រុស្ស៊ី រៀបគម្រោងបញ្ជូនមនុស្សទៅឋានព្រះចន្ទនៅទសវត្សរ៍ក្រោយ

រុស្ស៊ីគ្រោងនឹងបញ្ជូនអវកាសយានិកទៅចុះចតនៅលើឋានព្រះចន្ទ​ជាលើកដំបូងក្នុងប្រវត្តិសាស្ត្រ​អវកាសរបស់ខ្លួន​នៅក្នុងទសវត្សរ៍ក្រោយ ហើយក៏មានបំណងសាងសង់មូលដ្ឋានដោយផ្ទាល់នៅ​លើដី​ព្រះចន្ទ ចាប់ពីឆ្នាំ ២០៣១ ផងដែរ ។

គ្រោងការដែលត្រូវបានបង្ហាញដោយលោក Vladimir Solovyov នៃក្រុមហ៊ុន RKK Energia បានឲ្យដឹងថា ប្រទេសរុស្ស៊ីកំពុងរៀបចំផែនការបេសកកម្មបញ្ជូនមនុស្សទៅកាន់ឋានព្រះចន្ទ រួមទាំងសាង​សង់មូលដ្ឋាន​នៅទីនោះ ចន្លោះឆ្នាំ ២០៣១ ដល់ឆ្នាំ ២០៤០ ក៏ដូចជាបេសកកម្មទាញយកធនធានធម្មជាតិនៅលើភពនោះដោយផ្ទាល់ផងដែរ ។

ចំពោះបេសកម្មបញ្ជូនមនុស្សទៅព្រះចន្ទ គឺមានតែសហរដ្ឋអាមេរិកមួយប៉ុណ្ណោះ បន្ទាប់ពីជោគជ័យ​បញ្ជូនលោក Neil Armstrong ទៅមុនគេក្នុងឆ្នាំ ១៩៦៩ ។

​ប៉ុន្តែទោះជាយ៉ាងណា បេសកកម្ម Luna-2 របស់អតីតសហភាពសូវៀតទៅវិញទេ គឺជាយានអវកាសដំបូងបំផុតដែលបានទៅដល់ផ្ទៃព្រះចន្ទក្នុងឆ្នាំ ១៩៥៩ ហើយបេសកកម្ម Luna-9 ក្នុងឆ្នាំ ១៩៦៦ គឺជាយានទីមួយដែលចុះចតនៅទីនោះ ៕

​ប្រែសម្រួល៖ នាង រតនៈ

ប្រភព៖​ CNA

ចុចអាន៖ ថៃ ដាក់គោលដៅបង្កើនការនាំចេញអង្ករឲ្យបាន ៨.៥ លានតោននៅឆ្នាំនេះ