នយោបាយ
អ្នកគាំទ្រលោកប្រាយុទ្ធ ឲ្យក្លាយជានាយករដ្ឋមន្ត្រីបន្ត ភាគច្រើនជាមនុស្សចាស់
ការស្ទាបស្ទង់មតិលើកដំបូងដោយ Nation Poll បានរកឃើញថា អ្នកឆ្លើយសំណួរភាគច្រើនដែលគាំទ្រលោកនាយករដ្ឋមន្ត្រី ប្រាយុទ្ធ ចាន់អូចា គឺមកពីខេត្តភាគខាងត្បូងចំនួន១១ និងជាក្រុមអាយុពី ៦១-៧៥ ឆ្នាំ។
Nation Poll ក៏បានប្រកាសលទ្ធផលស្ទង់មតិកាលពីថ្ងៃអង្គារដែលបង្ហាញថា លោកប្រាយុទ្ធ ជាបេក្ខជននាយករដ្ឋមន្ត្រីដ៏មានប្រជាប្រិយបំផុតទីបួនសរុប (៨.១៣%) នៅពីក្រោយលោកស្រី Paetongtarn Shinawatra បក្សភឿថៃ (៣៣.៨១%) មិនទាន់សម្រេចចិត្ត (២២.៥៨%) និង Pita Limjaroenrat បក្ស Move Forward (១៦.៨៧%)។
ការស្ទង់មតិនេះត្រូវបានធ្វើឡើងក្នុងចំណោមអ្នកឆ្លើយសំណួរចំនួន ៣៩,៦៨៧ នៅក្នុងតំបន់ចំនួនប្រាំបី និងនៅក្នុងមណ្ឌលបោះឆ្នោតចំនួន ៣៣ របស់ទីក្រុងបាងកក ចាប់ពីថ្ងៃទី ៧ ដល់ថ្ងៃទី ១២ខែមេសា។ តំបន់ចំនួនប្រាំបីគឺភាគខាងជើងទាប ខាងជើងកណ្តាល និងខាងលិចបូព៌ា ភាគឦសានទាប ១១ ខេត្តភាគខាងត្បូង និងខេត្តជាប់ព្រំដែនភាគខាងត្បូងចំនួនបី។
Nation Poll ក៏បានរកឃើញថា ភាគច្រើននៃអ្នកគាំទ្រលោក ប្រាយុទ្ធមកពី ១១ ខេត្តភាគខាងត្បូង (៣៥.០៩%) ខណៈដែលអ្នកគាំទ្ររបស់គាត់ ១៧.៥២% នៅកណ្តាល និងខាងលិច។ អ្នកគាំទ្ររបស់គាត់ដែលនៅសល់ត្រូវបានចែកចាយនៅភាគឦសានទាប (១៤.០២%) ខាងកើត (៨.២៩%) ខាងជើងទាប (៧.៦៩%) បាងកក (៥.២១%) ភាគឦសាន (៥.០១%) ខាងជើងខាងលើ (៣.៨៥%) និង ខេត្តជាប់ព្រំដែនភាគខាងត្បូងចំនួន ៣ (៣,៣១%)។
ជាមួយគ្នានេះដែរ អ្នកគាំទ្រលោកប្រាយុទ្ធ ក្នុងចំណោមអ្នកឆ្លើយសំណួរចំនួន ៣៩,៦៨៧ អាចត្រូវបានបែងចែកដូចាងក្រោម៖
-ភេទ៖ ៦០.០២% នៃអ្នកគាំទ្រលោកប្រាយុទ្ធគឺជាស្ត្រី,៣៩.៩៧%បុរស និង ០.០១% LGBT(ស្រលាញ់ភេទដូចគ្នា) ។
-អាយុ៖ ភាគច្រើននៃអ្នកគាំទ្រលោកប្រាយុទ្ធ គឺស្ថិតក្នុងក្រុមអាយុ ៦១-៧៥ (៣៧.៩៧%) បន្ទាប់មកគឺ ៤៦-៦៥ ឆ្នាំ (៣២.២២%), ៧៦ និងចាស់ជាងនេះ (១១.៣១%), ៣៦-៤៥ (៨.៩២%), ២៦-៣៥ (៦.៧១%) និង ១៨-២៥ (២.៩៨%) ។
-ការអប់រំ៖ ជាងពាក់កណ្តាលនៃអ្នកឆ្លើយសំណួរដែលពេញចិត្តលោកប្រាយុទ្ធ ជានាយករដ្ឋមន្ត្រី មានការអប់រំកម្រិតបឋមសិក្សា/ទាប (៥៣.១៧%) បន្ទាប់មកគឺថ្នាក់ទី ៧-៩ (១៣.១២%) ថ្នាក់ទី ១០-១២(១១.៦៣%) បរិញ្ញាបត្រ (១០.៣១%) ។ សាលាវិជ្ជាជីវៈ (៥.៩០%) សញ្ញាប័ត្រ (៥.២១%) និងលើសពីបរិញ្ញាបត្រ (០.៦៥%) ។
-អាជីព៖ ជាម្ចាស់អាជីវកម្មដោយខ្លួនឯង ឯករាជ្យ គឺជាអ្នកគាំទ្រដ៏ធំបំផុតរបស់លោកប្រាយុទ្ធ ក្នុងចំណោមអ្នកឆ្លើយតប (៣៩.០៨%) បន្ទាប់មកដោយស្ត្រីមេផ្ទះ អ្នកអត់ការងារធ្វើ និងចូលនិវត្តន៍ (៣៤.៣៣%) មន្ត្រីរដ្ឋ (៦.៣២%) បុគ្គលិកនៃក្រុមហ៊ុនឯកជន (២.០៣%) និងសិស្ស (០.៦២%) ៕
ប្រែសម្រួល៖ សាង ស្រីល័ក្ខ
ចុចអាន៖កូនស្រីលោក ថាក់ស៊ីន ថា បក្សភឿថៃ ដាច់ខាតមិនបង្កើតរដ្ឋាភិបាលចម្រុះជាមួយមេដឹកនាំរដ្ឋប្រហារឡើយ
-
ព័ត៌មានអន្ដរជាតិ២៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ