សន្តិសុខសង្គម
ករណីភ្លើងឆេះអគារកម្ពស់ ២៥ ជាន់ កំពុងសាងសង់នៅក្រុងព្រះសីហនុ សមត្ថកិច្ចប្រើប្រាស់រថយន្ត ១៣ គ្រឿង បាញ់ទឹកអស់ ៤១ ឡាន
ព័ត៌មានពិស្ដារ ៖ ករណីភ្លើងឆេះអគារកម្ពស់ ២៥ ជាន់ កំពុងសាងសង់ កាលពីវេលាម៉ោង ៦ ល្ងាចម្សិលមិញ បើយោងតាមរបាយការណ៍សមត្ថកិច្ច បានឲ្យដឹងថា ក្នុងប្រតិបត្តិការបាញ់ទឹកពន្លត់អគ្គិភ័យនេះ ក្រុមសមត្ថកិច្ចចម្រុះ បានប្រើប្រាស់រថយន្តពន្លត់អគ្គិភ័យ សរុបចំនួន ១៣ គ្រឿង បាញ់ទឹក ៤១ ឡាន និងឡានជណ្ដើរ ០១ គ្រឿង។
ក្នុងនោះរថយន្តស្នងការដ្ឋាននគរបាលខេត្តព្រះសីហនុ ចំនួន ៣ គ្រឿង បាញ់ទឹកអស់ ១០ ឡាន ៖
-រថយន្តមូលដ្ឋានកងរាជអាវុធហត្ថក្រុងព្រះសីហនុ ចំនួន ០១ គ្រឿង បាញ់ទឹកអស់ ០១ ឡាន។
-រថយន្តបញ្ជាការដ្ឋានកងរាជអាវុធហត្ថខេត្តព្រះសីហនុ ចំនួន ០១ គ្រឿង អស់ទឹក ០៣ ឡាន។
-រថយន្ត international airport ចំនួន ០២ គ្រឿង អស់ទឹក ០៥ ឡាន។
-រថយន្តកងសង្គ្រោះ ៧១១ ចំនួន ០៣ គ្រឿង អស់ទឹក ០៧ ឡាន។
-រថយន្តសាធារណការ និងដឹកជញ្ជូន ចំនួន ០១ គ្រឿង អស់ទឹក ០២ ឡាន។
-រថយន្តកំពង់ផែស្វយ័ត ចំនួន ០២ គ្រឿង អស់ទឹក ១៣ ឡាន។
យោងតាមរបាយការណ៍សមត្ថកិច្ច បានឲ្យដឹងទៀតថា គ្រោះអគ្គិភ័យនេះបង្កការខូចខាតសម្ភារៈ ឆេះបន្ទប់អគារនៅជាន់ទី ០៥ ទាំងស្រុង។
ករណីនេះដែរ ក្រុមសមត្ថកិច្ចបានពន្លត់គ្រប់គ្រងបាននៅវេលាម៉ោង ២៣ និង ៣០ នាទីយប់ ថ្ងៃដដែល។ ហើយករណីនេះ មិនមានការឆេះរាលដាលបន្ត និងមិនមានគ្រោះថ្នាក់ដល់មនុស្សឡើយ។
សមត្ថកិច្ចថា ចំពោះមូលហេតុដែលបង្កឲ្យកើតមានគ្រោះអគ្គិភ័យនេះមិនទាន់ដឹងនោះទេ ពេលនេះក្រុមសមត្ថកិច្ចជំនាញ កំពុងបើកការស្រាវជ្រាវ។
សូមបញ្ជាក់ថា កាលពីវេលាម៉ោង ១៨ និង ០០ នាទីល្ងាច ថ្ងៃទី ២៣ ខែមេសា ឆ្នាំ ២០២៣ មានករណីគ្រោះអគ្គិភ័យឆាបឆេះអគារកំពុងសាងសង់មួយកន្លែង ឈ្មោះកំពង់ដេវ៉ា ២៥ ជាន់ (ឆេះជាន់ទី ៥) តាមបណ្ដោយវិថីសែនជ័យទៅវត្តអូរត្រេះ (ផ្លូវអាឡាំងឌឺឡុងចាស់) ស្ថិតនៅក្រុម ១៧ ភូមិ ៥ សង្កាត់លេខ ៤ ក្រុង/ខេត្តព្រះសីហនុ៕
អត្ថបទ ៖ ស៊ុយ ចាន់ធា
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម២ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន ចំណាយជាង ២៦ពាន់លានដុល្លារ ស្វែងរកវិធីពន្យារជីវិត