វប្បធម៌ ជំនឿ
វត្តស្វាយរមៀត ខេត្តសៀមរាប រៀបចំពិធីប្រណាំងទូកប្រពៃណីលើកទី៥ បន្ទាប់អាក់ខាន ២ឆ្នាំ
ក្រោយពីបានអាក់ខានក្នុងការប្រណាំងទូកលក្ខណៈប្រពៃណី រយៈពេល២ឆ្នាំ ដោយវិបត្តិជំងឺកូវីដ-១៩ ព្រះគ្រូចៅអធិការគណៈកម្មការវត្ត និងប្រជាពុទ្ឋបរិស័ទចំណុះជើងវត្តបារាយណ៍មហានទីរតនារាម ហៅវត្តស្វាយរមៀត បានរៀបចំពិធីប្រណាំងទូកលក្ខណៈប្រពៃណី លើកទី៥ ក្នុងគោលបំណងរឹតចំណងបង្កើនសាមគ្គីភាពរវាងវត្តអារាម និងពុទ្ឋបរិស័ទ រក្សាប្រពៃណីទំនៀមទំលាប់របស់ខ្មែរ ដើម្បីរំលឹកនឹកគុណដល់កងទ័ពជើងទឹកដែលបានទទួលជោគជ័យលើខ្មាំងសត្រូវឈ្លានពានមកលើទឹកដីខ្មែរកាលពីអតីតកាល។
ព្រះសច្ចានុបាល នឿម វុទ្ឋី ព្រះចៅអធិការវត្ត មានសង្ឃដីកាថា ថ្វីត្បិតតែមេរោគកូវីដ-១៩ មិនទាន់សាបរលាបអស់ពីកម្ពុជា និងក្នុងពិភពលោកក្តី តែកម្ពុជាក្រោមការដឹកនាំប្រកបដោយគតិបណ្ឌិតនិងឈ្លាវៃរបស់សម្តេចតេជោ ហ៊ុន សែន នាយករដ្ឋមន្ត្រី សម្តេចបានខិតខំប្រឹងប្រែងពុះពារស្វែងរកវ៉ាក់សាំងចាក់ការពារជូនប្រជាពលរដ្ឋនៅទូទាំងប្រទេសដោយឥតគិតថ្លៃ និងបានធ្វើឱ្យស្ថានភាពនៃការឆ្លងមានការថយចុះជាលំដាប់ ហើយសម្រេចបើកប្រទេសពេញលេញឡើងវិញ។
ព្រះគ្រូចៅអធិការបន្តថា ពិធីប្រណាំងទូកបែបប្រពៃណីនេះ ប្រារព្ធឡើងក្នុងគោលបំណងដើម្បីចូលរួមប្រារព្ធព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុករបស់ជាតិ.ដើម្បីថែរក្សាប្រពៃណីរវាងវត្ត និងសហគមន៍កុំឱ្យបាត់បង់ និងដើម្បីរំឭកដឹងគុណចំពោះវត្ថុសក្កិសិទ្ធិ និងអស់លោកអ្នកទាំងឡាយដែលតែងតែអភិបាលរក្សានូវទីអារាម ឱ្យបានសុខសាន្ត និងសម្បូរសប្បាយ។
ព្រះវិជ័យរង្សី បណ្ឌិត ឡាច លាង ព្រះរាជាគណៈថ្នាក់កិត្តិយស ព្រះគ្រូប្រាសាទ រង្សី អនុគណក្រុងសៀមរាប ព្រះធម្មធរគណខេត្ត បានចាត់ទុកការរៀបចំឱ្យមានពិធីប្រណាំងទូក ក្នុងការលើកតម្កើងវប្បធម៌ជាតិ តាមរយៈព្រះពុទ្ធសាសនា ព្រោះថា ព្រះពុទ្ធសាសនាបានដើរតួនាទីយ៉ាងសំខាន់ និងមានគុណតម្លៃមិនអាចកាត់បានចំពោះសង្គមខ្មែរស្ទើរគ្រប់វិស័យ ដូចជាវិស័យសុខាភិបាល វិស័យសង្គមកិច្ច វប្បធម៌ នយោបាយ អប់រំ ជាដើម។
ព្រះអង្គមានសង្ឃដីកាថា ប្រទេសជាតិយើងទទួលបាននូវសុខសន្តិភាព និងភាពរីកចម្រើនជឿនលឿនលើគ្រប់វិស័យ ជាពិសេសវិស័យពុទ្ឋចក្រក៍មានសន្ទុះរីកចម្រើនខ្លាំងក្លាគួរឱ្យមោទនភាព។ តែយ៉ាងណាក៏ដោយក៏យើងត្រូវតែធ្វើឱ្យប្រសើរឡើងថែមទៀតនូវកត្តាសំខាន់ៗមួយចំនួន ក្នុងការពង្រឹងអនុវត្តនូវខ្លឹមសារមហាសន្និបាតមន្ត្រីសង្ឃទូទាំងប្រទេសឱ្យមានប្រសិទ្ធភាព ការពង្រឹងតួនាទី និងភារកិច្ចមន្ត្រីសង្ឃគ្រប់ថ្នាក់ឱ្យកាន់តែប្រសើរឡើង, កាត់បន្ថយអធិករណ៍ក្នុងវត្តអារាមឱ្យកាន់តែតិចទៅៗ និងឈានទៅលុបបំបាត់ទាំងស្រុង និងពង្រឹងប្រសិទ្ធភាពនៃការគ្រប់គ្រងវត្តអារាម និងពង្រឹងពុទ្ធិកសិក្សាគ្រប់ភូមិសិក្សា ជាពិសេសការបង្កើនគំនិតបណ្តុះគុណធម៌ សីលធម៌ ចរិយាធម៌ ឱ្យមានទឹកចិត្តស្រឡាញ់ ការគោរព សន្តោសប្រណី និងការដឹងគុណចំពោះអ្នកមានគុណទាំងឡាយ។
លោកឧត្តមសេនីយ៍ទោ តេង ច័ន្ទណាត ស្នងការនៃស្នងការដ្ឋាននគរបាលខេត្តសៀមរាប មានប្រសាសន៍ថា វត្តអារាម ព្រះពុទ្ធសាសនាបានរួមចំណែកស្ទើរគ្រប់វិស័យ ក្នុងការកសាងអភិវឌ្ឍសង្គមកម្ពុជាយើង តាំងពីអតីតរៀងរហូតដល់បច្ចុប្បន្ន ហើយក៏បន្តទៅអនាគតផងដែរ។ ព្រះពុទ្ធសាសនា និងវត្តអារាមជាចំណុចកណ្ដាលនៃធ្លុងសាមគ្គីភាពជាតិ និងប្រជាធិបតេយ្យ ពោលគឺគ្មានកន្លែងណាដែលនាំឱ្យប្រជាជនខ្មែរទៅរកសាមគ្គីភាព និងប្រជាធិបតេយ្យបានល្អប្រសើរដូចទីវត្តអារាមឡើយ។
គួរបញ្ជាក់ថា ការរៀបចំពិធីប្រណាំងទូកលក្ខណៈប្រពៃណីនេះមានរយៈពេលពីរថ្ងៃ នៅថ្ងៃទី៥ និងទី៦ ខែវិច្ឆិកា ឆ្នាំ២០២២ មានទូកចូលរួម ១៣គូចូលរួម មកពីបណ្តាភូមិក្នុងសង្កាត់ទឹកវិល ដែលទូកនីមួយៗមានចំណុះ ៦នាក់ លទ្ឋផលនៅវគ្គផ្តាច់ព្រ័ត្ត ទូកលេខ១ ដល់លេខ៣ នឹងទទួលបានថវិកាឧបត្ថម្ភប្រមាណជាង ១លានរៀល និងពាន១ ចំណែកទូកដែលមិនជាប់ទទួលពានរង្វាន់ក៏ទទួលបានថវិកាលើកទឹកចិត្តផងដែរ៕
អត្ថបទ៖ គឿនវេត
-
ជីវិតកម្សាន្ដ៣ ថ្ងៃ ago
អាយដល G-Devith ក៏ឈ្នះរង្វាន់ដែរ ឈ្នះ ១លានរៀល ពី វឌ្ឍនៈ ឡាហ្គឺរ៉េដ
-
ជីវិតកម្សាន្ដ៦ ថ្ងៃ ago
ពេជ្រ ចរណៃ រក្សាបានរាង និងសម្រស់ស្អាត មិនចាញ់តារាបរទេស
-
ព័ត៌មានជាតិ៣ ថ្ងៃ ago
ស្គាល់អត្តសញ្ញាណយោធិន១៥រូប ចំណោមអ្នកស្លាប់២០រូប ក្នុងហេតុការណ៍ផ្ទុះឃ្លាំងគ្រាប់នៅកំពង់ស្ពឺ
-
ព័ត៌មានជាតិ១ សប្តាហ៍ ago
កម្ពុជានឹងធ្លាក់ភ្លៀង ៤០% នាដើមរដូវវស្សាឆ្នាំនេះ ខណៈក្រសួងប្រកាសឱ្យប្រុងប្រយ័ត្នបាតុភូត ផ្គរ រន្ទះ និងខ្យល់កន្ត្រាក់
-
ព័ត៌មានជាតិ៣ ថ្ងៃ ago
សម្ដេចធិបតី ឧបត្ថម្ភជូនគ្រួសារយោធិនដែលស្លាប់មួយគ្រួសារ៨០លានរៀល ឯអ្នករងរបួស២០លានរៀល
-
ព័ត៌មានជាតិ១ សប្តាហ៍ ago
តុលាការ បញ្ជាឱ្យចាប់ខ្លួនជនត្រូវចោទ ចោម ខ្វាន់ ពីបទរំលោភលើទំនុកចិត្តអ្នកដទៃ
-
សេចក្ដីជូនដំណឹង១ សប្តាហ៍ ago
អ្នកឧកញ៉ា ឡេង ណាវ៉ាត្រា បញ្ជាក់ច្បាស់ៗការដោះដូរ ផ្ទះយកដី គឺសម្រាប់តែអតិថិជនស្ម័គ្រចិត្ត ដែលពួកគាត់មានតម្រូវការចាំបាច់ចំណែកគម្រោង បុរី នៅតែប្រកាន់គោលជំហរបញ្ចប់ការដោះស្រាយជូនអតិថិជនទាំងស្រុងដដែល
-
ព័ត៌មានជាតិ៦ ថ្ងៃ ago
អតីតប្រធានអង្គការភូមិកុមារ SOS ធ្លាប់ជួយកុមារលើពិភពលោកជិត៣ទសវត្សរ៍ បានទទួលមរណភាព