សន្តិសុខសង្គម
សមត្ថកិច្ចថៃ ចាប់បានចោរធ្វើសកម្មភាពប្លន់ហាងមាសទាំងកណ្តាលថ្ងៃត្រង់បានអស់ហើយ
ទេសថៃ ÷ ក្រុមចោរដែលមានគ្នាចំនួន៤នាក់ ចូលប្លន់ហាងមាសដ៏ធំមួយកន្លែង ដែលត្រូវបានម្ចាស់ហាងបាញ់តបតបណ្តាលឱ្យរងរបួសធ្ងន់ម្នាក់នោះ ឥឡូវត្រូវបានសមត្ថកិច្ចចាប់ខ្លួនបានទាំងអស់ហើយ ខណ:ដែលមុខសញ្ញា២នាក់បានរត់គេចពីគ្រាប់កាំភ្លើងរបស់ម្ចាស់ហាងមាស ហើយបម្រុងឆ្លងដែនទៅកាន់ប្រទេសរបស់ពួកគេវិញ។
ហេតុការណ៍ដ៏ភ្ញាក់ផ្អើលនេះ បានកើតឡើងកាលពីថ្ងៃទី៨ ខែធ្នូ ឆ្នាំ២០២២ វេលាម៉ោង១២ និង ៥៥ នាទី ថ្ងៃត្រង់ នៅក្នុងហាងលក់មាសមួយកន្លែង ស្ថិតនៅក្នុងស្រុកមឿង កណ្តាលទីរួមខេត្ត តាក ភាគខាងត្បូងនៃប្រទេសថៃដែលម្ចាស់ហាងមាស មានឈ្មោះ ពិសិដ្ឋ រ៉ាក់ផាត់ផាន់ ។
បើតាមការផ្សាយរបស់គេហទំព័រមួយចំនួនក្នុងប្រទេសថៃ បានបញ្ជាក់ថា នៅមុនពេលកើតហេតុ គឺមានជនសង្ស័យចំនួន៤នាក់ ស្លៀកពាក់ខ្មៅ ជិះម៉ូតូចំនួន២គ្រឿង ប្រដាប់ដោយអាវុធខ្លីគ្រប់ដៃ បានចូលទៅខាងក្នុងហាងលក់មាស ព្រមទាំងបានធ្វើសកម្មភាពវាយបំបែកទូរកញ្ចក់ ដើម្បីប្រមូលយកមាស ប៉ុន្តែភ្លាមៗនោះដែរ ម្ចាស់ហាងចិត្តសឿង បានទាញកាំភ្លើងវែង បាញ់ស្រោចទៅលើក្រុមចោរ ដែលបណ្តាលឱ្យចោរទាំងអស់ រត់ចែកជើងគ្នាចេញទៅវិញ ប៉ុន្តែក្នុងនោះ មានចោរម្នាក់បានរងរបួសជាទម្ងន់ និងចោរម្នាក់ទៀតត្រូវសមត្ថកិច្ចចុះមកទាន់ក៏បានចាប់ខ្លួនបាន ដោយឡែកចោរពីរនាក់ដែលបើកម៉ូតូរត់គេច កំពុងត្រូវបានសមត្ថកិច្ចតាមប្រមាញ់ហើយ។
នៅក្នុងហេតុការណ៍នេះ ទាំងម្ចាស់ហាង និងបុគ្គលិកពុំមាននរណាម្នាក់រងរបួសនោះទេ ហើយម៉្យាងទៀងម្ចាស់ហាង គឺជាកីឡាករជំនាញខាងបាញ់កាំភ្លើងត្រង់ រហូតប្រលងទទួលបានពានរង្វាន់ថែមទៀតផង។
យោងតាមសេចក្តីរាយការណ៍ពីប្រទេសថៃ បានឱ្យដឹងថា ក្រោយកើតហេតុ ថ្ងៃទី៩ ខែធ្នូ វេលាម៉ោង ១១ និង ៥៣ នាទី កម្លាំងសមត្ថកិច្ចថៃ ដែលបានដាក់ពង្រាយតាមខ្សែបន្ទាត់ព្រំដែន ក៏បានឃាត់ខ្លួនក្រុមចោរ២នាក់ ដែលមានបំណង់ឆ្លងដែនទៅកាន់ប្រទេសភូមា ក្រោយពីបានធ្វើសកម្មភាព។
ជនសង្ស័យទាំង២រូបមានឈ្មោះ តាយី និង កីងកូ ពួកគេគឺជាជនជាតិភូមា ដោយបានលបឆ្លងដែនមកសហការជាមួយជនជាតិថៃដើម្បីធ្វើសកម្មភាពប្លន់ហាងមាស តែមិនបានសម្រេច ។
បច្ចុប្បន្នជនសង្ស័យទាំង៣នាក់ ត្រូវបានសមត្ថកិច្ចត្រៀមបញ្ជូនទៅតុលាការហើយ ដោយឡែកចោរម្នាក់ដែលរងរបួសធ្ងន់ គឺកំពុងសង្គ្រោះនៅឯមន្ទីរពេទ្យ៕ អត្ថបទ : សោ និយមរ័ត្ន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង