កីឡា
ប្រវត្តិកីឡាករ Nabati ដៃគូរបស់ ផល សោភ័ណ្ឌមិនធ្លាប់ចាញ់សោះ
កីឡាករប្រដាល់គុនខ្មែរ ផល សោភ័ណ្ឌ នឹងទៅប្រកួតជាមួយកីឡាកររុស្ស៊ីឈ្មោះ Kiamran Nabati នៅកម្មវិធី Fair Fight នៅថ្ងៃទី១៨ ខែសីហា ឆ្នាំ២០២៣ ក្នុងទីក្រុងមូស្គូ ប្រទេសរុស្ស៊ី។
លោក Tommy Kim អ្នកតំណាង IPCC ប្រចាំនៅប្រទេសកម្ពុជាបានទម្លាយឲ្យដឹងថា ៖«ការណាត់ជួបត្រូវបានកំណត់…ក្នុងនាមខ្ញុំតំណាងឲ្យ IPCC យើងនឹងបន្តការជួយជ្រោមជ្រែង និងលើកស្ទូយកីឡាប្រដាល់គុនខ្មែរទៅកាន់ឆាកអន្តរជាតិ។ ជួបគ្នាថ្ងៃទី១៨ ខែសីហា ឆ្នាំ២០២៨ នៅទីក្រុងមូស្គូ ប្រទេសរុស្ស៊ី»។
Kiamran Nabati ជាកីឡាករដែលមានបទពិសោធប្រកួតឃីកបុកស៊ីងមិនដែលចាញ់ និងធ្លាប់់ប្រកួតគុនចម្រុះ១ដងដែរ។ រូបគេមានអាយុ២៨ឆ្នាំ កម្ពស់ ១.៧៥ម៉ែត្រ ហើយអាវុធដែលគ្រោះថ្នាក់របស់គេគឺកណ្តាប់ដៃ និងជង្គង់។
តាមការប្រកាសរបស់ពិធីករក្នុងកម្មវិធីប្រដាល់ Fair Fight កាលពីថ្ងៃទី១០ ខែមិថុនា ឆ្នាំ២០២៣ កីឡាកររុស្ស៊ីរូបនេះមានប្រវត្តិប្រកួតឃីកបុកស៊ីង១៦ដង ក្នុងនោះឈ្នះទាំងអស់ និងមិនធ្លាប់ចាញ់ឡើយ។
ប្រវត្តិប្រកួត៦លើកដែលដឹងច្បាស់គឺ
- ឈ្នះកីឡាករចិន Gaofeng Meng ដោយពិន្ទុ ថ្ងៃទី១០ ខែមិថុនា ឆ្នាំ២០២៣
- ឈ្នះកីឡាករថៃ Suea Black ដោយសន្លប់ទឹកទី១ ថ្ងៃទី១៨ ខែកុម្ភៈ ឆ្នាំ២០២៣
- ឈ្នះកីឡាកររុស្ស៊ី Andrey Khomov ដោយសន្លប់ទឹកទី២ ថ្ងៃទី២៦ ខែវិច្ឆិកា ឆ្នាំ២០២២
- ឈ្នះកីឡាកររុស្ស៊ី Kirill Khomutov ដោយពិន្ទុ ថ្ងៃទី១៥ ខែកក្កដា ឆ្នាំ២០២២
- ឈ្នះកីឡាកររុស្ស៊ី Said Asatov ដោយពិន្ទុ ថ្ងៃទី១៥ ខែកក្កដា ឆ្នាំ២០២២
- ឈ្នះកីឡាកររុស្ស៊ី Mavlud Tuiev ដោយពិន្ទុ ថ្ងៃទី១២ ខែកុម្ភៈ ឆ្នាំ២០២២
- ឈ្នះកីឡាករអ៊ុយក្រែន Valeriy Abramenko ដោយសន្លប់ទឹកទី១ ថ្ងៃទី១ ខែឧសភា ឆ្នាំ២០១៩
រូបគេមិនធ្លាប់មានប្រវត្តិប្រកួតនៅសង្វៀនធំ ONE Championship ទេ ប៉ុន្តែរូបគេជាម្ចាស់ខ្សែក្រវាត់ប្រចាំសង្វៀន Fair Fight តែម្តង។
បើពិនិត្យមើលវីដេអូបង្ហាញពីក្បាច់វ៉ៃរបស់គេគឺមិនមានអ្វីគួរឲ្យព្រួយបារម្ភខ្លាំងទេ ប៉ុន្តែអ្វីដែលត្រូវបារម្ភសម្រាប់កីឡាករ ផល សោភ័ណ្ឌ រឿងចាញ់ទឹកដីរបស់គេ៕
អត្ថបទ៖ វីរបុត្រ
-
ព័ត៌មានអន្ដរជាតិ១ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ