ជីវិតកម្សាន្ដ

តួឯកផ្នែកតួអង្គនាងប្រចាំព្រះបរមរាជវាំងទសវត្សរ៍ឆ្នាំទី ៦០-៧០ ទទួលមរណភាព ក្នុងវ័យ ៧៤ ឆ្នាំ

បានផុស

៣ years មុន

នៅ

ថ្ងៃអង្គារ ៤ កក្កដា ២០២៣

ដោយ

នេះជាដំណឹងមរណទុក្ខដ៏ក្រៀមក្រំ និងសោកសៅបំផុត សម្រាប់ក្រុមគ្រួសារ ព្រមទាំងសិល្បករ-សិល្បការិនី ខណៈលោកស្រី ម៉ិញ កុសនី រដ្ឋលេខាធិការក្រសួងវប្បធម៌ និងវិចិត្រសិល្បៈ ដែលជាតួឯកផ្នែកតួអង្គនាងប្រចាំព្រះបរមរាជវាំងទសវត្សរ៍ឆ្នាំទី ៦០-៧០ ទទួលមរណភាពក្នុងវ័យ ៧៤ ឆ្នាំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការបង្ហោះនៅលើផេក”វប្បធម៌ខ្មែរ” បានឲ្យដឹងថា «យើងខ្ញុំទាំងអស់គ្នា ដែលជាអ្នកស្នេហាសិល្បៈបុរាណរបាំព្រះរាជទ្រព្យ មានសេចក្ដីសោកសង្រេងជាខ្លាំង រកទីប្រដូចគ្មាន ចំពោះការទទួលមរណភាពរបស់វីរៈសិល្បការិនី លោកជំទាវ ម៉ិញ កុសនី រដ្ឋលេខាធិការក្រសួងវប្បធម៌ និងវិចិត្រសិល្បៈ ដែលជាតួឯកផ្នែកតួអង្គនាងប្រចាំព្រះបរមរាជវាំង ទ.វឆ្នាំទី ៦០-៧០ ប្លាយ សម័យសម្ដេចព្រះមហាក្សត្រិយានី និងសម័យសាធារណរដ្ឋខ្មែរ»។

ប្រភពបានបញ្ជាក់ថា លោកស្រី ម៉ិញ កុសនី បានទទួលមរណភាពនៅព្រឹកថ្ងៃអង្គារ ទី ០៤ ខែកក្កដា ឆ្នាំ ២០២៣ នេះ នាគេហដ្ឋានរបស់លោកស្រី ដោយរោគាពាធ ក្នុងជន្មាយុ ៧៤ ឆ្នាំ។

តាមរយៈដំណឹងមរណភាពរបស់អ្នកសិល្បៈជើងចាស់ខាងលើនេះ ភ្លាមៗនោះឃើញមានអ្នកគាំទ្រ ព្រមទាំងសិល្បករ-សិល្បការិនីចាស់ក្មេង បានសម្ដែងក្ដីរន្ធត់តក់ស្លុតចិត្តជាខ្លាំងចំពោះការបាត់បង់ធនធានវីរៈសិល្បករដ៏មានតម្លៃ និងទេពកោសល្យផ្នែករបាំព្រះរាជទ្រព្យរូបនេះ។ ក្នុងនោះក៏មានការផ្ញើសារចូលរួមរំលែកទុក្ខគ្រប់ៗគ្នា ជាមួយក្រុមគ្រួសារលោកស្រីផងដែរ៕

អត្ថបទ ៖ ចាន់រ៉ា

Related Topics:លោកស្រី ម៉ិញ កុសនី មរណភាព

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា