ព័ត៌មានជាតិ
រកឃើញបេក្ខភាពសមាជិក ប.ស.ស ឆ្នើម ២០២៣ ចំនួន ៤២ រូប ឈានទៅប្រកួតវគ្គផ្ដាច់ព្រ័ត្រ នៅថ្ងៃទី ១ ឧសភា ខាងមុខ
បេក្ខភាពសមាជិក ប.ស.ស. ឆ្នើម ២០២៣ ចំនួន ៤២ រូប មកពីតាមបណ្ដារោងចក្រសហគ្រាសនានា ក្នុងនោះមានបេក្ខជន ២១ រូប និងបេក្ខនារី ២១ រូប បានជាប់ក្នុងវគ្គពាក់កណ្ដាលផ្ដាច់ព្រ័ត្រ នឹងឈានទៅប្រកួតប្រជែងក្នុងវគ្គផ្ដាច់ព្រ័ត្រដណ្ដើមយកជ័យលាភីនៅថ្ងៃទី ១ ខែឧសភា ឆ្នាំ ២០២៣ ខាងមុខនេះ។
![](https://www.kampucheathmey.com/wp-content/uploads/2023/04/photo_2023-04-24_09-12-56-3-1024x682.jpg)
លោកបណ្ឌិត ហេង សុផាន់ណារិទ្ធ អគ្គនាយករងបេឡាជាតិសន្តិសុខសង្គម (ប.ស.ស.) និងជាប្រធានក្រុមការងាររៀបចំកម្មវិធី “សមាជិក ប.ស.ស. ឆ្នើម ២០២៣” បានបង្ហាញការសាទរចំពោះបេក្ខភាពសមាជិក ប.ស.ស. ឆ្នើម ២០២៣ ទាំង ៤២ រូប ដែលបានជាប់មកដល់វគ្គផ្ដាច់ព្រ័ត្រ និងបានផ្ដាំផ្ញើទៅបេក្ខភាពទាំងអស់ ត្រូវខិតខំហាត់រៀនទៅតាមគ្រូបង្វឹក និងត្រូវថែរក្សាសុខភាពឲ្យបានល្អប្រសើរ ដើម្បីត្រៀមខ្លួនសម្រាប់ការឡើងបង្ហាញសមត្ថភាពប្រកួតប្រជែងក្នុងវគ្គផ្ដាច់ព្រ័ត្រ ដែលនឹងប្រព្រឹត្តទៅនៅថ្ងៃទី ១ ខែឧសភា ឆ្នាំ ២០២៣ ខាងមុខនេះ។
![](https://www.kampucheathmey.com/wp-content/uploads/2023/04/photo_2023-04-24_09-12-56-4-1024x682.jpg)
មុននឹងឈានដល់ប្រកួតប្រជែងក្នុងវគ្គផ្ដាច់ព្រ័ត្រ កាលពីរសៀលថ្ងៃទី ២៣ មេសា បេក្ខភាពសមាជិក ប.ស.ស. ឆ្នើម ២០២៣ ទាំង ៤២ រូប ទួលបានដំណើរកម្សាន្តជុំគ្នាទៅកាន់ទីតាំងសំខាន់ៗ ចំនួន ៣ ក្នុងរាជធានីភ្នំពេញ ដែលរួមមាន ព្រះបរមរាជវាំង សារមន្ទីរជាតិ និងវិមានឈ្នះឈ្នះ។
![](https://www.kampucheathmey.com/wp-content/uploads/2023/04/photo_2023-04-24_09-12-56-2-1024x682.jpg)
លោកបណ្ឌិតអគ្គនាយករង បានបញ្ជាក់ថា ការរៀបចំឲ្យមានដំណើរទស្សនកិច្ចជុំគ្នានៅពេលនេះ គឺដើម្បីបង្កើនភាពស្និទ្ធស្នាល បង្កើនការចាប់អារម្មណ៍ និងយល់ដឹងអំពីប្រវត្តិទីកន្លែងសំខាន់ៗ ជាប្រវត្តិសាស្ត្រ ព្រមទាំងទទួលបានចំណេះដឹងថ្មីៗ ផងដែរ មុននឹងឈានដល់ការប្រកួតប្រជែងផ្ដាច់ព្រ័ត្រ នៅថ្ងៃទី ១ ខែឧសភា ឆ្នាំ ២០២៣ ខាងមុខនេះ។
![](https://www.kampucheathmey.com/wp-content/uploads/2023/04/photo_2023-04-24_09-12-55-1024x777.jpg)
គួរបញ្ជាក់ថា កម្មវិធីសមាជិក ប.ស.ស. ឆ្នើម ២០២៣ នេះ បេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្ដុះបណ្ដាលវិជ្ជាជីវៈ សហការជាមួយសមាគមវាយនភណ្ឌសម្លៀកបំពាក់ ស្បែកជើង និងផលិតផលធ្វើដំណើរនៅកម្ពុជា (TAFTAC) សហភាពសហព័ន្ធយុវជនកម្ពុជា (សសយក) អគ្គនាយកដ្ឋានវិទ្យុ និងទូរទស្សន៍បាយ័ន និងអង្គការសហជីព ដើម្បីអបអរសាទរខួបអនុស្សាវរីយ៍លើកទី ១៣៧ ទិវាពលកម្មអន្តរជាតិ ១ ឧសភា៕
អត្ថបទ ៖ សំអឿន
-
ជីវិតកម្សាន្ដ១ សប្តាហ៍ ago
ពិធីករម្នាក់ រងការរិះគន់យ៉ាងចាស់ដៃទង្វើខ្វះសីលធម៌ អង្គុយគងអន្ទាក់ខ្លាពេលសម្ភាសន៍អ្នកនិពន្ធ សុខ ចាន់ផល
-
ជីវិតកម្សាន្ដ២ ថ្ងៃ ago
ពូ ណុយ និង យ៉ែម ស្រីពេជ្រ ត្រៀមចូលរោងការដើមខែក្រោយ
-
ព័ត៌មានជាតិ៦ ថ្ងៃ ago
មន្ត្រីគាំទ្រគម្រោងព្រែកជីកហ្វូណនម្នាក់ ចោទសួរ The Cambodia Daily ហេតុអ្វីផ្សាយព័ត៌មានប្រឆាំងប្រយោជន៍ជាតិ?
-
ព័ត៌មានអន្ដរជាតិ២ ថ្ងៃ ago
មូលហេតុ ៣ ដែលអធិរាជ ឈានឡុង នៃរាជវង្ស Qing បញ្ជាឲ្យកាត់ក្បាលគ្រូទាយល្បីម្នាក់
-
ជីវិតកម្សាន្ដ១ សប្តាហ៍ ago
តារារ៉េប Ricky ScoTt ទម្លាយរឿងនារីម្នាក់ត្រូវ Rappersល្បីឈ្មោះ២រូបបៀតបៀនផ្លូវភេទ
-
ព័ត៌មានអន្ដរជាតិ១ សប្តាហ៍ ago
៥០ ឆ្នាំមកនេះ បុរាណវិទូ ចិន នៅតែឈឺចាប់ ក្រោយកំណាយឃើញទ័ពដីឥដ្ឋអធិរាជ ឈិនស៊ី
-
ព័ត៌មានជាតិ១២ ម៉ោង ago
Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា
-
ព័ត៌មានជាតិ៦ ថ្ងៃ ago
សត្វព្រៃដែលបាត់វត្តមានចាប់ពី ៣០ ឆ្នាំ ទើបប្រកាសថាផុតពូជពីដែនព្រៃធម្មជាតិ