កីឡា
ពេជ្រ សម្បត្តិ លែងចង់ជួប ណង សាវ ទៀត ក្រោយផ្តួលឲ្យសន្លប់ម្សិលមិញ
អ្នកលេងគុនខ្មែររហស្សនាម«ក្របីព្រៃ» ពេជ្រ សម្បត្តិ បានផ្តួលកីឡាករមិត្តរួមជាតិ ណង សាវ ឲ្យសន្លប់ ក្នុងការប្រកួត១ទឹក រយៈពេល៩នាទីនៅសង្វៀនថោន នាល្ងាចថ្ងៃអាទិត្យ ទី១៧ ខែកញ្ញា ឆ្នាំ២០២៣។
ការប៉ះគ្នារបស់អ្នកទាំងពីរជាជំនួបដែលអ្នកគាំទ្រចង់ឃើញយូរមកហើយដោយសារ ពេជ្រ សម្បត្តិ ជាជើងខ្លាំងដ៏មានប្រជាប្រិយភាពតាមរយៈស្មារតីប្រយុទ្ធឆ្ពោះទៅមុខមិនចេះរាថយ និងកណ្តាប់ដៃធ្ងន់ ខណៈ ណង សាវ ជាកីឡាករម្នាក់ដែលវ៉ៃបច្ចេកទេស ទាត់ល្អ និងកណ្តាប់ដៃល្អ។
ការពិតនៅលើសង្វៀនបង្ហាញថា ពេជ្រ សម្បត្តិ បានដើរចូលវ៉ៃកណ្តាប់ដៃផ្ទួនៗទាំងលើផ្ទៃមុខ និងក្បាលពោះ ខណៈ ណង សាវ បានព្យាយាមទាត់ ធាក់ចេញ និងកណ្តាប់ដៃ ប៉ុន្តែមិនអាចធ្វើអ្វីបានលើក្របីព្រៃបានទេ។ ការប្រកួតបានជាង៦នាទីប៉ុណ្ណោះ ណង សាវ មិនអាចទ្រាំទ្រនឹងការសម្រុក និងកណ្តាប់ដៃផ្ទួនៗរបស់ សម្បត្តិ បានឡើយ។
ក្រោយចប់ការប្រកួត ណង សាវ បាននិយាយថា ខ្លួនចង់ជួប ពេជ្រ សម្បត្តិ ម្តងទៀត។ វ៉ៃទឹកក៏បាន វ៉ៃ៥ទឹកក៏បាន ប៉ុន្តែក្របីព្រៃបាននិយាយថា ខ្លួនលែងចង់ជួប ណង សាវ ទៀតហើយ។
ពេជ្រ សម្បត្តិ បាននិយាយថា ខ្លួនសប្បាយចិត្តដែលទទួលបានជ័យជម្នះ ប៉ុន្តែមិនចង់ជួប ណង សាង ទៀតទេ ពីព្រោះជាខ្មែរដូចគ្នា។ ប្រការនេះមានន័យថា សម្បត្តិ ហាក់មានអារម្មណ៍អាណិត ណង សាវ ដែលខ្លួនវ៉ៃឲ្យសន្លប់ ពីព្រោះជាខ្មែរដូចគ្នា ដូច្នេះរូបគេចង់ប្រកួតជាមួយកីឡាករបរទេសប៉ុណ្ណោះ។
នេះជាការឈ្នះលើកីឡាករមិត្តរួមជាតិម្នាក់ទៀតសម្រាប់ ពេជ្រ សម្បត្តិ បន្ទាប់ពីរូបគេបានយកឈ្នះលើ ឃីម បូរ៉ា កាលពីដើមខែកញ្ញា ឆ្នាំ២០២៣៕
អត្ថបទ៖ វីរបុត្រ
-
ព័ត៌មានជាតិ៤ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ២ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៧ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ២ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
កីឡា១ សប្តាហ៍ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៦ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៣ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ