កីឡា

ស្ទើរមិនជឿ! ថ្ងៃនេះ ព្រំ សំណាង ឡើងប្រកួតទៀត

បានផុស

៣ years មុន

នៅ

ថ្ងៃសៅរ៍ ១១ មីនា ២០២៣

ដោយ

កាលពី៤ថ្ងៃមុន កីឡាករ ព្រំ សំណាង បានធ្វើឲ្យមហាជនចាប់អារម្មណ៍យ៉ាងខ្លាំងពីការចូលរួមប្រកួតបីស្ត្រីក្នុងទិវាអន្តរជាតិ៨មីនា និងទទួលបានចំណាត់ថ្នាក់លេខ២ដោយទទួលបានរថយន្ត១គ្រឿង។

សម្រាប់ការប្រកួតបីស្ត្រីនោះ ព្រំ សំណាង ក្នុងចំណោមបេក្ខភាពជាច្រើនគូបានចាន់ផ្តើមតាំងពីល្ងាចប្រហែលម៉ោង៥រហូតដល់ម៉ោងប្រហែល៣ទៀបភ្លឺទើបចប់។ រូបគេបានប្រើពេលប្រមាណ៨ម៉ោងដោយមានស្ត្រីជាទីស្រឡាញ់នៅលើដៃជាប់រហូត និងគ្មានបានសម្រាកអ្វីបន្តិចសោះ។ ការប្រកួតនោះបានធ្វើឲ្យ រូបគេនឿយហត់អស់កម្លាំងខ្លាំងណាស់ ប៉ុន្តែទទួលបានការកោតសរសើរពីមហាជនយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅថ្ងៃបន្ទាប់ពោលគឺទី៩ ខែមីនា ព្រំ សំណាង បានឡើងប្រកួតវគ្គផ្តាច់ព្រ័ត្រដណ្តើមមេដាយមាស ក្នុងការប្រកួតជើងឯកគុនខ្មែរឆ្នាំ២០២២។ រូបគេបានប្រើពេលមិនដល់១នាទីផងដើម្បីបញ្ឈប់កីឡាករ ហេង វិឆ័យ ដើម្បីក្លាយជាម្ចាស់មេដាយមាសថ្នាក់ជាតិ។ ការប្រកួតនេះអាចថា មិនបានលំបាកទេ ព្រោះហាក់ដូចជាឡើងបង្ក្រប់កិច្ច និងជួបដៃគូដែលមិនមែនជើងខ្លាំង។

អ្វីដែលគួរឲ្យភ្ញាក់ផ្អើលទៀតនោះ នៅថ្ងៃទី១១ ខែមីនានេះ ព្រំ សំណាង មានឈ្មោះឡើងប្រកួតទៀតជាមួយកីឡាករថៃ ប្រាក់កាយស៊ែង នៅសង្វៀនថោន។ មែនទែនទៅ រូបគេមិនបានហ្វឹកហាត់ត្រៀមទេគឺសម្រាកយកកម្លាំងដើម្បីឡើងប្រកួតប៉ុណ្ណោះ បន្ទាប់ពីឈរបីស្ត្រីប្រហែល៨ម៉ោងកាលពី៤ថ្ងៃមុន។

ការប្រើកម្លាំង និងឡើងប្រកួតញឹកញាប់បែបនេះមិនមែនជារឿងល្អសម្រាប់សុខភាពឡើយ។ នៅពេលមានកម្លាំងល្អគឺអាចទ្រាំទ្របាន ប៉ុន្តែពេលណាមួយអាចនឹងបាក់ធ្វើឲ្យសុខភាពទ្រុឌទ្រោមលឿន៕

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ ព្រំ សំណាង

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា