កីឡា

ពេលបង្ហាញគ្រូទាំង១០រូប ព្រំ សំណាង សន្យាធ្វើឲ្យអ្នកគាំទ្រភ្លឺភ្នែកប៉ះ Leduc

បានផុស

៣ years មុន

នៅ

ថ្ងៃព្រហស្បតិ៍ ២៦ តុលា ២០២៣

ដោយ

កាលពីម្សិលមិញនេះ អ្នកគាំទ្របានចាប់អារម្មណ៍ខ្លាំងលើការហ្វឹកហាត់របស់ ព្រំ សំណាង ត្រៀមប៉ះកីឡាករមីយ៉ាន់ម៉ា Dave Leduc នៅថ្ងៃទី៥ ខែវិច្ឆិកា ឆ្នាំ២០២៣ នៅសង្វៀនថោន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្វីដែលអ្នកគាំទ្រចាប់អារម្មណ៍បំផុតនោះគឺវត្តមានរបស់គ្រូធំ និងគ្រូជំនួយទាំង១០រូបបានមកជួបជុំគ្នាដើម្បីវិភាគវីដេអូប្រកួតរបស់ស្តេចប្រដាល់មីយ៉ាន់ម៉ា Dave Leduc និងបង្វឹកបង្ហាត់ស្នៀតត្រៀមប្រកួតដ៏សំខាន់នាពេលខាងមុខ។

វត្តមានរបស់គ្រូបង្វឹកទាំង១០នាក់ក៏បានធ្វើឲ្យអ្នកខ្លះយល់ឃើញថា មិនគួរសម្ញែងជាសាធារណៈខ្លាំងបែបនេះទេដែលជាហេតុធ្វើឲ្យដៃគូប្រកួតដឹងពីការត្រៀមខ្លួនកាន់តែច្រើន ហើយប្រសិនបើទទួលបានលទ្ធផលមិនគាប់ប្រសើរទៀតនោះរឹតតែអាក្រក់។

គ្រូបង្វឹកទាំង១០រូបសុទ្ធតែជាអតីតជើងខ្លាំងគុនខ្មែរ និងជាគ្រូបង្វឹកមកពីក្លិបផ្សេងៗគ្នា។ ពួកគេបានជួបជុំគ្នាសិក្សា វិភាគដៃគូប្រកួត បង្ហាត់ស្នៀតពិសេសៗតាមជំនាញរបស់គ្រូបង្វឹកម្នាក់ៗ ការថែមទាំសុខភាព និងរាងកាយឲ្យបានល្អដិតដល់។

ព្រំ សំណាង បាននិយាយថា ៖«ខ្ញុំបាទ ព្រំ សំណាង មិនហ៊ានសន្យានឹងបងប្អូនទេ តែខ្ញុំនឹងធ្វើឲ្យ ហ្វេនៗគុនខ្មែរ ភ្លឺភ្នែក ជាក់ជាមិនខាន»។

ខាងក្រោមជាគ្រូបង្វឹកទាំង១០រូប

លោកគ្រូ សេន ប៊ុនថេន
លោកគ្រូ ពេជ្រ សុផាន់
លោកគ្រូ ប៉ឹត ខាំ
លោកគ្រូ ឡៅ ស៊ីណាត
លោកគ្រូ វង្ស ស៊ីថៃ
លោកគ្រូ នួន ភារម្យ
លោកគ្រូ អេ ភូថង
លោកគ្រូ វ៉ន វីវ៉ា
លោកគ្រូ ម៉ាក់ សាមឿន
លោកគ្រូ ជា ស្រួច

អត្ថបទ៖ វីរបុត្រ

Related Topics:កីឡាប្រដាល់គុនខ្មែរ ព្រំ សំណាង Dave Leduc

ព័ត៌មានអន្ដរជាតិ២៤ ម៉ោង ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា