ព័ត៌មានជាតិ
ក្រសួងព័ត៌មាន កំណត់ទិសដៅ និងគោលការណ៍មួយចំនួន ដើម្បីធ្វើឲ្យប្រសើរឡើងវិស័យព័ត៌មាននៅកម្ពុជា
ក្រសួងព័ត៌មាន ក្នុងរាជរដ្ឋាភិបាល អាណត្តិទី ៧នេះ បានកំណត់ទិសដៅ និងគោលការណ៍ សម្រាប់អនុវត្តសំខាន់ៗមួយចំនួន ដើម្បីធ្វើឲ្យប្រសើរឡើងវិស័យព័ត៌មាន នៅក្នុងប្រទេសកម្ពុជា។ នេះបើតាមការឲ្យដឹងពីអ្នកនាំពាក្យក្រសួងព័ត៌មាន។
![](https://www.kampucheathmey.com/wp-content/uploads/2023/09/009-56-1024x614.png)
លោក ទេព អស្នារិទ្ធ អ្នកនាំពាក្យក្រសួងព័ត៌មាន មានប្រសាសន៍ប្រាប់កម្ពុជាថ្មីថា ក្រសួងព័ត៌មាន ដែលមានលោក នេត្រ ភក្ត្រា ជារដ្ឋមន្រ្តីក្រសួងព័ត៌មាន បានកំណត់ទិសដៅ និងគោលការណ៍អនុវត្តជាអាទិភាពសំខាន់ៗ មួយចំនួនដូចជា៖ ការលើកកម្ពស់គុណភាពព័ត៌មាន តាមរយៈការរៀបចំការបណ្តុះបណ្តាលវិជ្ជាជីវៈផ្នែកសរសេរ ផលិត និងផ្សព្វ ផ្សាយព័ត៌មានដែលមានគុណភាព ផ្តល់នូវចំណេះដឹងដល់ប្រជាពលរដ្ឋ និងរួមចំណែកដល់ការថែរក្សាសុខសន្តិភាព និងការអភិវឌ្ឍសង្គមកម្ពុជា។
![](https://www.kampucheathmey.com/wp-content/uploads/2023/09/003-29.jpg)
ក្នុងនោះដែរ ក្រសួងព័ត៌មាន មានគម្រោងផ្តួចផ្តើមការរៀបចំ បង្កើតវិទ្យាស្ថានជាតិសារព័ត៌មាន និងទំនាក់ទំនងសាធារណៈ ដែលជាយន្តការស្នូលមួយសម្រាប់រួមចំណែកដល់កិច្ចខិតខំ របស់រាជរដ្ឋាភិបាល ក្នុងការលើកកម្ពស់វិជ្ជាជីវៈសារព័ត៌មាន និងបង្កើនធនធានមនុស្ស ប្រកបដោយគុណភាព សម្រាប់វិស័យដ៏សំខាន់នេះ។
លើសពីនេះទៀត ក្រសួងព័ត៌មាន ក៏នឹងរៀបចំស្តង់ដាប្រតិបត្តិក្រមសីលធម៌សារព័ត៌មានរួមមួយ សម្រាប់ការអនុវត្តដោយបណ្តាភ្នាក់ងារប្រតិបត្តិសារព័ត៌មាន និងអ្នកប្រកបអាជីពជាអ្នកសារព័ត៌មានទាំងអស់នៅកម្ពុជា សំដៅលើកតម្កើងតម្លៃ និងគុណភាពអ្នកសារព័ត៌មាននៅកម្ពុជា តាមរយៈការផ្សព្វផ្សាយព័ត៌មានពិត រហ័ស និងមានខ្លឹមសារល្អ ក៏ដូចជាដើម្បីឆ្លើយតបទៅនឹងតម្រូវការទីផ្សារ និងការវិវត្តន៍ឈានឡើង នៃសង្គមកម្ពុជា ក្នុងបរិបទនៃសង្គមឌីជីថល។
លោក ទេព អស្នារិទ្ធ អ្នកនាំពាក្យក្រសួងព័ត៌មាន បានបញ្ជាក់បន្ថែមថា «នៅក្នុងរាជរដ្ឋាភិបាល អាណត្តិទី ៧ យើងនេះ អាទិភាពមួយក្នុងចំណោមអាទិភាពផ្សេងៗទៀត ដែលក្រសួងព័ត៌មាន ផ្ដោតការយកចិត្តទុកដាក់ជាចម្បងនោះ គឺការពង្រឹងការអនុវត្តក្រមសីលធម៌ វិជ្ជាជីវៈសារព័ត៌មាន ឲ្យបានកាន់តែប្រសើរឡើង តាមរយៈការបណ្ដុះបណ្ដាលវិក្រឹត្យការ វិជ្ជាជីវៈសារព័ត៌មាន និងការបង្កើនធនធានមនុស្ស ក្នុងវិស័យនេះឲ្យមានទទួលបាននូវអ្នកសារព័ត៌មាន ដែលមានគុណភាពឲ្យកាន់តែច្រើនឡើង»។
បើតាមអ្នកនាំពាក្យដដែល ការណ៍ដែលមានអ្នកសារព័ត៌មាន ដែលមានគុណភាពកាន់តែច្រើនឡើងនោះ គឺជាការលើកកម្ពស់វិស័យសារព័ត៌មានកម្ពុជា ក្នុងនាមជាអំណាចទី ៤ ហើយនៅពេលដែលមានអ្នកសារព័ត៌មាន មានចំណេះដឹង និងវិជ្ជាជីវៈ គ្រប់គ្រាន់ ក៏ជាធាតុស្នូលមួយដ៏ចាំបាច់ ដើម្បីធ្វើឲ្យវិស័យព័ត៌មាននៅកម្ពុជា កាន់តែប្រសើរឡើង៕
អត្ថបទ៖ ឃួន សុភ័ក្រ
-
KPT+៥ ម៉ោង ago
ប្រវត្តិដ៏គួរឱ្យចាប់អារម្មណ៍របស់ វត្តចំណាស់ទាំង ៧ ក្នុងខេត្តបាត់ដំបង
-
ព័ត៌មានអន្ដរជាតិ៤ ថ្ងៃ ago
Pre-Wedding កូនសេដ្ឋីប្រាក់លានឥណ្ឌា លើទឹកដី អ៊ីតាលី ក្លាយជាពិធីខឹងសម្បារពីប្រជាជន និងអ្នកទេសចរ
-
ព័ត៌មានជាតិ៣ ថ្ងៃ ago
អ្នកជំនាញឡាន ប្រាប់មូលហេតុដែលម្ចាស់ឡានតូចៗ មិនគួរប្រថុយបើកឡានកាត់ទឹក
-
ព័ត៌មានជាតិ៤ ថ្ងៃ ago
មានតម្រុយ គ្រោងសាងសង់ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ
-
ព័ត៌មានជាតិ១៨ ម៉ោង ago
ស្ពានអាកាសភ្លោះភ្ជាប់ផ្លូវ ៦០ ម៉ែត្រ ទៅព្រលានអន្តរជាតិតេជោ ប្រកាសបើកការដ្ឋាននៅថ្ងៃ ១៧ មិថុនា នេះ
-
ព័ត៌មានជាតិ៥ ថ្ងៃ ago
ពិព័រណ៍យន្តហោះ និងបច្ចេកវិទ្យា រដូវកាលទី៤ នឹងមកដល់ឆាប់ៗនេះ
-
ព័ត៌មានអន្ដរជាតិ៤ ថ្ងៃ ago
យន្តហោះដឹកកីឡាករប្រដាល់ថៃមួយក្រុម ដាច់ម៉ាស៊ីនត្រជាក់ ម្នាក់ៗហប់សឹងដាច់ខ្យល់
-
សន្តិសុខសង្គម៣ ថ្ងៃ ago
ម្ចាស់ហាងមួយនៅឆ្នេរអូរឈើទាលលក់ស្រាបៀរមួយកេស៧២ដុល្លារ អាជ្ញាធរខេត្តឲ្យជំនាញពិនិត្យ