ព័ត៌មានអន្ដរជាតិ
លោកស្រី អ៊ុងសាន ស៊ូជី កំពុងមានជំងឺ ហើយយោធាបដិសេធមិនឲ្យយកពេទ្យពីខាងក្រៅមកព្យាបាលឡើយ
អតីតមេដឹកនាំដែលកំពុងជាប់ឃុំខ្លួនរបស់មីយ៉ាន់ម៉ាលោកស្រី អ៊ុងសាន ស៊ូជី កំពុងមានជំងឺ ខណៈសំណើសុំឲ្យគ្រូពេទ្យមកពីខាងក្រៅដើម្បីព្យាបាលលោកស្រីត្រូវបានបដិសេធដោយមេដឹកនាំយោធា ។ នេះបើយោងតាមរដ្ឋាភិបាលស្រមោលដែលស្មោះត្រង់នឹងលោកស្រី ។
ប្រភពដែលសុំមិនបញ្ចេញឈ្មោះបាននិយាយថា ម្ចាស់ជ័យលាភីណូបែលសន្តិភាពវ័យ ៧៨ ឆ្នាំរូបនេះកំពុងទទួលការព្យាបាលពីសំណាក់វេជ្ជបណ្ឌិតរបស់នាយកដ្ឋានពន្ធនាគារ បន្ទាប់ពីលោកស្រីមានអាការៈហើមអញ្ចាញធ្មេញមិនអាចញ៉ាំអាហារបានស្រួលនោះទេ ហើយលោកស្រីថែមទាំងវិលមុខ និងក្អួតផងដែរ ក្រោយពេលដែលលោកស្រីត្រូវបានផ្ទេរចេញពីពន្ធនាគារទៅឃុំខ្លួនក្នុងផ្ទះវិញនៅទីក្រុងណៃពិដោកាលពីកក្កដា ។
លោកស្រី ស៊ូជី កំពុងប្រឈមនឹងការឃុំខ្លួនរយៈពេល ២៧ ឆ្នាំ ពាក់ព័ន្ធនឹងបទចោទប្រកាន់ចំនួន ១៩ ករណីរាប់ចាប់ពីការញុះញង់ និងការក្លែងបន្លំការបោះឆ្នោត រហូតដល់អំពើពុករលួយ ខណៈលោកស្រីក៏បាននឹងកំពុងប្តឹងឧទ្ធរណ៍ប្រឆាំងនឹងយោធាវិញផងដែរ ។
គួរបញ្ជាក់ថា ប្រទេសមីយ៉ាន់ម៉ាផ្ទុះភាពចលាចល ចាប់តាំងពីដើមឆ្នាំ ២០២១ មកម្ល៉េះ នៅពេលដែលយោធាបានផ្តួលរំលំរដ្ឋាភិបាលជាប់ឆ្នោតរបស់លោកស្រី អ៊ុងសាន ស៊ូជី និងបង្ក្រាបក្រុមអ្នកប្រឆាំងនឹងយោធា ដោយមានទាំងការចាប់ខ្លួនដាក់ពន្ធនាគារ និងឈានដល់ការសម្លាប់មនុស្សរាប់ពាន់នាក់ផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Reuters
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១០ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ