កីឡា
មុនប៉ះកម្ពុជាល្ងាចនេះ ក្រុមបាល់ទះឥណ្ឌាក៏ធ្លាប់ចាញ់ឥណ្ឌូណេស៊ីដែរ
ក្រុមបាល់ទះជម្រើសជាតិកម្ពុជានឹងប្រកួតជាមួយជម្រើសជាតិឥណ្ឌា វេលាម៉ោង៦ល្ងាចនេះសម្រាប់ការប្រកួតបើកឆាកពូល C នៃព្រឹត្តិការណ៍កីឡាអាស៊ី លើកទី១៩ ឆ្នាំ២០២៣ នៅប្រទេសចិន។
វានឹងក្លាយជាការប្រកួតដ៏លំបាកសម្រាប់កម្ពុជានៅពេលជួបក្រុមខ្លាំងលំដាប់អាស៊ី និងជាក្រុមដែលកីឡាករមានកាយសម្បទាធំ និងខ្ពស់ ប៉ុន្តែឥណ្ឌាមិនសូវមានកេរ្តិ៍ល្បីខ្លាំងឡើយ បើប្រៀបធៀបជាមួយក្រុមយក្សដូចជា ជប៉ុន កូរ៉េ ចិន ឬអ៉ីរ៉ង់ជាដើម។
ក្រុមបាល់ទះឥណ្ឌាក៏ធ្លាប់ចាញ់ក្រុមនៅតំបន់អាស៊ានដែរគឺឥណ្ឌូណេស៊ី។ ក្នុងព្រឹត្តិការណ៍ប្រកួតបាល់ទះជើងឯកអាស៊ី កាលពីខែសីហា ឆ្នាំ២០២៣ ឥណ្ឌាបានចាញ់ឥណ្ឌូណេស៊ី ដ៏អាក្រក់ដែរក្នុងលទ្ធផល ០-៣។ ពេលនោះ សិតទី១ តឹងតែងខ្លាំងមែនទែនដោយឥណ្ឌូណេស៊ីបានយកឈ្នះដោយពិន្ទុ ២៩-៣១ ប៉ុន្តែបែរជាសិតទី២ និងទី៣ ឥណ្ឌូណេស៊ីវ៉ៃដាច់ឆ្ងាយក្នុងពិន្ទុ ១៨-២៥ និង១២-២៥។
បរាជ័យរបស់ឥណ្ឌាក្រោមថ្វីដៃរបស់ឥណ្ឌូណេស៊ីនេះ ក៏មិនខុសអ្វីនឹងកម្ពុជាដែលបានចាញ់ក្នុងកីឡាស៊ីហ្គេម លើកទី៣២ ឆ្នាំ២០២៣។ នៅវគ្គផ្តាច់ព្រ័ត្រ ឥណ្ឌូណេស៊ី បានយកឈ្នះម្ចាស់ផ្ទះកម្ពុជាដោយលទ្ធផល ០-៣ (២១-២៥, ១០-២៥ និង១៥-២៥) ដើម្បីទទួលបានមេដាយមាស ខណៈកម្ពុជាទទួលបានមេដាយប្រាក់។
៥ប្រកួតផ្លូវការចុងក្រោយក្នុងព្រឹត្តិការណ៍បាល់ទះជើងឯកអាស៊ី កាលពីខែសីហា ឥណ្ឌា ទទួលបានជ័យជម្នះ២ប្រកួត និងចាញ់៣ប្រកួតដូចខាងក្រោម៖
- ឥណ្ឌា ០-៣ កាតារ
- ឥណ្ឌា ៣-១ អាហ្វហ្គានីស្ថាន
- ឥណ្ឌា ២-៣ ចិន
- ឥណ្ឌា ០-៣ ឥណ្ឌូណេស៊ី
- ឥណ្ឌា ៣-០ អ៉ីរ៉ាក់
ចំណែក៥ប្រកួតផ្លូវការក្នុងកីឡាស៊ីហ្គេម កម្ពុជាឈ្នះ៣ប្រកួត និងចាញ់២ប្រកួតដូចខាងក្រោម៖
- កម្ពុជា ៣-០ សិង្ហបុរី
- កម្ពុជា ៣-០ ហ្វីលីពីន
- កម្ពុជា ០-៣ ឥណ្ឌូណេស៊ី
- កម្ពុជា ៣-២ ថៃ
- កម្ពុជា ០-៣ ឥណ្ឌូណេស៊ី
ក្នុងពូលជាមួយគ្នានេះមានក្រុមខ្លាំង កូរ៉េខាងត្បូង ដែលត្រូវជួបឥណ្ឌា នៅថ្ងៃទី២០ ខែកញ្ញា និងការប្រកួតសន្សំពិន្ទុចុងក្រោយ កូរ៉េខាងត្បូង ប៉ះ កម្ពុជា ថ្ងៃទី២១ ខែកញ្ញា។
ការប្រកួតនេះឈ្នះតែ១ប្រកួតបានឡើងទៅកាន់វគ្គបន្ត ពីព្រោះមាន៣ក្រុម ដោយលេខ១ និងលេខ២ ឡើងទៅកាន់វគ្គបន្ត៕
អត្ថបទ៖ វីរបុត្រ
-
ព័ត៌មានអន្ដរជាតិ២៤ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
សេដ្ឋកិច្ច៣ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៧ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៦ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ