ជំនួបរវាងសម្ដេចធិបតី ហ៊ុន ម៉ាណែត និងនាយករដ្ឋមន្ត្រី ថៃ ផ្ដោតលើការ​ឆបោកឆ្លងដែនតាមអនឡាញ

រដ្ឋមន្ត្រីការបរទេសថៃ លោក Parnpree Bahiddha-Nukara បាននិយាយថា លោកនាយករដ្ឋមន្ត្រី សេដ្ឋា ថាវីស៊ីន នឹងជួបពិភាក្សាជាមួយសម្ដេចមហាបវរធិបតិ ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា លើបញ្ហាអ្នកឆបោកតាមអនឡាញដែលប្រតិបត្តិការនៅតាមព្រំដែន នៅថ្ងៃទី២៨ ខែកញ្ញានេះ ។

លោក Parnpree បាននិយាយថា អ្នកឆបោកតាមអនឡាញកំពុងបង្កផលរំខាន និងការខូចខាតជាច្រើនដល់សាធារណជនថៃ ដូច្នេះការបង្ក្រាបជាបន្ទាន់គឺភារកិច្ចចាំបាច់ ។

លោករដ្ឋមន្ត្រីការបរទេសបញ្ជាក់ទៀតថា ប្រទេសថៃចង់បង្ក្រាបប្រតិបត្តិការអ្នកឆបោកតាមអនឡាញទាំងអស់ មិនមែនម្តងមួយៗដែលជាការងារធ្វើគ្មានទីបញ្ចប់នោះទេ ។

គួរបញ្ជាក់ថា ព្រះរាជាណាចក្រកម្ពុជា គឺជាប្រទេសអាស៊ានដំបូងគេបង្អស់ដែលនាយករដ្ឋមន្ត្រីថ្មីរបស់ថៃ សេដ្ឋា ថាវីស៊ីន នឹងអញ្ជើញធ្វើដំណើរបំពេញទស្សនកិច្ច បន្ទាប់ពីចូលកាន់តំណែងជាផ្លូវការកាលពីដើមខែនេះ ៕

ប្រែសម្រួលដោយ ៖ ជីវ័ន្ត

ប្រភព ៖ Thai PBS

ចុចអាន ៖ កម្ពុជា ជាប្រទេសអាស៊ានទី១ ដែលលោក សេដ្ឋា បំពេញទស្សនកិច្ច ចាប់តាំងពីឡើងកាន់តំណែង