សុខភាព

សិង្ហបុរីរកឃើញកើតជំងឺអុតស្វា២នាក់ទៀត សរុប៨នាក់ហើយ

បានផុស

៤ years មុន

នៅ

ថ្ងៃចន្ទ ២៥ កក្កដា ២០២២

ដោយ

ប្រទេសសិង្ហបុរី កាលពីថ្ងៃទី២៤ ខែកក្កដា ឆ្នាំ២០២២បានបញ្ជាក់ពីការរកឃើញអ្នកឆ្លងជំងឺអុតស្វា២ករណីទៀតដែលបានធ្វើឲ្យចំនួនសរុបអ្នកកើតជំងឺនេះឡើងដល់៨ករណី។

ក្រសួងសុខាភិបាលសិង្ហបុរីបានឲ្យដឹងថា ករណីទី១គឺជាបុរសជនជាតិអេស្តូនីអាយុ៤៦ឆ្នាំដែលធ្វើដំណើរមកពីប្រទេសអង់គ្លេសចូលសិង្ហបុរីកាលពីថ្ងៃទី២១ ខែកក្កដា និងបានធ្វើតេស្តរកឃើញវិជ្ជមានកាលពីថ្ងៃទី២៤ ខែកក្កដា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសអេស្តូនីរូបនេះកើតមានកន្ទួលលើរាងកាយ ក្កៅខ្លួន និងហើមកូនកណ្តុរ ហើយបានព្យាយាមរកការព្យាបាលកាលពីថ្ងៃទី២៣ ខែកក្កដា។ គាត់ត្រូវបានយកទៅព្យាបាលនៅមន្ទីរពេទ្យជាតិនៃជំងឺឆ្លងសិង្ហបុរីនៅថ្ងៃដែលនោះ។

ចំណែកម្នាក់ទៀតជាបុរសជនជាតិសិង្ហបុរីអាយុ២៦ឆ្នាំដែលបានធ្វើតេស្តរកឃើញវិជ្ជមានជំងឺអុតស្វាកាលពីថ្ងៃទី២៤ ខែកក្កដា។ គាត់កើតកន្ទួលរមាសលើខ្លួន និងបានព្យាយាមរកការព្យាបាលនៅមន្ទីរពេទ្យ មុនពេលត្រូវបានបញ្ជូនទៅព្យាបាលនៅមន្ទីរពេទ្យជាតិនៃជំងឺឆ្លងសិង្ហបុរីដែរកាលពីម្សិលមិញ។

ជាធម្មតាជំងឺអុតស្វាអាចជាសះស្បើយដោយខ្លួនក្នុងរយៈពេលចន្លោះពី១៤ទៅ២១ថ្ងៃ។ អ្នកឆ្លងមេរោគនេះភាគច្រើនក្តៅខ្លួន ឈឺក្បាល ឈឺសាច់ដុំ ឈឺខ្នង ហើមកូនកណ្តុរ ញាក់ សន្លឹម និងឡើងកន្ទួល។

រហូតដល់ពេលនេះ ប្រទេសសិង្ហបុរីបានប្រកាសជាផ្លូវការអំពីជំងឺអុតស្វាកើតមានចំនួន៨នាក់ហើយគិតចាប់តាំងពីខែមិថុនាមក ក្នុងនោះ៤នាក់ជាអ្នកដំណើរមកពីក្រៅប្រទេស និង៤នាក់ជាអ្នកនៅក្នុងស្រុក៕

ប្រែសម្រួល៖ វីរបុត្រ
ប្រភព៖ CNA

Related Topics:ជំងឺអុតស្វា

ព័ត៌មានអន្ដរជាតិ២១ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេដ្ឋកិច្ច៣ ថ្ងៃ ago

ធនាគារ ARDB ចាក់បញ្ចូលទុនលើស្វាយចន្ទី និងដំឡូងមី

ព័ត៌មានជាតិ១ សប្តាហ៍ ago

រដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ

សេចក្ដីជូនដំណឹង២ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា