សេដ្ឋកិច្ច

ទ្រព្យសកម្មរបស់គ្រឹះស្ថានភតិសន្យាហិរញ្ញវត្ថុកើនជាង ៨ ភាគរយ ខណៈឥណទានភតិសន្យា ហិរញ្ញវត្ថុកើនជាង ១៣ភាគរយ

បានផុស

៣ years មុន

នៅ

ថ្ងៃព្រហស្បតិ៍ ២៦ តុលា ២០២៣

ដោយ

គិតត្រឹមឆមាសទី១ ឆ្នាំ២០២៣ ទ្រព្យសកម្មរបស់គ្រឹះស្ថានភតិសន្យាហិរញ្ញវត្ថុកើនឡើង ៨,៣% ដល់ ២,១ ទីលានរៀល ស្មើនឹង ៥១៣,៥ លានដុល្លារអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមសេចក្ដីប្រកាសរបស់សមាគមមីក្រូហិរញ្ញវត្ថុកម្ពុជាកាលពីថ្ងៃទី ២៦ ទីតុលា បានឱ្យដឹងថា ឥណទាន ភតិសន្យាហិរញ្ញវត្ថុកើនឡើង ១៣,១% ដល់ ១,៨ ទ្រីលានរៀល ស្មើនឹង៤៥៥,៥ លានដុល្លារអាមេរិក។

ក្នុងនោះមាន ៩៦.៩៦៤ គណនី ហើយត្រូវបានផ្តល់ទៅវិស័យជាច្រើនរួមមាន៖ កសិកម្ម ២៦,៥%, អង្គភាពគ្រួសារ ២១,៦%, សេវាកម្ម ២០,១%, ដឹកជញ្ជូន ៥,៦%, សំណង់ ៤,៧%, ពាណិជ្ជកម្មនិងជំនួញ ៣,៦%, និងវិស័យផ្សេងៗ ១៧,៩%។

ប្រភពទុនចម្បងរបស់គ្រឹះស្ថានភតិសន្យាហិរញ្ញវត្ថុបានមកពីមូលនិធិភាគទុនិក ដោយកើនឡើង ៦,៩% ដល់ ៦៦០,៤ ប៊ីលានរៀល ត្រូវនឹង ១៦២,៩ លានដុល្លារអាមេរិក។

សូមបញ្ជាក់ថា ភតិសន្យាហិរញ្ញវត្ថុ គឺជាការជួលឧបករណ៍ ឬសម្ភារសម្រាប់យកទៅប្រើប្រាស់ក្នុងអាជីវកម្មដែលម្ចាស់អាជីវកម្មគ្មានលទ្ធភាពទិញឧបករណ៍ ឬសម្ភារនោះបាន។ ការជួលនេះស្រដៀងនឹងការទិញដែរ ប៉ុន្តែវាខុសគ្នាត្រង់ថាអ្នកជួលត្រូវបង់ថ្លៃជួលជាវគ្គៗ ហើយថ្លៃជួលនោះគេគិតយកប្រាក់ថ្លៃដើមទំនិញ បូកនឹងចុងការទៅតាមវគ្គនីមួយៗហើយនៅពេលចប់ការជួលអ្នកទិញអាចបន្ថែមប្រាក់បន្តិចបន្តួចទិញផ្តាច់តែម្តង ឬជួនកាលនៅពេលចប់ការជួលម្ចាស់របស់ អាចផ្ទេរកម្មសិទ្ធិលើរបស់នោះឲ្យទៅអ្នកជួលតែម្តង។ ភតិសន្យាហិរញ្ញវត្ថុត្រូវមានរយៈពេលខ្លីបំផុត ១ ឆ្នាំ៕

អត្ថបទ៖ ផល ធារិត