អាជ្ញាធររាជធានីនឹងចុះរុះរើកាត់ទម្លាក់ខ្សែកាបនៅផ្លូវត្រសក់ផ្អែម

ក្នុងរយៈពេលពីរសប្ដាហ៍ទៀត ក្រុមការងារចម្រុះរបស់រដ្ឋបាលរាជធានីភ្នំពេញនឹងបន្តចុះធ្វើការរៀបចំសណ្តាប់ធ្នាប់បណ្តាញខ្សែកាបអាកាស និងកាត់ទម្លាក់ចេញនូវបណ្ដាញដែលគ្មានសណ្ដាប់ធ្នាប់នៅខាងមុខក្បាលដីលេខ ១២៦ ផ្លូវព្រះត្រសក់ផ្អែម (ផ្លូវលេខ ៦៣) កែងផ្លូវលេខ ១៧២ ភូមិ១១ សង្កាត់ផ្សារថ្មីទី៣ ខណ្ឌដូនពេញ។

សេចក្តីជូនដំណឹងរបស់រដ្ឋបាលរាជធានីភ្នំពេញបានឱ្យដឹងថា៖ «ដើម្បីរៀបចំសណ្តាប់ធ្នាប់បណ្តាញខ្សែកាបអាកាសគ្រប់ប្រភេទនៅតាមដងផ្លូវ ក្នុងរាជធានីភ្នំពេញឱ្យល្អប្រសើរ និងលើកកម្ពស់សោភ័ណភាពរាជធានីភ្នំពេញឱ្យកាន់តែល្អស្រស់បំព្រងសក្តិសមជាបេះដូងនៃព្រះរាជាណាចក្រកម្ពុជា ក្រុមការងារចម្រុះរបស់រដ្ឋបាលរាជធានីភ្នំពេញនឹងបន្តចុះធ្វើការរៀបចំសណ្តាប់ធ្នាប់បណ្តាញខ្សែកាបអាកាស និងកាត់ទម្លាក់ចេញនូវបណ្ដាញដែលគ្មានសណ្ដាប់ធ្នាប់នៅខាងមុខក្បាលដីលេខ ១២៦ ផ្លូវព្រះត្រសក់ផ្អែម កែងផ្លូវលេខ ១៧២ ភូមិ១១ សង្កាត់ផ្សារថ្មីទី៣ ខណ្ឌដូនពេញ»។

រដ្ឋបាលរាជធានីក៏អំពាវនាវឱ្យប្រជាពលរដ្ឋ ម្ចាស់អាជីវកម្ម អង្គភាពរដ្ឋ និងបណ្តាក្រុមហ៊ុនឯកជនទាំងអស់ ដែលកំពុងប្រើប្រាស់បណ្តាញខ្សែកាបអាកាសនៅតាមផ្លូវទាំង ២ខ្សែ ប្រញាប់រុះរើចេញក្នុងរយៈពេល ០២សប្ដាហ៍ គិតចាប់ពីថ្ងៃជូនដំណឹង៕

អត្ថបទ៖ ស្រីរ័ត្ន