មនុស្សម្នាក់ក្នុងចំណោមប្រជាជនជប៉ុន ១០ នាក់ កើនអាយុជាង ៨០ ឆ្នាំ

មនុស្សម្នាក់ក្នុងចំណោមប្រជាជនជប៉ុន ១០ នាក់ មានអាយុលើសពី ៨០ ឆ្នាំ ដែលជាលើកដំបូងមិនធ្លាប់មាន ។

អង្គការសហប្រជាជាតិបាននិយាយថា ជប៉ុនមានប្រជាជនចំណាស់ជាងគេបំផុតនៃពិភពលោក ដែលមានអាយុចាប់ពី ៦៥ ឆ្នាំឡើងទៅ ។ ប្រទេសជប៉ុនកំពុងមានអត្រាកំណើតទាបបំផុតនៅលើពិភពលោក ហើយក៏ពិបាកក្នុងការតស៊ូផ្គត់ផ្គង់ប្រជាជនវ័យចំណាស់របស់ខ្លួនដែរ ។

អត្រាការងារមនុស្សចាស់ក្នុងប្រទេសជប៉ុនគឺស្ថិតក្នុងចំណោមប្រទេសដែលមានសេដ្ឋកិច្ចធំជាងគេ ពោលគឺកម្មករដែលមានអាយុចាប់ពី ៦៥ ឆ្នាំឡើងទៅមានច្រើនជាង ១៣ ភាគរយនៃកម្លាំងពលកម្មជាតិទាំងមូល ខណៈប្រទេសនេះត្រូវបានប៉ាន់ប្រមាណថា ក្នុងឆ្នាំ ២០២២ មានកំណើតទារកតិចជាង ៨ សែននាក់ទៅទៀត ។

ពាក់ព័ន្ធនឹងបញ្ហាខាងលើ លោកនាយករដ្ឋមន្ត្រី Fumio Kishida បាននិយាយកាលពីខែមករាថា ប្រទេសរបស់លោកស្ថិតក្នុងដំណាក់កាលមិនអាចដំណើរការជាសង្គមបានទេ ដោយសារអត្រាកំណើតធ្លាក់ចុះ ។ ទោះបីជាយ៉ាងណាក៏ដោយ អាជ្ញាធរនៅតែស្ទាក់ស្ទើរក្នុងការទទួលយកពលករចំណាកស្រុកជាដំណោះស្រាយ ៕

ប្រែសម្រួល៖ វារី

ប្រភព៖​ BBC

ចុចអាន៖ ជប៉ុន ចេញច្បាប់ថ្មីលើកទឹកចិត្តដល់គ្រួសារឲ្យបង្កើនការយកកូន