សេដ្ឋកិច្ច

៥ ខែ ឆ្នាំ ២០២៣ ទុនវិនិយោគបរទេសលើវិស័យសំណង់នៅកម្ពុជាមានជាង ៦០០ លានដុល្លារ

បានផុស

៣ years មុន

នៅ

ថ្ងៃពុធ ២៨ មិថុនា ២០២៣

ដោយ

នៅក្នុងកិច្ចពិភាក្សាតុមូលស្ដីពី «ស្ថានភាពទីផ្សារអចលនទ្រព្យនៅកម្ពុជា» ដែលរៀបចំដោយរាជបណ្ឌិតសភា នៅថ្ងៃទី២៣ ខែមិថុនា ឆ្នាំ២០២៣ នេះ លោក ឡៅ ទិព្វសីហា រដ្ឋលេខាធិការក្រសួងរៀបចំដែនដី និងនគរោបនីយកម្ម បានមានប្រសាសន៍ថា គិតត្រឹមរយៈពេល ៥ ខែឆ្នាំ២០២៣ កម្ពុជាមានអ្នកវិនិយោគគិនបរទេសបោះទុនចូលវិនិយោគក្នុងវិស័យសំណង់មានទំហំទឹកប្រាក់ដល់ទៅជិត ៦00 លានដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឡៅ ទិព្វសីហា លើកឡើងថា ពាក់ព័ន្ធនឹងវិស័យទីផ្សារអចលនទ្រព្យនៅកម្ពុជាក្នុងពេលបច្ចុប្បន្ននេះ គឺប្រទេសកម្ពុជា ទទួលបានការចូលមកវិនិយោគដោយវិនិយោគគិនបរទេសប្រមាណ ៤១ គម្រោង បើគិតជាសាច់ប្រាក់ មានជិត ៦០០ លានដុល្លារអាមេរិក។

ប្រទេសដែលបានចូលខ្លួនមកបោះទុកវិនិយោគនៅកម្ពុជាផ្នែកវិស័យសំណង់ មានដូចជា ប្រទេសចិន, ជប៉ុន, កូរ៉េ, ថៃ, សិង្ហបុរី, ចក្រភពអង់គ្លេស, ម៉ាឡេស៊ី, កាណាដា, វៀតណាម និងសហរដ្ឋអាមេរិកជាដើម។

រយៈពេល ៥ ខែឆ្នាំ ២០២៣ ក្រសួងរៀបចំដែនដី និងនគរោបនីយកម្ម បានផ្ដល់លិខិតអនុញ្ញាត និងក្របខ័ណ្ឌនៃការសាងសងទូទាំងប្រទេស លើការអនុវត្តន៍គម្រោងរហូត ១៤៦៣ គម្រោង ដែលមានផ្ទៃដីសរុបជាង ៥ លានម៉ែត្រការ៉េ។ ក្នុងនោះទុននៃការវិនិយោគ បើនិយាយជាលេខមូលមានរហូតដល់ ២២៧០ លានដុល្លារអាមេរិក បើប្រៀបធៀបទៅនឹងរយៈពេល ៥ខែដូចគ្នា ទុកនៃការវិនិយោគនេះមានការកើនឡើងក្នុងរង្វង់ ១៣៨%៕

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា