អ៊ីស្រាអែល-ហាម៉ាស ចាប់ផ្តើមបទឈប់បាញ់រយៈពេល៤ថ្ងៃជាផ្លូវការ

នៅថ្ងៃសុក្រទី២៤ខែវិច្ឆិកា អ៊ីស្រាអែលនិងក្រុមហាម៉ាស បានចាប់ផ្តើមបទឈប់បាញ់ជាផ្លូវការរយៈពេល៤ថ្ងៃហើយ ខណៈចំណាប់ខ្មាំងដែលឃុំឃាំងនៅតំបន់ហ្គាហ្សាស្ទ្រីប នឹងត្រូវដោះលែង ជាថ្នូរនឹងអ្នកទោសប៉ាឡេស្ទីន។

នេះគឺជាការបន្ថយស្ថានការណ៍ដ៏ធំ ក្នុងសង្គ្រាមរយៈពេល៧សប្តាហ៍ ដែលបានឆក់យកជីវិតមនុស្សរាប់ម៉ឺននាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ទាប់ពីការចរចាដ៏យូរ ការផ្អាកបាញ់បានចាប់ផ្តើមនៅម៉ោង៧ព្រឹក (ម៉ោងនៅអ៊ីស្រាអែល) ហើយនៅម៉ោង៤រសៀល ក្រុមដំបូងនៃចំណាប់ខ្មាំងជាស្រ្តីនិងកុមារចំនួន១៣នាក់ នឹងត្រូវ ដោះលែងចេញពីតំបន់ហ្គាហ្សា បន្ទាប់មក មានការដោះលែងអ្នកទោសប៉ាឡេស្ទីន (មិនបញ្ជាក់ចំនួន) ចេញពីពន្ធនាគារអ៊ីស្រាអែល។ នេះបើតាមអ្នកសម្រុះសម្រួលកាតា។

ក្នុងរយៈពេល៤ថ្ងៃ ចំណាប់ខ្មាំងយ៉ាងតិច៥០នាក់ ត្រូវបានគេរំពឹងថានឹងដោះលែង ដោយបន្សល់ទុកចំណាប់ខ្មាំង១៩០នាក់ទៀត នៅក្នុងដៃរបស់ក្រុមសកម្មប្រយុទ្ធប៉ាឡេស្ទីន។

ក្នុងរយៈពេលដូចគ្នានេះ អ្នកទោសប៉ាឡេស្ទីនប្រមាណ១៥០នាក់ ត្រូវគេរំពឹងថានឹងដោះលែង ហើយជំនួយបន្ថែមក៏នឹងបញ្ជូនចូលទៅក្នុងតំបន់ហ្គាហ្សាផងដែរ៕

ប្រែសម្រួល៖ Vann Vann

ប្រភព៖ CNA

ចុចអាន៖ អ៊ីស្រាអែល វាយប្រហារសាលារៀននៅហ្គាហ្សា សម្លាប់មនុស្ស៣០នាក់ របួស១០០នាក់