្កគ្រោះថ្នាក់ចរាចរណ៍បើកបុកទ្រព្យសម្បត្តិរបស់រដ្ឋត្រូវបានសមត្ថកិច្ចចុះមកធ្វើការអន្តរាគមន៍ទាំងយប់ ហើយបានរឹបអូសយករថយន្តទៅការិយាល័យចរាចរណ៍ខេត្តដើម្បីធ្វើការដោះស្រាយគ្នានៅពេលក្រោយ៕
ដោយ ៖ អ៊ុច សាវុទ្ធ

Related Topics:

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា