ព័ត៌មានជាតិ
ខេត្តប៉ៃលិន គ្រោងដាំដើមផ្កាក្ងោក ១ ពាន់ដើមបន្ថែម លើកកម្ពស់សោភ័ណភាព ទាក់ទាញភ្ញៀវជាតិ និងអន្តរជាតិ
រដ្ឋបាលខេត្តប៉ៃលិន គ្រោងនឹងដាំដើមផ្កាក្ងោក ចំនួន ១ ពាន់ដើមបន្ថែម ដើម្បីលើកកម្ពស់សោភ័ណភាពស្រស់បំព្រង សំដៅទាក់ទាញភ្ញៀវជាតិ និងអន្តរជាតិ មកកម្សាន្តក្នុងខេត្ត ឲ្យបានកាន់តែច្រើនឡើង។
ក្នុងឱកាសដឹកនាំក្រុមការងារចុះពិនិត្យមើលដើមផ្កាក្ងោក ចំនួន ៨០០ ដើម ដែលរដ្ឋបាលខេត្តបានដាំរយៈពេលជាង ២ ឆ្នាំ នៅអមតាមដងផ្លូវនានាក្នុងខេត្ត កាលពីចុងខែឧសភានេះ លោកស្រី បាន ស្រីមុំ អភិបាលខេត្តប៉ៃលិន បានមានប្រសាសន៍ថា «នៅថ្ងៃអនាគត កូនឈើ និងដើមផ្ការាប់ពាន់ដើម នឹងត្រូវបានដាំតាមទីសាធារណៈ និងអមសងខាងផ្លូវទូទាំងខេត្ត ដូច្នេះអំពាវនាវឲ្យមានការ ចូលរួមពីសំណាក់ប្រជាពលរដ្ឋ និងគ្រប់មជ្ឈដ្ឋានទាំងអស់ ហើយរួមគ្នាថែទាំ ដើម្បីលើកកម្ពស់សោភ័ណភាព និងបង្កើតជាគម្របបរិស្ថានបៃតងក្នុងខេត្ត»។
លោកស្រីអភិបាលខេត្ត បានបន្តថា បច្ចុប្បន្ន រដ្ឋបាលខេត្តប៉ៃលិន បានខិតខំកែលម្អហេដ្ឋារចនាសម្ព័ន្ធសាធារណៈនានា រួមទាំងការដាំដើមឈើ ការដាំផ្កាលំអបន្ថែម និងការថែទាំ ព្រមទាំងការកែលម្អហេដ្ឋារចនាសម្ព័ន្ធសួនច្បារ ឲ្យបានកាន់តែល្អឡើង ដើម្បីឆ្លើយតបទៅនឹងតម្រូវការរបស់ប្រជាពលរដ្ឋលើផ្នែក បរិស្ថាន សុខភាព ក៏ដូចជាបន្ថែមក្រវាត់ពណ៌បៃតងក្នុងទីក្រុង ប្រកបដោយសោភ័ណភាពស្រស់បំព្រង ក្នុងការទាក់ទាញភ្ញៀវជាតិ និងអន្តរជាតិ មកកម្សាន្តក្នុងខេត្តប៉ៃលិនឲ្យបានកាន់តែច្រើនឡើង។ ក្នុងនោះ ជាកត្តាមួយចូលរួមចំណែកក្នុងការជំរុញកំណើនសេដ្ឋកិច្ចជីវភាពរបស់ប្រជាពលរដ្ឋឲ្យបានកាន់តែប្រសើរឡើង។
លោកស្រីអភិបាលខេត្ត បានបន្តទៀតថា «ជាក់ស្ដែងនៅថ្ងៃនេះ ខ្ញុំ បានដឹកនាំក្រុមការងារចុះពិនិត្យមើលដើមផ្កាក្ងោក ចំនួន ៨០០ ដើម ដែលរដ្ឋបាលខេត្តបានដាំរយៈពេលជាង ២ ឆ្នាំ នៅអបតាមដងផ្លូវនានា ក្នុងខេត្ត ហើយបច្ចុប្បន្នកំពុងតែបញ្ចេញសម្រស់ និងសោភ័ណភាពជាបណ្តើរៗ និងសង្ឃឹមថា នៅឆ្នាំក្រោយ ដើមផ្កាក្ងោក នេះ កាន់តែបញ្ចេញសម្រស់ស្រស់ស្អាតពាសពេញទីរួមខេត្ត»។
លោកស្រីអភិបាលខេត្ត បានបញ្ជាក់ថា រដ្ឋបាលខេត្ត គ្រោងដាំដើមផ្កាក្ងោកនេះ ចំនួន ១០០០ ដើម បន្ថែមទៀតផងដែរ នៅតាមទីសាធារណៈ និងអមសងខាងដងផ្លូវនានា។
លោកស្រីអភិបាលខេត្ត បានថ្លែងអំណរគុណចំពោះក្រុមការងារ មន្ត្រីជំនាញ និងពុកម៉ែបងប្អូនកូនក្មួយទាំងអស់ ដែលបានចូលរួមចំណែកយ៉ាងសំខាន់ ជួយថែរក្សាបរិស្ថានល្អ ជាពិសេសផ្នែកអនាម័យ សំរាម បានយ៉ាងល្អស្អាត សក្ដិសមជាទីក្រុងស្អាតគំរូ ហើយសូមចូលរួមបន្តថែរក្សា វប្បធម៌ដ៏ល្អប្រពៃផូរផង់នេះជារៀងរហូត ដើម្បីទីក្រុងស្អាត បរិស្ថានល្អ សុខភាពមាំមួន៕
អត្ថបទ ៖ សំអឿន
-
ព័ត៌មានអន្ដរជាតិ១២ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
កីឡា៣ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ