ព័ត៌មានជាតិ

អាជ្ញាធរខេត្តកំពង់ធំ នឹងរៀបចំកម្មវិធីអុំទូក នារសៀលនេះ

បានផុស

៤ years មុន

នៅ

ថ្ងៃសុក្រ ៤ វិច្ឆិកា ២០២២

ដោយ

អាជ្ញាធរខេត្តកំពង់ធំ ចុះសួរសុខទុក្ខក្រុមកីឡាករ និងផ្ដល់គ្រឿងឧបភោគបរិភោគបន្ថែម ជូនដល់ ក្រុមកីឡាករដែលនឹងចូលរួមកម្មវិធីប្រណាំងទូកថ្នាក់ខេត្ត នៅរសៀលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីព្រឹកថ្ងៃទី ៤ ខែវិច្ឆិកា ឆ្នាំ ២០២២ លោក ងួន រតនៈ អភិបាលខេត្តកំពង់ធំ ដឹកនាំសហការីចុះសួរសុខទុក្ខកីឡាករអុំទូក។ ក្នុងឱកាសនោះដែរ លោកលើកឡើងថា កម្មវិធីអុំទូកថ្នាក់ខេត្ត នៅក្នុងខេត្តកំពង់ធំ នឹងប្រារព្ធកម្មវិធីចំនួនពីរថ្ងៃ គឺថ្ងៃទី ៤ និងថ្ងៃទី ៥ ខែវិច្ឆិកា ឆ្នាំ ២០២២។ កម្មវិធីអុំទូកនេះ ដើម្បីបង្កភាពសប្បាយរីករាយជូនប្រជាពលរដ្ឋនៅក្នុងខេត្តកំពង់ធំ ក្រោយពីទឹកជំនន់ត្រូវបានបញ្ចប់ និងដើម្បីថែរក្សាទំនៀមទម្លាប់ប្រពៃណីរបស់ដូនតាខ្មែរដែលបានបន្សល់ទុកតាំងពីបុរាណមក។

កម្មវិធីនេះ ទូកចូលរួមប្រកួតសរុបចំនួន ៤២ ទូក មានចំណុះសរុប ១,២៣១ នាក់ មកពីប្រាំបួន ក្រុង ស្រុក ទូទាំងខេត្តកំពង់ធំ។ ក្នុងនោះទូកវែង “ទូក ង” ចំនួន ៥ (ទូកមួង ១), ទូកខ្នាតអន្តរជាតិ ១៦ ទូក, ទូកផ្កាចារ្យមាន ២១ ទូក។ ជាមួយនោះ ក៏មានបាញ់កាំជ្រួច និងបណ្ដែតប្រទីប នៅយប់ថ្ងៃទី ៥ ខែវិច្ឆិកា ផងដែរ។

ក្រុមកីឡាករទូកលើកឡើងផងដែរថា ពួកគាត់ពេញចិត្តក្នុងការចូលប្រណាំង ដើម្បីបង្ហាញពីវប្បធម៌ និងទំនៀមទម្លាប់។ ជាពិសេស ពួកគាត់ ចូលរួមប្រកួតដោយក្តីរីករាយ និងមានទំនួលខុសត្រូវ។

ទន្ទឹមជាមួយកម្មវិធីប្រណាំងទូកនេះដែរ លោកអភិបាលខេត្តកំពង់ធំ បន្ថែមថា ដើម្បីចូលរួមការពារ និងបង្កើនភាពស៊ាំ នៃជំងឺកូវីដ-១៩ ក្នុងសង្គម រដ្ឋបាលខេត្ត ក៏បានរៀបចំឲ្យមានក្រុមគ្រូពេទ្យចាំចាក់វ៉ាក់សាំងជូនប្រជាពលរដ្ឋផងដែរ។ ការចាក់ជូននេះ នឹងធ្វើឡើងគ្រប់ដូសទាំងអស់ ទៅតាមដំណាក់កាល នៃថ្ងៃដែលប្រជាពលរដ្ឋគ្រប់រួប ដល់កាលកំណត់ចាក់ដូសបន្ត៕

អត្ថបទ ៖ ឈាង មករា

Related Topics:ខេត្តកំពង់ធំ បុណ្យអុំទូក

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា