កីឡា
ប្រេស៊ីល២រូបនេះនឹងជួយតំបន់ប្រយុទ្ធព្រះខ័នរាជស្វាយរៀងកាន់តែមុតស្រួច
ក្លឹបបាល់ទាត់ព្រះខ័នរាជស្វាយរៀងបានធ្វើការនាំចូលសមាជិកថ្មីជាច្រើនគួរឲ្យចាប់អារម្មណ៍សម្រាប់ការត្រៀមខ្លួនរដូវកាលថ្មី២០២៣-២៤ ដើម្បីឈានឆ្ពោះទៅការគ្រងជើងឯក បន្ទាប់ពីរដូវកាល២០២២ កន្លងទៅមិនបានឈ្នះពានអ្វីមួយសោះ។
រហូតដល់ពេលនេះ ព្រះខ័នរាជស្វាយរៀង បាននាំចូលសមាជិកថ្មី៧រូបហើយ ក្នុងនោះកីឡាករក្នុងស្រុក៥រូប និងកីឡាករបរទេស២រូប។ កីឡាករបរទេស២រូបដែលទើបបង្ហាញមុខជាផ្លូវការក្នុងរយៈពេល២ថ្ងៃចុងក្រោយនេះគឺកីឡាករប្រេស៊ីល Gabriel Silva Costa និង Iago Fernandes ជាអតីតកីឡាកររបស់ក្លឹបអង្គរថាយហ្គឺរកាលពីរដូវកាលមុន។
កីឡាករប្រេស៊ីលទាំងពីររូបនេះបានបង្ហាញទម្រង់លេងគួរឲ្យចាប់អារម្មណ៍ពីអ្នកគាំទ្រ និងគ្រូបង្វឹក។ កីឡាករ Gabriel Silva Costa ដែលលេងតំណែងជាខ្សែប្រយុទ្ធរកបាន១៣គ្រាប់ឲ្យអង្គរថាយហ្គឺរកាលពីរដូវកាល២០២២ ខណៈកីឡាករ Iago Fernandes ដែលលេងតំណែងបម្រើប្រយុទ្ធរកបាន៦គ្រាប់ ហើយ Gabriel បញ្ជូនបាល់ឲ្យ Fernandes ស៊ុតបាន៣ដង ហើយ Fernandes បញ្ជូនបាល់ឲ្យ Gabriel បាន៣ដងដែរ។
អ្នកទាំងពីរអាចនិយាយបានថា ជាដៃគូសហការគ្នាបានល្អកាលនៅអង្គរថាយហ្គឺរ ប៉ុន្តែក្លឹបដែលមានមូលដ្ឋាននៅខេត្តសៀមរាបមិនបានបន្តកុងត្រាឲ្យអ្នកទាំងពីរ។ ឃើញឱកាសទំនេរបែបនេះ ព្រះខ័នរាជស្វាយរៀងចរចាយកចូលក្លឹបដែលមានមូលដ្ឋាននៅខេត្តស្វាយរៀង ហើយរឹតតែធ្វើឲ្យកីឡាករទាំងពីរនឹងធ្វើបានល្អដោយបានលេងក្នុងក្លឹបកាន់តែធំ។
ជាពិសេសទៀតនោះ តំបន់ប្រយុទ្ធរបស់ព្រះខ័នរាជស្វាយរៀងនឹងកាន់តែមុតស្រួចដោយមានកីឡាករប្រេស៊ីលទាំងពីរជួយដល់ខ្សែប្រយុទ្ធកម្ពស់ខ្ពស់ Marcus Haber ដែលជាម្ចាស់ស្បែកជើងមាស និងជាកីឡាករល្អប្រចាំរដូវកាល២០២២។
ក្រៅពីសមាជិកថ្មីទាំងពីរខាងលើ ព្រះខ័នរាជស្វាយរៀង កីឡាករក្នុងស្រុក៥រូបទៀតគឺ សេត រ៉ូស៊ីប ខ្សែបម្រើការពារមកពីបឹងកេត, គួច ដានី ខ្សែបម្រើមកពីក្លឹបណាហ្គាវើលដ៍, ណារ៉ុង កក្កដា ខ្សែប្រយុទ្ធមកពីក្រសួងការពារជាតិ, វីរៈ ដារ៉ា (ខ្ចីជើង) អ្នកចាំទីមកក្លឹបវិសាខា, និង ធារី ចន្ថាប៊ីន ខ្សែការពារមកពីក្លឹប វិសាខា។
ប្រហែលជាមិនឈប់ត្រឹមនេះ ព្រះខ័នរាជស្វាយរៀងអាចនឹងនាំចូលសមាជិកថ្មីបន្ថែមដើម្បីត្រៀមខ្លួនឲ្យបានល្អឥតខ្ចោះសម្រាប់រដូវកាលថ្មី។ កាលពីឆ្នាំ២០២២កន្លងទៅក្លឹបនេះធ្វើបានល្អមែនទែននៅដើមរដូវកាល ប៉ុន្តែនៅចុងរដូវកាលបានធ្លាក់ខ្លាំងបណ្តាលឲ្យបាត់ឱកាសគ្រងជើងឯក៕
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត