ព័ត៌មានអន្ដរជាតិ
ទីបំផុត កូនស្រីលោក ថាក់ស៊ីន កាន់តំណែងកំពូលមួយក្នុងបក្សភឿថៃ
លោកស្រី ផេថងថាន ស៊ីណាវ៉ាត់ត្រា កូនស្រីពៅរបស់អតីតនាយករដ្ឋមន្ត្រីថៃលោក ថាក់ស៊ីន ត្រូវបានបោះឆ្នោតជ្រើសរើសជាប្រធានគណបក្សភឿថៃទី ៨ ហើយលោកស្រីក៏ជាស្រី្តដំបូងគេផងដែរ ដែលកាន់កាប់តំណែងមួយនេះក្នុងបក្ស ។
កូនស្រីពៅរបស់លោក ថាក់ស៊ីន វ័យ ៣៧ ឆ្នាំរូបនេះ បានចូលប្រឡូកក្នុងឆាកនយោបាយកាលពី ២ ឆ្នាំមុនក្នុងនាមជាប្រធានទីប្រឹក្សារបស់គណបក្សភឿថៃ ខណៈក្នុងការបោះឆ្នោតសកលកាលពីខែឧសភាកន្លងទៅ លោកស្រីក៏ជាបេក្ខភាពនាយករដ្ឋមន្ត្រីមួយរូបផងដែរ ក្នុងចំណោមបេក្ខភាពទាំង ៣ របស់គណបក្ស ។
កន្លងមកលោកស្រី ផេថងថាន ក៏ធ្លាប់ត្រូវបានប្រគល់មុខតំណែងកំពូលជាច្រើននៅក្នុងជួររដ្ឋាភិបាលថ្មី រួមទាំងតួនាទីនៅក្នុងគណៈកម្មាធិការអភិវឌ្ឍន៍ប្រព័ន្ធសុខាភិបាលជាតិ និងជាអនុប្រធានក្រុមប្រឹក្សាយុទ្ធសាស្ត្រអំណាចទន់ (Soft-Power) ផងដែរ ។
ទន្ទឹមនោះ ក្រៅពីជ្រើសតាំងលោកស្រី ផេថងថាន ជាប្រធានគណបក្សហើយនោះ, ក្រុមប្រឹក្សាស្នូលរបស់ភឿថៃបានសម្រេចបោះឆ្នោតជ្រើសរើសលោក Sorawong Thienthong ជាអគ្គលេខាធិការបក្ស ខណៈលោក Danuporn Punnakan ជាអ្នកនាំពាក្យ ។
គួរបញ្ជាក់ថា លោកស្រី ផេថងថាន ត្រូវបានជ្រើសតាំងឲ្យក្លាយជាប្រធានគណបក្សភឿថៃ ដោយមិនមានបេក្ខជនផ្សេងឈរឈ្មោះតតាំងជាមួយនោះទេ ហើយក្នុងនោះលោកស្រីទទួលបានសំឡេងគាំទ្រចំនួន ២៨៩ និងមួយសំឡេងអនុប្បវាទ ៕
ប្រែសម្រួលដោយ ៖ ជីវ័ន្ត
ប្រភព ៖ The Nation Thailand
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ