ព័ត៌មានអន្ដរជាតិ

ស្ត្រី អាមេរិក ស្លាប់ដោយសារផឹកទឹកជិត២លីត្រក្នុងពេល ២០ នាទី

បានផុស

៣ years មុន

នៅ

ថ្ងៃសៅរ៍ ៥ សីហា ២០២៣

ដោយ

ស្ត្រីអាមេរិកម្នាក់មានឈ្មោះថា Ashley Summers អាយុ ៣៥ ឆ្នាំជាម្តាយដែលមានកូនពីរនាក់មកពីរដ្ឋ Indiana បានស្លាប់ដោយសារការពុលទឹក។ បន្ទាប់ពីផឹកទឹក ១.៨៩ លីត្រក្នុងរយៈពេលត្រឹមតែ ២០ នាទីប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រឿងនេះបានកើតឡើង ខណៈពេលគាត់ធ្វើដំណើរទៅប្រារព្ធទិវាឯករាជ្យរបស់សហរដ្ឋអាមេរិកនៅ Freeman Lake ក្នុងរដ្ឋ Indiana។ នៅថ្ងៃចុងក្រោយនៃការធ្វើដំណើរ គាត់មានអារម្មណ៍ឈឺចាប់និងវិលមុខ រហូតឈានដល់រោគសញ្ញានៃការខះជាតិទឹក ទើបបង្ខំខ្លួនឯងឲ្យផឹកទឹករហូតដល់ ២លីត្រ។

នៅពេលដែលលោកស្រី Summers មកដល់ផ្ទះ ស្រាប់តែដួលសន្លប់ក្នុងចំណតរថយន្ត និងការហើមខួរក្បាលធ្ងន់ធ្ងរ ហើយបាត់បង់ស្មារតីភ្លាមៗតែម្ដង។ ក្រោយពេលបញ្ជូនទៅមន្ទីរពេទ្យ វេជ្ជបណ្ឌិតបានធ្វើរោគវិនិច្ឆ័យរោគសញ្ញានៃការពុលទឹក។ ដោយសារតែមានជាតិទឹកច្រើនពេកនៅក្នុងខ្លួន និងមិនមានជាតិសូដ្យូមគ្រប់គ្រាន់។

ជាមួយគ្នានេះដែរក្រុមគ្រូពេទ្យបាននិយាយថា នេះអាចកើតឡើងចំពោះមនុស្សដែលផឹកច្រើនជាងតម្រូវការរាងកាយរបស់ពួកគេក្នុងរយៈពេលដ៏ខ្លី។ វាបណ្តាលឲ្យមានអតុល្យភាពនៃអេឡិចត្រូលីត និងទឹកនៅក្នុងរាងកាយ ជាពិសេសសូដ្យូម ដែលដើរតួយ៉ាងសំខាន់ក្នុងការរក្សាទំនាក់ទំនងរវាងកោសិកា តាមរយៈចរន្តអគ្គិសនីនៅក្នុងខ្លួន៕

ប្រែសម្រួល៖ សាង ស្រីល័ក្ខ

ប្រភព៖Sanook

ចុចអាន៖ដង្កូវមូលរស់ឡើងវិញ ក្រោយងាប់នៅក្នុងស្រទាប់ដីកកអស់រយៈពេល ៤៦,០០០ ឆ្នាំ

Related Topics:សហរដ្ឋអាមេរិក រឿងរ៉ាវប្លែកៗ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា