ព័ត៌មានជាតិ

អ្នកភូមិថ្មរាប ទន្ទឹមរង់ចាំស្ពានឆ្លងទន្លេទីមួយ ខេត្តក្រចេះ បញ្ចប់នៅប៉ុន្មានឆ្នាំទៀតនេះ

បានផុស

៣ years មុន

នៅ

ថ្ងៃអាទិត្យ ១៦ មេសា ២០២៣

ដោយ

ប្រជាជននៅភូមិថ្មរាប ស្រុកព្រែកប្រសព្វ តាំងពីដូនតារាប់សិបឆ្នាំមកហើយមិនដែលមានស្ពានឆ្លងទន្លេនៅឡើយទេ។ អ្នកភូមិថ្មរាបដែលរស់នៅនៅតាមបណ្តោយដងទន្លេមេង្គនៅទល់មុខក្រុងក្រចេះ ត្រូវឆ្លងដទៅមកជារៀងរាល់ថ្ងៃដែលត្រូវចំណាយលុយ ហើយពេលខ្លះក៏មានការបារម្ភពីសុវត្ថិភាពផងដែរ។

អ្នកភូមិម្នាក់ឈ្មោះវ៉ា រស់នៅភូមិថ្មរាបបានសម្តែងការសប្បាយចិត្តពេលឃើញស្ពានចាប់ផ្តើមបុកគ្រឹះ ទោះមានសំលេងរំខានបន្តិចក៏ដោយ។

បុរសចំណាស់រូបនេះសង្ឃឹមថា នៅប៉ុន្មានឆ្នាំទៀតនៅពេលស្ពានសង់រួចរាល់ ជីវភាពអ្នកភូមិនឹងល្អប្រសើរជាងមុន ការធ្វើដំណើរមិនពិបាកឆ្លងដទៅមក ហើយណាមួយការប្រកបរបររកស៊ីផ្សេងៗក៏ងាយស្រួល រួមទាំងការដឹកកសិផលទៅលក់នៅលើទីផ្សារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីឥឡូវស្ពានមិនទាន់ហើយក៏ដោយទឹកមុខនៅតែញញឹម ប្អូនប្រុសប៉ះកង់ម៉ូតូម្នាក់នៅជិតការដ្ឋានស្ពានកំពុងសាងសង់ក៏យល់ឃើញមិនខុសពីបុរសអ្នកភូមិខាងលើដែរ។ យុវជនរូបនេះបញ្ជាក់ថា រាល់ថ្ងៃគេមានមុខរបរប៉ះកង់ ថ្ងៃក្រោយបើមានស្ពានគេនឹងអាចពង្រីកមុខរបរបន្ថែម ឬចាប់មុខរបរផ្សេងដែលសមស្រប។

ស្ពានឆ្លងទន្លេមេគង្គក្នុងខេត្តក្រចេះមានប្រវែង ១ ៧៦១ ម៉ែត្រ បានបើកការដ្ឋានសាងសង់កាលពីថ្ងៃទី ២ ខែមករា ឆ្នាំ ២០២៣។ ស្ពាននេះតភ្ជាប់ពីត្រើយខាងកើតស្ថិតនៅត្រង់ភូមិតាលុស ឃុំបុសលាវ ស្រុកចិត្របុរី និងត្រើយខាងលិចស្ថិតនៅត្រង់ភូមិថ្មរាប ឃុំព្រែកប្រសព្វស្រុកព្រែកប្រសព្វ ខេត្តក្រចេះ។ ក្នុងគម្រោងស្ពាននេះ ក៏មានការសាងសង់ផ្លូវតភ្ជាប់ប្រវែង ៣១,៦៩ គីឡូម៉ែត្រ។

តាមការគ្រោងទុក ស្ពានខេត្តក្រចេះគ្រោងប្រើប្រាស់រយៈពេលសាងសង់ ៤២ ខែ និងបញ្ចប់នៅឆ្នាំ ២០២៦ ដោយចំណាយថវិកាប្រមាណ ១១៤ លានដុល្លារ៕

អត្ថបទ៖ លី រតនា

Related Topics:ខេត្តក្រចេះ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា