សន្តិសុខសង្គម
ពលរដ្ឋសំណូមពរអាជ្ញាធរចុះរៀបចំសណ្ដាប់ធ្នាប់នៅចំណុចផ្សារបឹងព្រលិត ដើម្បីមានផ្លូវចូលផ្ទះស្រួល
ពលរដ្ឋមួយគ្រួសាររស់នៅបរិវេណផ្សារបឹងព្រលិត ក្នុងមូលដ្ឋានសង្កាត់បឹងព្រលិត ខណ្ឌ៧មករា បានសំណូមពរដល់អាជ្ញាធរសង្កាត់ ក៏ដូចជាអាជ្ញាធរខណ្ឌ ជួយចុះរៀបចំសណ្ដាប់ធ្នាប់នៅចំណុចផ្សារបឹងព្រលិតឲ្យមានរបៀបរាបរយដើម្បីមានផ្លូវចេញចូលផ្ទះបានស្រួល ខណៈដែលអាជីវករដាក់តាំងលក់បន្លែ ត្រីសាច់ និងរបស់របរផ្សេងទៀតនៅលើផ្លូវសារធារណៈដែលធ្វើឲ្យពួកគាត់ពិបាកចេញចូលផ្ទះស្ទើរតែ២៤ម៉ោង។
បើតាមការលើកឡើងរបស់ពួកគាត់ដោយសុំមិនបញ្ចេញឈ្មោះបានរៀបរាប់ថា ការដាក់លក់បន្លែត្រីសាច់ និងរបស់របរផ្សេងទៀតនៅលើផ្លូវសាធារណៈនេះ វាស្ទើរតែ២៤ម៉ោងលើ២៤ម៉ោងទៅហើយ មិនថា ព្រឹក ថ្ងៃ ឬពេលយប់នោះទេ។ ចំពោះការដាក់លក់ពេលព្រឹកគាត់មិនថាអីទេ តែពេលល្ងាច ឬពេលយប់សូមឲ្យអាជីវករដាក់របស់របរចូលខាងក្នុងបន្តិច កុំដាក់នៅកណ្ដាលទ្រូងផ្លូវពេក ទុកផ្លូវឲ្យគាត់បានចេញចូលផ្ទះស្រួលផង។ ពួកគាត់បន្ថែមថា កន្លងមកកម្លាំងអាជ្ញាធរសង្កាត់ក៏ធ្លាប់ចុះមករៀបចំសណ្ដាប់ធ្នាប់នៅតំបន់នេះដែរ តែក្រោយពីអាជ្ញាធរដកកម្លាំងទៅវិញអស់ ក្រុមអាជ្ញាវករដាក់របស់របរតាំងលក់លើផ្លូវសាធារណៈវិញដដែល។
ម្ចាស់ផ្ទះរូបនេះបានបន្ថែមថា បើតាមការលើកឡើងរបស់ក្រុមអាជីវករទាំងនោះថា ពួកគាត់បានបង់ប្រាក់ជូនអាជ្ញាធរសង្កាត់ដើម្បីបានដាក់លក់បែបនេះ ដោយក្នុងអាជីវករម្នាក់ត្រូវបង់១២០០០រៀល (មួយម៉ឺនពីរពាន់រៀល) ក្នុងមួយថ្ងៃ និងបង់ជារៀងរាល់ថ្ងៃ។
ពាក់ព័ន្ធបញ្ហានេះ អ្នកមីង តៅ ម៉ានថា ចៅសង្កាត់បឹងព្រលិត ខណ្ឌ៧មករា បានឲ្យដឹងនៅរសៀលថ្ងៃទី៨ មីនា នេះថា ចំពោះការលើកឡើងថាអាជ្ញាធរយកលុយនោះ អ្នកមីងមិនបានដឹងនោះទេ ហើយអ្នកមីងនឹងឲ្យកម្លាំងចុះពិនិត្យមើលថា ហេតុអ្វីបានជាដាក់លក់មិនឲ្យគេចូលផ្ទះកើតបែបនេះ៕
អត្ថបទ៖ សុខុម
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ