សេដ្ឋកិច្ច
កម្ពុជា នាំចេញផលកសិកម្មគិតជាថវិកាជាង ២៤០០លានដុល្លារ រយៈពេល ៧ខែ
ការនាំចេញកសិផលរបស់កម្ពុជា មានតម្លៃគិតជាទឹកប្រាក់ប្រមាណជាង ២៤០០លានដុល្លារ ត្រឹមរយៈពេល ៧ខែ ក្នុងឆ្នាំ ២០២២ ដោយផ្អែកតាមវិក័យបត្ររបស់អ្នកនាំចេញ។ នេះបើតាមទិន្នន័យចេញផ្សាយរបស់ក្រសួងកសិកម្ម រុក្ខប្រមាញ់ និងនេសាទ។
តម្លៃទឹកប្រាក់ប្រមាណជាង ២៤០០លានដុល្លារនេះ បានមកពីការនាំចេញកសិផលអង្ករ ស្រូវ និងកសិផលផ្សេងៗទៀតដូចជា ដំឡូងមី គ្រាប់ស្វាយចន្ទី ចេកស្រស់ ជាដើម។
ក្នុងនោះ ការនាំចេញអង្កររបស់កម្ពុជារយៈពេល៧ ខែនេះ គឺមានចំនួន ៣៥០ ៩០២ តោនទៅកាន់ទីផ្សារ ចំនួន៥៣ ប្រទេសនៅក្នុងតំបន់អឺរ៉ុប អាស៊ាន ចិន និងប្រទេសដែលជាគោលដៅផ្សេងៗទៀត ដោយសរុប ជាទឹកប្រាក់ប្រមាណជាង ៣០០លានដុល្លារ។
ចំពោះការនាំចេញស្រូវក្នុងរយៈពេល៧ ខែនេះវិញ គឺសរុបជាទឹកប្រាក់ប្រមាណ ៣៨៦លានដុល្លារ ដែលមានចំនួន ១ ៩៥០ ៩៨៦តោន ទៅកាន់ទីផ្សារប្រទេសវៀតណាម។
ចំណែកការនាំចេញផ្សេងៗក្រៅពីស្រូវ និងអង្ករ មានដូចជា ចេកស្រស់ ដំឡូងមី គ្រាប់ស្វាយចន្ទីរ គ្រាប់ពោត ផ្លែស្វាយស្រស់ជាដើម មានចំនួន ៣ ៩០៨ ០០៨,៦០តោន ដោយគិតជាទឹកប្រាក់សរុប ប្រមាណ ១៧៥៥ លានដុល្លារ។
បច្ចុប្បន្ន ក្រសួងកសិកម្ម បាននិងកំពុងខិតខំលើកកម្ពស់ផលិតផលប្រកបដោយគុណភាព និងសុវត្ថិភាពខ្ពស់ ស្របតាមតម្រូវការរបស់ប្រទេសនាំចូល និងចរចាអំពីតម្រូវការអនាម័យបន្ថែមទៀត សម្រាប់ការនាំចេញកសិផលកសិកម្មរបស់កម្ពុជា ទៅកាន់ទីផ្សារបរទេស៕
អត្ថបទ៖ នាង រតនៈ
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត