Elon Musk បណ្ដើរម្ដាយចូលរួមកម្មវិធី Met Gala ម្ដង ឈ្នះអស់តារាល្បីៗ

បន្ទាប់ពីចំណាយប្រាក់ ៤៤ពាន់លានដុល្លារ ដើម្បីទិញ Twitter កាលពីប៉ុន្មានថ្ងៃមុន មហាសេដ្ឋី Elon Musk បានបង្ហាញខ្លួនជាសាធារណៈជាលើកដំបូងជាមួយម្តាយ ក្នុងកម្មវិធី Met Gala ប្រចាំឆ្នាំ២០២២។

កម្រាលព្រំក្រហម Met Gala ជាព្រឹត្តិការណ៍ម៉ូដប្រចាំឆ្នាំដែលប្រមូលផ្តុំភ្ញៀវល្បីៗរួមមាន តារាហូលីវូដ តារាចម្រៀង មហាសេដ្ឋី និងអ្នកមានអំណាចមួយចំនួន។ នៅឆ្នាំនេះ កម្រាលព្រំក្រហម Met Gala ត្រូវបានប្រារព្ធឡើងនៅសារមន្ទីរ Metropolitan Museum of Art ទីក្រុងញូវយ៉ក សហរដ្ឋអាមេរិក។

ក្នុងនោះគេកត់សម្គាល់ឃើញថា ព្រឹត្តិការណ៍បង្ហាញម៉ូដមួយនេះ ក៏មានវត្តមានរបស់មហាសេដ្ឋីដែលមានជាងគេបំផុតនៅលើពិភពលោក Elon Musk និងម្តាយរបស់លោក គឺអ្នកស្រី Maye Musk បានចូលរួមផងដែរ។ ការបង្ហាញខ្លួនរបស់ Elon Musk និងម្តាយបានទាក់ទាញចំណាប់អារម្មណ៍ពីមហាជនយ៉ាងខ្លាំង ជាពិសេសពីប្រព័ន្ធផ្សព្វផ្សាយ។ ជាមួយគ្នានោះ គ្រប់​គ្នា​ពោលសរសើរ​ការ​ជ្រើស​រើស​សម្លៀក​បំពាក់​​របស់អ្នកស្រី Maye Musk​ និងកូនប្រុសដែលពិតជាស៊ីទៅនឹងប្រធានបទនៃកម្មវិធី Met Gala នៅក្នុងឆ្នាំនេះ។

ថ្វីត្បិតម្ដាយកូននេះ ស្លៀកពាក់មិនស៊ីវិល័យ ឱ្យឆើតឆាយលើសគេឯងពិតមែន ប៉ុន្តែសម្លៀកបំពាក់ដែលអ្នកទាំងពីរប្រើសក្ដិសមនឹងរូបរាងរបស់ពួកគេ។ អាចនិយាយបានថា គ្រួសារ Musk បានឈ្នះការចាប់អារម្មណ៍លើសតារាហូលីវូដល្បីៗផ្សេងទៀត នៅក្នុងឆ្នាំ ២០២២នេះ៕

ប្រែសម្រួល៖ សន្យា

ចុចអាន៖ Cara ដោះអាវកណ្ដាលហ្វូង ​ផ្អើលកម្មវិធី Met Gala ឆ្នាំនេះ

ចុចអាន៖ វ័យ ៧៤ឆ្នាំហើយ ម្ដាយ Elon Musk នៅតែត្រូវប៉ាន់ក្នុងវិស័យម៉ូដ