ព័ត៌មានជាតិ
លោក ជា ចាន់តូ៖ ពលរដ្ឋកម្ពុជាមានការយល់ដឹងខ្ពស់ និងចេះប្រើប្រាស់សិទ្ធិបានត្រឹមត្រូវមិនចាញ់បោកការឃោសនាជនអគតិ
លោក ជា ចាន់តូ សមាជិកគណៈអចិន្ដ្រៃគណៈកម្មាធិការកណ្ដាល គណបក្សប្រជាជនកម្ពុជា និងជាប្រធានក្រុមការងារចុះមូលដ្ឋានខេត្តកំពង់ធំ បានលើកឡើងថា បច្ចុប្បន្នពលរដ្ឋកម្ពុជាមានការយល់ដឹងខ្ពស់និងចេះប្រើប្រាស់សិទ្ធិរបស់ខ្លួនបានត្រឹមត្រូវ មិនចាញ់បោកតាមការឃោសនាភូតកុហក់របស់ជនអគិតមួយចំនួនទៀតទេ។
នៅក្នុងកិច្ចប្រជុំផ្សព្វផ្សាយស្តីពីលទ្ធផលនៃសន្និបាតគណៈកម្មាធិការកណ្តាលវិសាមញ្ញរបស់គណបក្សប្រជាជនកម្ពុជា ជូនដល់ក្រុមការងារគណបក្ស ស្រុកស្ទោង ខេត្តកំពង់ធំ នៅថ្ងៃទី៣ ខែសីហានេះ លោក ជា ចាន់តូ បានបន្តថា «ប្រជាពលរដ្ឋកម្ពុជាយើងម្នាក់ៗបច្ចុប្បន្នមានការយល់ដឹងខ្ពស់ និងចេះប្រើប្រាស់សិទ្ធិរបស់ខ្លួនបានត្រឹមត្រូវមិនចាញ់បោកតាមការឃោសនាភូតកុហក់របស់ជនអគិតមួយចំនួនទៀតទេ ទោះបីជាក្រុមទាំងនោះបានប្រើប្រាស់នូវមធ្យោបាយទុច្ចរិត
និងគ្រប់រូបភាពឃោសនាពិសពុលបែបណាក៏ដោយ»។
លោក ជា ចាន់តូ បានបន្តទៀតថា ការយល់ដឹងនេះហើយបានធ្វើឱ្យបងប្អូនប្រជាពលរដ្ឋយើងបន្តគោរពស្រលាញ់គាំទ្រ និងជឿជាក់មកលើការដឹកនាំរបស់រាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន ជានាយករដ្ឋមន្ត្រី ដែលបានដឹកនាំប្រទេសកម្ពុជាឲ្យមានការរីកចម្រើនលើគ្រប់វិស័យ ពិសេសជ័យជម្នះយ៉ាងត្រចះត្រចង់របស់គណបក្សប្រជាជនកម្ពុជាទទួលបាននៅក្នុងការបោះឆ្នោតជ្រើសរើស ក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២កន្លងមកនេះ។
លោក ជា ចាន់តូ បានបន្តទៀតថា ក្រៅពីនេះកត្តាដែលធ្វើឲ្យគណបក្សប្រជាជនកម្ពុជាទទួលបានជ័យជម្នះកន្លងមកនេះ
ក៏មិនអាចកាត់ផ្តាច់និងមើលរំលងពីកិច្ចខិតខំប្រឹងប្រែងពីការចូលរួមចំណែកយ៉ាងសកម្មនិងដ៏ធំធេងពីសំណាក់ក្រុមការងារគ្រប់ជាន់ថ្នាក់របស់គណបក្សទាំងអស់ដែលបានលះបង់ទាំងកម្លាំងកាយចិត្ត និងមិនខ្លាចពីការនឿយហត់នោះបានឡើយ។
នៅក្នុងឱកាសនោះដើម្បីឲ្យក្រុមការងារគណបក្ស ស្រុកស្ទោងបានយល់កាន់តែច្បាស់ថែមទៀតពីសមិទ្ធផលរបស់គណបក្សសម្រេចបានកន្លងមកលោក ជា ចាន់តូ បានលើកយកនូវខ្លឹមសារលម្អិតនិងសំខាន់ៗនៃលទ្ធផលសន្និបាត
និងចំណុចសំខាន់ៗមួយចំនួនទៀតក្នុងនោះក៏បានលើកយកទិសដៅអាទិភាពពាក់ព័ន្ធទៅនឹងក្របខណ្ឌរបស់គណបក្ស
សម្រាប់ឆ្ពោះទៅកាន់ការបោះឆ្នោតជ្រើសតាំងតំណាងរាស្រ្តនីតិកាលទី៧ ឆ្នាំ២០២៣ខាងមុខមកជម្រាបជូនដល់កិច្ចប្រជុំផងដែរ៕
អត្ថបទ៖ សំអឿន
-
ជីវិតកម្សាន្ដ១ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៥ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៧ ថ្ងៃ ago
គេហទំព័រ Weather៖ សប្តាហ៍នេះ កម្ពុជា នឹងក្តៅខ្លាំង ឈានដល់កម្រិតគ្រោះថ្នាក់ ៤០អង្សាសេ
-
ព័ត៌មានជាតិ១ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ៦ ថ្ងៃ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ១ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ៦ ថ្ងៃ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង៥ ថ្ងៃ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល