នយោបាយ
ប្រធានសភាជំរុញសមាជិកអាស៊ានការពារប្រព័ន្ធរបស់អង្គការសហប្រជាជាតិក្នុងកិច្ចប្រជុំ AIPA Caucus
ប្រធានសភាកម្ពុជា សម្ដេចសភាធិបតី ឃួន សុដារី បានរម្លឹកពីភាពចាំចាប់ក្នុងការគោរពធម្មនុញ្ញអង្គការសហប្រជាជាតិ និងការពារប្រព័ន្ធអង្គការសហប្រជាជាតិដើម្បីធានានូវសណ្ឋាប់ធ្នាប់អន្តរជាតិផ្អែកលើច្បាប់។ ការលើកឡើងនេះស្របពេលដែលកម្ពុជាបានប្ដឹងថៃករណីព្រំដែន៤ចំណុចទៅកាន់តុលាការយុត្តិធម៌អន្តរជាតិ។
ថ្លែងក្នុងពិធីបើកកិច្ចប្រជុំកិច្ចប្រជុំអ្នកនយោបាយអាយប៉ាលើកទី១៦ នៅសាលាសន្និសីទសភាព្រឹកថ្ងៃទី១៥ ខែកក្កដា ឆ្នាំ២០២៥នេះ សម្ដេចសភាធិបតី ឃួន សុដារី បានលើកឡើងថា វាជាការចាំបាច់បំផុតដែលអាស៊ានត្រូវរក្សាគុណតម្លៃ និងគោលការណ៍រួមរបស់ខ្លួន ត្រូវក្លាហានប្រឆាំងនិងឯកតោភាគីនិយមដើម្បីលើកម្ពស់សន្ដិភាពក្នុងតំបន់។
សម្ដេចបន្ថែមថា ការគោរពដល់ធម្មនុញ្ញអង្គការសហប្រជាជាតិ និងការពារប្រព័ន្ធអង្គការសហប្រជាជាតិក៏ជារឿងសំខាន់ដែរក្នុងពេលដែលពិភពកំពុងប្រឈមមុខនឹងការប្រកួតប្រជែងភូមិសាស្ត្រនយោបាយ ការបែកខ្ញែក វិវាទអធិបតេយ្យ និងជម្លោះប្រដាប់អាវុធដូចបច្ចុប្បន្ននេះ។
សម្ដេចថា៖ «យើងត្រូវរួមគ្នាច្រានចោលនូវ ឯកតោភាគីនិយម ឥរិយាបទអនុត្តរភាព និងការគាំពារនិយម ដែលធ្វើឱ្យអន្តរាយដល់ អភិបាលកិច្ចសកល និងច្បាប់អន្តរជាតិ ជាពិសេសប្រព័ន្ធពាណិជ្ជកម្មអន្តរជាតិ ដែល ផ្អែកលើច្បាប់។ យើងត្រូវមានភាពរឹងមាំ និងសេចក្តីក្លាហាន ដើម្បីការពារគោលបំណង និងគោលការណ៍នៃធម្មនុញ្ញអង្គការសហប្រជាជាតិឱ្យបានខ្ជាប់ខ្ជួន»។
ការលើកឡើងរបស់សម្ដេចប្រធានសភានៅពេលនេះស្របពេលដែលបញ្ហាព្រំដែនកម្ពុជា-ថៃកំពុងកើនកម្ដៅ ហើយកម្ពុជាបានសម្រេចយកបញ្ហាប្រាសាទតាមាន់ធំ តាមាន់តូច តាក្របី និងតំបន់មុំបីទៅកាន់តុលាការយុត្តិធម៌អន្តរជាតិដើម្បីដោះស្រាយ ខណៈថៃប្រកាសថាមិនទទួលស្គាល់យុត្តាធិការរបស់តុលាការដែលជាប្រព័ន្ធរបស់អង្គការសហប្រជាជាតិមួយនេះទេ។
ប្រទេសថៃជាប្រទេសចុះហត្ថលេខានឹងដៃ តែលុបវិញនឹងជើង ដោយបានបំពានដល់អនុស្សារណៈរបស់ខ្លួនបានចុះហត្ថលេខាជាមួយកម្ពុជាឆ្នាំ២០០០ ដែលព្រមព្រៀងជាក្នុងការទទួលយកសន្ធិសញ្ញាបារាំង-សៀមឆ្នាំ១៩០៤ និង១៩០៧ មកដោះស្រាយព្រំដែន តែជាក់ស្ដែងថៃបានយកផែនទីដែលគូសដោយខ្លួនឯងមកប្រើប្រាស់ទៅវិញ។
ជាង១ខែហើយដែលកម្ពុជាមានភាពតានតឹងព្រំដែនជាមួយគ្នាបន្ទាប់ពីថៃបានលួចចូលដីខ្មែរបាញ់សម្លាប់ទាហានខ្មែរម្នាក់កាលពីថ្ងៃទី២៨ ខែឧសភា និងបង្ករឿងលើព្រំដែនជាបន្តបន្ទាប់រហូតដល់បិទព្រំដែនដោយខ្លួនឯងកាលពីថ្ងៃទី៧ ខែមិថុនា ថែមទៀត ខណៈកម្ពុជាបានឆ្លើយតបទៅវិញជាបន្តបន្ទាប់ទាំងផ្លូវតុលាការអន្តរជាតិ នយោបាយ សេដ្ឋកិច្ច និងយោធា៕
អត្ថបទដោយ ហ៊ុន សិរីវឌ្ឍន៍
ប្រធានសភាជំរុញសមាជិកអាស៊ានការពារប្រព័ន្ធរបស់អង្គការសហប្រជាជាតិក្នុងកិច្ចប្រជុំ AIPA Caucus
ប្រមុខការពារជាតិ ទៀ សីហា ហួសចិត្តចំពោះករណីជនកំសាកថៃ លួចដាល់កងទ័ពខ្មែរនៅប្រាសាទតាមាន់ធំ
ស្រ្តីចិនម្នាក់ ឈប់រៀនតាំងពីជំទង់ដើម្បីរកលុយជួយឪពុកម្ដាយពិការ ទទួលការសរសើរទឹកចិត្តធំធេង
ត្រឡប់ត្រឡិន! អនុរដ្ឋមន្ត្រីការពារជាតិថៃនិយាយផ្សេង មេភូមិភាគ២ និយាយផ្សិង រឿងសង់របង
ជនជាតិមីយ៉ាន់ម៉ានៅប្រទេសថៃ កំពុងប្រឈមនឹងការរំលោភបំពាន
អាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ
CMAC រកឃើញអាវុធវែង៥២ដើមកប់ទុកក្នុងដីបម្រើឲ្យសមរភូមិកាលពីសម័យសង្គ្រាម
មេភូមិភាគ២ថៃ ថា ជនកំសាកដែលលួចវាយទាហានកម្ពុជា ប្រហែលដោយសារទប់អារម្មណ៍មិនជាប់
មីយ៉ាន់ម៉ា បន្តទម្លាក់គ្រាប់បែកលើតំបន់ជាប់ព្រំដែនថៃ ស្លាប់អ្នកភូមិ២នាក់នៅខាងមីយ៉ាន់ម៉ា
សម្ដេចតេជោព្រមានពីសង្គ្រាមប្រសិនជាថៃហ៊ានធ្វើរបងព័ទ្ធប្រាសាទតាមាន់ធំ
-
ព័ត៌មានអន្ដរជាតិ៣ ថ្ងៃ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានជាតិ៥ ថ្ងៃ agoរុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានអន្ដរជាតិ១ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
ព័ត៌មានជាតិ១ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានជាតិ៦ ថ្ងៃ agoសមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៤ ថ្ងៃ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
សន្តិសុខសង្គម២៣ ម៉ោង agoអាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ
-
ព័ត៌មានអន្ដរជាតិ១ សប្តាហ៍ agoកាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ